Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Si descendi soz lo pin,au degré .

  2. L’emperere ert de son mangier levez,

  3. Il apela sa jent et son barnés :

  4. «Seignor,»dist il,«un petit m’entendez .

  5. «Je m’esmerveil d’Aymeri lo barbé

  6. «Et de Gautier qui tant a demoré .»

  7. Ez lo mesaje enz el palès montés :

  8. Li rois lo voit,grant joie en a menés :

  9. Son destre bras li a au col posé,

  10. Lez lui l’asist el faudestué doré,

  11. Cortoisement l’en prist a apelers :

  12. «Sire fillex,un petit m’entendezs ;

  13. «Com se contient danz Aymeris li bers ?

  14. «Puet il or mès ses garnemenz porter,

  15. «Espée ceindre ni en cheval monters ?—

  16. «Par mon chief,sire,ja orrez verités :

  17. «Par moi vos mande saluz et amisté,

  18. «Et si vos prie por sainte charité

  19. «Que vos l’aliez veoir et esgarder

  20. «A tot .xxmil de chevaliers armezs :

  21. «Congié vuelt prendre a vos et a vos pers,

  22. «Car il se muert,en li a deviné,

  23. «Uns siens juïs qui est des arz parez .
    24. [ fol. 23 ]

  24. — Molt volentiers,»dist Looys li ber .

  25.  «Je irai a Nerbone .»

  1. «Oez,seignor,»dist li rois Looys,

  2. «Hues Chapès m’a malement servis :

  3. «Arse a ma terre et gasté mon païs .

  4. «Or le quidoie detrenchier et honir,

  5. «Fere jostice au los de me amis,

  6. «Icest besoing m’estuet metre en respits :

  7. «S’irai veoir lo preu conte Aymeri

  8. «En ma conpaigne de chevaliers .xxmil .»

  9. Gautiers responts :«Molt par avez bien dit .»

  10. Dedanz Nerbone fu li quens Aymeriss :

  11. Il est malades,si se dote a morirs ;

  12. Or se porpense que mandera ses filzs ;

  13. Mande Bernart de Brubant lo jentil,

  14. C’est li ainznez des filz dant Aimeri,

  15. Et de Gironde sire Hernauz lo hardi,

  16. Et si manda Bueve de Conmarchis,

  17. Et d’Anseüne lo pogneor Garin,

  18. Et a Orenge Guillaume lo hardis ;

  19. Au port d’Ossau envoia Aufelis

  20. Por Guibert querre lo menor de ses filz
    21. [ fol. 24 ]

  21. Qui ert en ost sor Judas l’arrabi .

  22. Ne manda pas Aïmer lo chetif

  23. Que en Espaigne ont Sarrazin ociss ;

  24. Mès il manda de ses autres amis,

  25. De ses neveuz la ou il les sot vis,

  26. Qu’il viegnent a Nerbone .

  1. Quens Aymeris a toz ses filz mandez

  2. Et ses neveuz et son riche barné .

  3. Li mesagier ont congié demandés :

  4. Danz Aymeris lor a a toz doné .

  5. Chascuns s’en va son mesaje porter,

  6. Uns avant autre issent de la cité .

  7. Mès ainz que soient venu ne retorné

  8. Avra besoing danz Aymeris li ber,

  9. Que en sa vie n’en ot onques nul tel .

  10. Hui mès devons del sarrasin chanter

  11. Qui fu espié Corsuble l’amiré

  12. Et en Nerbone ot un mois sejorné .

  13. Tant a au soir et au matin erré

  14. Qu’a un batel passa otre la mers ;

  15. En Babiloine est li gloz arrivez
    16. [ fol. 25 ]

  16. Por lo mesaje jehir et raconter

  17. A l’amiré de Perse .

  1. Barrès chemine et passe lo païs

  2. Isnelement,ne prist cesse ne fins :

  3. Uns palefroiz ne s’i poïst tenir .

  4. Tant a erré qu’en Babiloine vint .

  5. L’amiré trueve sus el palès antifs ;

  6. De Mahomet un jent salu li dist .

  7. Quant il le vit sel besa et joï,

  8. Son destre braz desus lo col li mist,

  9. Lez li l’asist el faudestué d’or fins :

  10. Cortoisement a apeler lo prist,

  11. Si li demandes :«Dont venez vos,cosinss ?

  12. De quels noveles savez vos lo latins ?

  13. Com se contient li forz quens Aymeriss ?

  14. «Puet il or mès ses garnemenz sofrirs ?

  15. «Porter ses armes et son escu tenirs ?

  16. «Il est or sires de Nerbone la cit

  17. «Qui fu mon pere lo riche roi Sorbrin .

  18. «Danz Aymeris de Nerbone l’ocist,

  19. «Et Charlemaine,li rois de Saint Denis,

  20. «Si li dona Nerbonois a tenirs :
    21. [ fol. 26 ]

  21. «Ma terre tient et quite lo païs

  22. «Mahomet sire,donez m’en esclarcir

  23. «Mès un domaje merveillos li refis

  24. «Quant li ocis Aïmer lo chetifs :

  25. «A Porpaillart la teste li toli .

  26. «Si ferai jo lo vieil conte Aymeris ;

  27. «Il est et rolle seelé et escrit,

  28. «Je l’ocirrai a mon espié forbi .»

  29. «Par Mahom,sire,»Barrés li respondi,

  30. «De ceste chose,a li rolles mentis :

  31. «Quant je tornai de Nerbone la cit

  32. «Si se moroit li preuz quens Aymeriss ;