Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. «Tot le plus maire qui ravissoit devant

  2. «Et s’aseoit en son ta tor plus grant,

  3. «De totes parz en abatoit les pans,

  4. «Ce est l’orgoil Corsuble l’amirant
    5. [ fol. 18 ]

  5. «Qui te ferra de son espié trenchant

  6. «Par mi lo cors,ja n’i avras garant .

  7. «Chooir veïs lo clochier Saint Vincent

  8. «Et alumer ceste sale vaillant

  9. «Et de ces murs fondoient li auvant,

  10. «C’est ta fiertés qui se va declinant

  11. «Et tes barnaje que avoies si grant .

  12. «Tu te morras,ja n’istras de cest ans :

  13. «Fai departir ton or et ton arjent

  14. «Et lo tresor qu’as amassé si grant,

  15. «Done le tost por Deu omnipotents :

  16. «T’ame sera florie .»

  1. «Aymeri sire,»li sajes clers a dit,

  2. «Li rais de feu que tu veïs venir,

  3. «Qui enz el cors maintenant te feri,

  4. «Tote la char et lo sanc t’en esprist,

  5. «Ce ert li glaives dont tu seras ocis .

  6. «Li blans oisels qui de ta boche issi,

  7. «Qui vers lo ciel contremont se ravi,

  8. «T’ame sera qu’ira en paradis

  9.  «En perdurable vie .»

  1. «Aymeri sire,de l’autre avison,
    2. [ fol. 19 ]

  2. «Quant en riviere fustes o lo faucon,

  3. «Pris aviez une ane et un mallon,

  4. «Si en veniez tot liez et tot joios,

  5. «C’ert chevalchiée que tu feras un jor,

  6. «Et conquerras un eschec merveillos,

  7. «Que en ta vie n’en conquis un greignors ;

  8. «Mès Sarrazin le te retodront tot,

  9. «Ne t’en leront vaillant un esperons ;

  10. «Ce senefie,sire,les .xiiiiors .

  11. «Soz toi ocistrent ton destrier misodors ;

  12. «C’èrent paien qui encor te prendront

  13. «Et enz el cors d’un espié te ferronts ;

  14. «Ce senefie,biau sire,del lion

  15. «Sivant l’aloient .xxxmile broon,

  16. «Qui devant toi abatuz ot .iiors

  17. «Et dechaciez par terres et par monzs ;

  18. «Ce ert Guiberz vostre filz li menor,

  19. «Qui vos fera un molt riche secors .

  20.  «Par lui avrez aïe .»

  1. «Aymeri sire,de vostre autre senblant,

  2. «De la contesse o lo cors avenant

  3. «Que vos veïstes soz lo pin verdoiant,

  4. «Tote estoit noire mès un bras qu’ele ot blanc,
    5. [ fol. 20 ]

  5. «Ce seront duel et poine et ahan

  6. «Que li feront Sarrazin mescreant .

  7. «Ce senefie les sopes et lo sanc

  8. «Que ele avra de mangier tel talent

  9. «Onques contesse n’en ot encor si grant,

  10. «La veveté ou el sera lonc tenss ;

  11. «Ja n’avra mès seignor en son vivants ;

  12. «Ce senefie qu’ele avoit lo bras blanc .

  13. «Itant de joie avra de ses enfanz

  14. «Ses filz Guiberz li fera secors gent

  15.  «Qui durement l’a chiére .»

  1. Quens Aymeris ot lo juï molt chier,

  2. Bien croit tot ce que li ot desrainier,

  3. Mès il fu ber,ne se volt esmaiers :

  4. «Seignor,»dist-il «donez moi a mangiers ;

  5. «Je ne manjai .iiiijors a entiers,

  6. «Et de cest mal sui forment traveillez,

  7. «Et de ces sonjes qui si m’ont angoissié .»

  8. A doner l’eve sonent .iiiigrellier,

  9. Lo jor i levent jusqu’a .cchevaliers ;

  10. Itant l’en ot ses filz Guiberz lessié .

  11. Ne vodrent mie au mestre dois mangier,

  12. Ançois s’asistrent sor lo marbre jonchié

  13. Tot environ Aymeri lo guerrier .

  14. Lo riche conte servirent volentiers,
    15. [ fol. 21 ]

  15. Et la contesse ou il n’ot qu’enseignier .

  16. Mes entr’els .iii ot petit mangier

  17. Car fierement se dotent .

  1. Quant ce fu chose que Franc orent disné,

  2. Tréent les napes,s’ont lo vin demandé .

  3. A henas d’or lor a l’en aporté .

  4. Quens Aymeris a Gautier apelé

  5. Qui lo mesaje lor ot dit et contés :

  6. «Biau sire niès,un petit m’entendezs ;

  7. «A Looys mon seignor li direz

  8. «Que je li mant saluz et amistez,

  9. «Et si li pri por sainte charité

  10. «Que il me viegne veoir et esgarder

  11. «A tot .xxmil de chevaliers armezs :

  12. «Congié penrai a lui et a ses pers,

  13. «Car je me muir,l’en le m’a deviné,

  14. «Uns miens provoire qui est des arz parez .»

  15. «Volentiers,sire,»ce dist Gautiers li bers .

  16. Ses armes crie,l’en li a aportez,

  17. El destrier monte quant il fu adobez .

  18. Par mi la porte issi de la cité,

  19. Broche Bauçant par andox les costez,

  20. Et il li va coranz et abrivez .
    21. [ fol. 22 ]

  21. Tant a au soir et au matin erré

  22. A granz jornées et a malvès ostés,

  23. Qu’il est venuz a Loon la cités ;