Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Vit des barons qui venoient l’estrée,

  2. Et vit la biere que devant ont portée,

  3. Li sans li fuit,s’a la color muée

  4. Et tel dolor li est el cuer entrée,

  5. A po ne chiet des fenestres pasmée .

  6. Dit Hermenjarzs :«Sainte Virje enorée,

  7. «Li uns des nos i a la vie otrée .

  8. «Se il ne fust de fiere renomée,

  9. «Ja de si loig n’en feïssent portée .

  10. «Aymeri sire,frans quens,chiere menbrée,
    11. [ fol. 171 ]

  11. «Je sui por vos durement esfreée,

  12. «Ne soit de vos cele chose averée

  13. «Que li bons clers vos avoit devisée

  14. «De l’avison qui si fu redotée .»

  15. Quanque la dame est issi dementée,

  16. Par la cité est la novele alée,

  17. Morz est li quens,n’i a mestier celée .

  18. Et quant il ont la novele escotée,

  19. Ne vit nus hom jent si fort adolées :

  20. De toz sens est la cité esfreée,

  21. Petit et grant ont grant dolor menée .

  22. Et Hermanjarz a la noise escotée

  23. Bien sot de voir,com ele ot la criée,

  24. Que c’est li quens qui la vie ot finées :

  25. Ne pot mot dire,issi fu adolée,

  26. Dedenz la sale chiet a terre pasmées ;

  27. IIII .puceles l’en ont sus relevée

  28. Et en sa chanbre entre les braz portées ;

  29. Or quident bien sa vie soit finée .

  30. Et li criz fu par la cité loée,

  31. N’i remest cloche que l’en n’i ait sonée,

  32. Borjois et dame et la jent ordenée

  33. I ont ensenble procession menée

  34. Encontre cels qui la biere ont portées ;

  35. A l’encontrer fu la dolor doblée,

  36. Mainte robe ont ronpue et descirée,

  37. Maint poing detort,mainte cinple tirées ;

  38. A grant duel entrent en la cité loée,
    39. [ fol. 172 ]

  39. Ainz ne tornerent en la sale pavée,

  40. Mès por veillier ont la biere portée

  41. A la plus mestre yglise .

  1. Dedenz Nerbone a grant procession

  2. Portent la biere a Saint Pol lo barons ;

  3. Iluec ajostent d’entor et d’environ

  4. Li chevalier et tuit li haut baron,

  5. Clerc et provoire,jent de religion,

  6. Homes et femes et petit enfançons ;

  7. Plorent et crient et font tel marrison

  8. Qu’en n’i oïst nule rien se plor nons ;

  9. Et li borjois s’escrient a haut ton .

  10. «Aymeri sire,jentil fil de baron,

  11. «Bon chevalier,home de grant renon,

  12. «Quant estes morz,que devenir porronss ?

  13. «Qui vos a mort,de verté le savons,

  14. «Tot a cest regne mis a perdicions ;

  15. «Or i vendront Paien et Esclavons ;

  16. «Si aorrons Tervagan et Mahom,

  17. «N’i crera l’en Jhesu Crist ne son nons ;

  18. «Et nos dolant,en quel païs fuironss ?

  19. «Se ci nos trovent li encriesme felon,

  20. «Ne nos garra avoir ne raençon

  21. «Que ne perdons les vies .»
    [ fol. 173 ]

  1. Por Aymeri le franc conte poissant,

  2. Firent un duel li petit et li grant

  3. Qu’en n’i oïst nes Damedeu tonant .

  4. Tote la nuit jusqu’a l’aube aparant

  5. Gaitent lo conte chevalier et serjent .

  6. Et Hermenjarz la contesse vaillant

  7. Enz en sa chanbre va tel dolor fesant

  8. Que nel diroit nus hom qui soit vivants :

  9. La la tenoient si home et si enfant

  10. Que ne la lessent remuer tant ne quant,

  11. Ne a la biere aprocher plus avant .

  12. Por conforter la contesse avenant

  13. I vint li rois Looys li poissanzs ;

  14. Com el le vit si ala escriant,

  15. El li a dit por un fier maltalents :

  16. «Rois,qu’avez fet d’Aymeri lo ferrants ?

  17. «Et vos Guillaumes et vos Guiberz l’enfant,

  18. «Hernauz et Bueves,felon et soduiant,

  19. «Rendez moi tost Aymeri lo poissant,

  20. «Mon fil Bernart,lo seignor de Brubant,

  21. «Et dant Garin d’Anseüne la grant

  22. «Qui avec vos en alerent joants ;

  23. «Rendez les moi ci et sains et vivanzs ;
    24. [ fol. 174 ]

  24. «Ou ce se non,par Deu lo roiamant,

  25. «Que je dirai trestot a mon esciant,

  26. «Que les avez venduz as mescreanz .»

  27. Quant il l’oïrent de dolor vont plorant .

  28. Rois Looys les ala confortant

  29. Et si conforte la contesse vaillant

  30. Puis s’en alerent a Saint Pol a itant

  31. Et font chanter la messe hautement .

  32. Clerc et provoire i chantent en plorant

  33. Et li chanoine et li moine ensement,

  34. Le jor valut l’ofrande tant besants !

  35. En un sarqu de fin marbre luisant

  36. Firent la sepoture .

  1. Après la messe ont lo conte enterré

  2. En un sarqu de vert marbre listé