Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. «Que Sajetaire ont gardez et norriz

  2. «Et amenez des estranjes païss :

  3. «Prendre en poez tot a vostre devis .»

  4. Lors en done un a Joifroi de Paris,

  5. Et tuit li autre ont chascuns lo suen pris .
    6. [ fol. 163 ]

  6. Puis sont monté li bon vassal de pris

  7. Qui tuit estoient armé et fervesti .

  8. Par mi la porte s’en issent ademiss :

  9. El fort estor se sont a itant mis

  10. Ou se conbat li forz rois Looys

  11. Et si baron,si conte et si marchis .

  12. Tant ont feru li bon baron de pris,

  13. Des Sajetaires n’i a mès que .cvis .

  14. Li Sajetaires qui navra Aymeri,

  15. C’est Bugladans,li cuverz maleïs,

  16. II .cox a trez au fort roi Looys,

  17. Desoz lui a son bon destrier ociss ;

  18. Il s’aprocha del bon roi seignori

  19. Et d’une hache dont l’acier fu bruniz

  20. Feri sor l’elme lo roi poesteïss ;

  21. Lo mestre cercle li copa sor lo vis,

  22. Mès il ne l’a ne navré ne malmis,

  23. De son estant a jenoillons l’a mis .

  24. A icel cop vint Joifroiz de Paris,

  25. Il et si home vienent au chapleïzs ;

  26. Les Sajetaires ont fierement requiz,

  27. Devers la porte les ont si envaïz,

  28. Voillent ou non,les ont fors del pont mis

  29. A la premiere pointe .
    [ fol. 164 ]

  1. Li Sajetaires a Joifroi coneü

  2. Qui en sa chartre ot longuement jeü .

  3. Quant il lo voit grant duel en a eüs ;

  4. D’une grant hache a entor lui feru,

  5. Qui il ataint,morz est et confonduz .

  6. Voit lo Joifroiz,cele part est venuz

  7. Par grant aïr,entoisé lo branc nus :

  8. Par mi son elme a lo gloton feru,

  9. Deci es denz l’a trestot porfendu,

  10. Estort son cop si l’a mort abatu .

  11. François lo voient,grant joie en ont eü,

  12. Et li gloton en furent irascu

  13. Quant lor seignor virent mort et vaincus ;

  14. Tel poor ont li cuvert mescreü,

  15. En fuie tornent,n’i ont plus atendus :

  16. Franc les enchaucent,si ont levé lo hu,

  17. Après destendent li jone et li chanu,

  18. Cil qui ainz pot a force et a vertus :

  19. Qui il ataignent,mort l’ont et confondus ;

  20. N’en eschapa que .xdes mescreüz,

  21. Que puis qu’il orent lo mestre d’ax perdu,

  22. Furent il pris com oisiax a la glu .

  23. Tant ont l’enchaut li baron maintenu

  24. Que tuit sont mort li cuvert mescreü .
    25. [ fol. 165 ]

  25. François retornent qui ont lo chanp vaincu,

  26. A la cité sont arriere venu,

  27. Maudient la del verai roi Jhesu

  28. Quant por li prendre ont tel domaje eü .

  29. Ainz por cité en cest monde ne fu

  30. Tel dolor ne tel perte .

  1. Quant ocis furent la pute jent haïe,

  2. Devant la porte de la cité antie

  3. Est asenblée la riche conpaignie,

  4. Rois Looys et sa grant baronie .

  5. Onques li conte ne la chevalerie

  6. Entrer ne vodrent en la cité antie,

  7. Tel duel demoinent et baron et mesnie

  8. Por Aymeri a la barbe florie,

  9. Et por ses filz dont chascuns se gramie .

  10. Mès de ce fist li rois grant cortoisie

  11. Qui a Auquaires dona Esclabarie,

  12. Au bon convers qui bien l’ot deservies :

  13. S’a Clarissant esposée et plevie,

  14. La jentil dame qui vint de Femenie,

  15. Si com li ot donée et otroïe

  16. Quens Aymeris ainçois que perdist vies ;

  17. Lo païs tint Auquaires en baillies ;

  18. S’ont Clarissant levée et bautisie

  19. Et ses puceles o li par conpaignie,

  20. Qu’el amena de terre Femenies ;
    21. [ fol. 166 ]

  21. Totes remestrent en la terre garnie .

  22. S’ont estoré et fete une abeïe

  23. El chanp o fu la bataille fornies ;

  24. Moines i ot de molt grant seignorie

  25. Qui la prierent Jhesum,lo fil Marie,

  26. Por les barons qui orent perdu vie .

  27. Bernart lo conte a la chiere hardie

  28. Ont enterré la riche baronie

  29. Et Garin d’Anseüne .

  1. Iluec ou fu la bataille pesant

  2. Font beneïr un cimetere grant,

  3. Et un charnier molt bel et avenant

  4. Ou metre firent la crestiene jent

  5. Que ocis orent li felon soduiant .

  6. En un sarqu de fin marbre luisant

  7. Ont mis par soi dant Bernart de Brubant

  8. Et en un autre Garin lo conbatant,

  9. Lo jentil duc d’Anseüne la grant .

  10. A l’enterrer veïssiez duel pesants :

  11. La se pasmoient maint chevalier vaillant .

  12. Que vos iroie celui duel acontants ?