Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Ne m’en creroit nus hom qui soit vivant .

  2. Mès por lo conte Aymeri lo ferrant

  3. Font greignor duel li petit et li grant .

  4. Celui ne vodrent pas lessier si enfant
    5. [ fol. 167 ]

  5. Ne si ami ne si apartenant,

  6. Ainz lo conroient et bien et richement

  7. Et enbasmerent de basme et d’oignement,

  8. En cuir de cerf cosu estroitements ;

  9. Covrent lo conte d’un paile d’Orient

  10. Et a Nerbone l’enporterent sa jent

  11. A Hermenjart la contesse vaillant .

  12. Biax sire Dex,voirs pere tot poissant,

  13. Quant el savra ce domaje pesant

  14. Del jentil conte qu’ele avoit amé tant,

  15. Molt avra bien Jhesu Crist a garant

  16. Se de duel ne chiet morte .

  1. Quant enterré sont li baron de pris

  2. Et enbasmez fu li quens Aymeris,

  3. Li franc baron l’ont en litiere mis,

  4. Sor .iichevax l’enportent li marchis .

  5. Auquaire lessent por garder lo païss ;

  6. Mès en sa terre vet Joifroiz de Paris,

  7. Si enmena la pucele jentil,

  8. Cele qui l’ot fors de la chartre mis

  9. Et lo messaje porta roi Looyss :

  10. O lui l’enmoine Joifroiz en son païs,

  11. Si l’esposa si com li ot promis .

  12. Et li baron n’i ont plus terme quis,

  13. D’Esclabarie partent,s’ont congié priss ;
    14. [ fol. 168 ]

  14. Mès au partir n’i ot ne jeu ne ris,

  15. Que morz i lessent de lor meillors amiss ;

  16. Les hernois trossent,a la voie sont mis,

  17. Aymeri portent lo franc conte de pris,

  18. Plorant le vont et baron et marchis .

  19. Detriers les guie li forz rois Looys,

  20. Hernauz li rox,Bueves de Conmarchis,

  21. Li quens Guillaumes d’Orange li marchiss ;

  22. Mès ainz lo soir,que jors soit definiz,

  23. Avra poor trestoz li plus hardizs ;

  24. Se Dex n’en pense,li rois de paradis,

  25. Li plus poissanz sera griés et marriz

  26. Ainz que voie Nerbone .

  1. Vont s’en François ou n’ot que corrocier

  2. Droit a Nerbone lo chemin droiturier .

  3. Si com il vindrent dejoste lo rochier

  4. Dont vos oïstes en la chançon arrier

  5. Ou ja soloit la guivre reperier

  6. Qui el païs ot fet tant enconbrier,

  7. La pute beste lor vint a l’encontrier .

  8. En son venir demoine tel tenpier,

  9. Tuit en fremissent baron et chevaliers ;

  10. Onques n’i ot si hardi ne si fier

  11. Qui n’ait poor quant virent l’aversier .

  12. As armes corent serjent et escuier

  13. Et duc et conte et baron et princiers ;
    14. [ fol. 169 ]

  14. Lor jent aünent a un cor menuier .

  15. Li quens Guillaumes qui tant fet a prisier,

  16. Il et si frere qui sont hardi et fier,

  17. Contre la guivre en sont alé premier

  18. Et après ax maint vaillant chevaliers ;

  19. Devant ax metent les escuz de quartier

  20. Et en lor poinz les roiz espiez d’aciers ;

  21. Et quant de li les vit si aprochier

  22. La pute beste,cui Dex doinst enconbriers !

  23. Se conmenca contr’ax a hericier

  24. Et de sa gole feu et flanbe lanciers ;

  25. Et cil lo voient,n’i ot que esmaiers :

  26. Lancent li lances et javelos d’acier,

  27. Mès ne lor vaut la moitié d’un deniers ;

  28. La pel ot dure plus que fer ne acier,

  29. Lo feu ardent lor jete a l’aversier

  30. Qui lor brula lor escuz de quartier .

  31. Voit lo Guillaumes o lo coraje fier

  32. Et jure Deu lo verai justisier,

  33. Melz volt morir ne se voist esmaier .

  34. Lo fort espié conmence a paumoier,

  35. Seigna son vis et brocha lo destriers ;

  36. Par maltalent corut a l’aversier,

  37. Enz en la gole li mist l’espié d’acier,

  38. Plus de .iipiez l’en fist el cors fichiers :

  39. La guivre bret qui se sent angoissiers ;

  40. Del cri qu’el fet retentist li rochierss ;

  41. Lors i acorent li baron chevalier

  42. Qui li copent la teste .
    [ fol. 170 ]

  1. Quant a la guivre ont la teste copée,

  2. A grant merveilles l’ont entr’ax esgardée,

  3. Mes n’i font plus li baron demorée .

  4. A l’ainz que puent issent de la contrée,

  5. Devers Nerbone ont lor voie tornées ;

  6. Aymeri portent qui la vie ot finée

  7. Dont grant dolor ont entr’ax demenée .

  8. Tant ont erré li baron a jornée,

  9. Nerbone voient la fort cité loée .

  10. Dame Hermenjarz la contesse senée,

  11. Fu totes jors as fenestres montées :

  12. Molt fu la dame iriée et trespensée,

  13. Que,puis qu’issirent de la cité loée

  14. Quens Aymeris et sa jent enorée,

  15. Ne l’en fu dite novele ne contée .

  16. Devers la mer a la chiere tornée,