Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. «Quart jor avoit que il ert amuïz .

  2. «Mien escient que il l’ont enfoï .

  3. «N’i estoit pas li enfes Guibelins,

  4. «Au port d’Ossau a menez ses cosins

  5. «Ou est en ost sor Judas l’arrabis :

  6. «Des chevaliers a gasté lo païs,

  7. «Et cuer de France s’est mellez Looys .

  8. «Or pues Nerbone avoir sans contredis .

  9. «Par Mahomet,menbre toi de Sorbrin,

  10. «Du riche pere qui soef te noris ;

  11. «Va,si sesis la terre .»
    12. [ fol. 27 ]

  1. Li rois Corsolz en apela ses homess :

  2. «Seignor,»fet il,«or puis avoir Nerbone

  3. «Quant feniz est danz Aymeris li conte .

  4. «Ses filz Guiberz,en a mené ses homes,

  5. «Au port d’Ossau est alez sor mon oncle .»

  6. Droit en Sezile fet ses mesajes corre,

  7. En Pincernie en vont poignant .iiHongre,

  8. En Alixandre envoie por ses homess :

  9. D’ices contrées li vindrent .iiiitorbe

  10. XXXX ..mde Sarrazins a nonbre .

  11. Sor la cité ot une eve orguellose,

  12. Paiene jent l’apelent Perillose,

  13. D’une montaigne li afilent les ondess ;

  14. L’erbe i est verz,la praerie longue,

  15. Li olivier i sont qui li font onbre

  16. Ou Sarrazin descendent .

  1. Quant Sarrazin furent tuit descendu

  2. Par la riviere furent li tré tendu

  3. Grant .iiiiliues,que d’amont que de jus,

  4. Dexs !tant pan d’or et tant riche aigle i luist .

  5. Contre soleil gietent clarté et bruit .
    6. [ fol. 28 ]

  6. X .roi païen se sont de l’ost issu,

  7. En Babiloine en sont corant venus ;

  8. L’amiral trovent desoz un pin foillu

  9. Lez un piler de marbre ou il se jut

  10. Qui toz fu poinz de flor de vert azurs ;

  11. De Mahomet li ont tuit dit salus :

  12. «Sire amiral,por quoi te tarjes tus ?

  13. «Uns granz estoiret’est de paiens venuz,

  14. «LX .mil as verz elmes aguz,

  15. «Qui de Nerbone peçoieront les murss ;

  16. «Va,si sesis la terre .»

  1. Li rois Corsolz en apela Maudras,

  2. Un Sarrazin felon de pute part ;

  3. Ainz ses linajes n''en ot vestuz de dras,

  4. Toz fu veluz jusqu’as talons aval,

  5. Et quant il rit si senble Satenas .

  6. Dist l’amirals :«Venez avant Maudrass :

  7. «Vos en irez por ma jent de Baudas,

  8. «De Pincernie,de Perse et de Damass ;

  9. «Dites mes homes que ne demorent pas .»

  10. Li gloz en va,onques mot ne parla,
    11. [ fol. 29 ]

  11. Qui plus tost cort que brachez ne chevals .

  12. Icelui jor .iiiiterres cerchas ;

  13. Et l’endemain,ainz que midis passast,

  14. Un grant estoire de paien ajosta,

  15. XXXX .mil de la jent criminals ;

  16. Si les conduist l’amiral de Baudas .

  17. Soz Babiloine porprainent lor estals ;

  18. Durement aiment et prisent l’amiral .

  19. Molt lor est bel que a Nerbone ira .

  20. Tex s’en fet lié qui ja n’en revendra

  21. Ne ne verra Espaigne .

  1. Li rois manda por sa jent de montaigne,

  2. XX .mile Turs o les chieres grifaignes,

  3. Qui n’aiment Deu ne rien qui a lui tiegne .

  4. Uns amirals les aconduit et maine .

  5. Soz Babiloine se lojent en la plaignes :

  6. Cil desirent la guerre .

  1. Li rois manda sa jent de Foleroche

  2. Et cels de Meque qui Mahomet aportent .

  3. Li rois Galafres lor amaine un estoire
    4. [ fol. 30 ]

  4. XX ..mturs de la jent d’Antioche .

  5. Soz Babiloine encontrent les estoiress ;

  6. Cil iront a Nerbone .

  1. Li rois Corsolz fet soner ses tabors,

  2. XX ..mgrelles en ses plus hautes torss ;

  3. Jusqu’a .vliues responent li frimor

  4. Dont est monté l’estoire perillos .

  5. CM .home de la jent paienor

  6. Droit a la mer chevauchierent lo jors ;

  7. La veïssiez tant barjes,et dromonz

  8. Et tant enseignes de paile de color .

  9. Quant la nuit vient et trespasa li jors

  10. Et du soleil perdirent la luor

  11. Vindrent es barjes et es dromonz Corsolts ;

  12. Drecent lor voiles et adrecent lor tors

  13. Par mi la mer plus haute .

  1. Quant Sarrazin orent lor nés garnies,

  2. Asez i metent pain et vin et farine,

  3. Et char salée et autre manantie,

  4. Hauberz et elmes et espées forbies,

  5. Destriers de garde et bons murs de Sulie .
    6. [ fol. 31 ]

  6. Quant ce fu chose,que li nés sont garnies,

  7. Tréent lor ancre,si ont drecié lor sigle .

  8. En mer s’enpaignent,quant la terre ont guerpies ;

  9. Braient cil or et cil broon glatissent,

  10. Rechanent mur et cil destrier henissent,

  11. Cil espervier sor ces perches s’escrient,