Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Darz et sajetes tréent si durement,
    2. [ fol. 159 ]

  2. N’i a baron ne prince si vaillant,

  3. S’entr’ax se met,qui ait de mort garant .

  4. Atant ez voz dant Bernart de Brubants ;

  5. Quant li remenbre de son pere vaillant

  6. Que ocis ont li cuvert mescreant,

  7. Lo destrier point par un fier maltalent,

  8. Les Sajetaires requiert el chief devant .

  9. Après li vet a esperon brochant

  10. Li quens Guillaumes a l’aduré talent,

  11. De Conmarchis Bueves li conbatanz,

  12. Guiberz li preuz au coraje vaillant,

  13. Hernauz li rox de Gironde la jent,

  14. Li quens Auquaires qui en Deu fu creant,

  15. Et d’autre part Looys li poissanz,

  16. O lui .xxmile de la françoise jent .

  17. Les Sajetaires requierent fierements :

  18. Fierent des lances et d’espées trenchanz .

  19. A cele enpointe en ont morz plus de .c,

  20. Et cil lor tréent molt aïriement

  21. Darz et sajetes et menu et sovent,

  22. Ausi espès com grelle qui descent .

  23. Molt grant domaje i orent notre jent,

  24. Qu’a lor sajetes n’a nule arme garant .

  25. En la grant presse fu Bernarz de Brubant

  26. Ou il feroit par molt fier hardement .

  27. Dexs !quel domaje del franc conte vaillants !

  28. Li Sajetaire li sont venu devants ;
    29. [ fol. 160 ]

  29. D’une grant hache esmolue et trenchant

  30. Li a ocis li uns son auferrant,

  31. L’autre le fiert d’un grant dart en lançant,

  32. Qu’il li transperce son auberc jazerants ;

  33. Dedenz lo cors li entre maintenants ;

  34. Molt près del cuer lo froit acier en sent .

  35. Si com il pot ist de la presse grant,

  36. Lo pas s’en vet,s’espée traïnant,

  37. Confession va a Deu demandant,

  38. Car la mort sent qui le vet angoissant .

  39. Si con Deu plot,est a pié alez tant

  40. Qu’il est venuz soz lo pin verdoiants ;

  41. Quant il i fu pasmez est maintenant

  42. Delez son pere et son frere vaillant .

  43. Quant se redrece,sa cope va batant

  44. Et de bon cuer Damedeu reclamant .

  45. Entor li vienent si baron et sa jent,

  46. Un tel duel font,nus hom ne vi si grant .

  47. Et li quens torne son chief vers Orient,

  48. A Deu cria merci,si parla tant

  49. Que confès fu d’un chapelain sachants ;

  50. Puis s’estendi contre terre en croisant

  51. L’ame s’en vet par lo Jhesu comant,

  52. Et li saint anje la pristrent maintenant

  53. Qui l’enporterent devant Deu en chantant,
    54. [ fol. 161 ]

  54. En perdurable vie .

  1. Or furent mort li .iiibaron de pris,

  2. Li quens Bernarz et ses pere Aymeris

  3. Et d’Anseüne li jentils dus Garins .

  4. Et quant li frere virent mort lor amis,

  5. Tel duel en moinent a po n’enrajent vis,

  6. Mès tel entente ont a lor enemis

  7. Qu’aler ne pueent a cels qui sont ociss ;

  8. Car tel poor avoit li plus hardiz

  9. Que ja n’en quide un sol eschaper vis .

  10. Molt fu dolenz li fors rois Looyss ;

  11. A haute voiz a escrier se prists :

  12. «Que fetes vos,mi chevalier de priss ?

  13. «Par cele foi que je doi saint Denis,

  14. «Se eschaper lessiez nos enemis,

  15. «Ja ne tendrez terres en mon païs .

  16. «Or i perra qui sera mes amiss :

  17. «Toz mes tresors li ert a bandon mis .»

  18. Quant il l’oïrent,ez les vos esbaudizs ;

  19. La oïssiez de cors tel soneïz,

  20. Tuit en tentissent li pui et li larrizs ;

  21. Ez vos François de bataille ademiss :

  22. Qui donc veïst Guillaume lo marchis,

  23. Guibert son frere,lo jentil roi de pris,

  24. Hernaut lo rox,Buevon de Conmarchis,
    25. [ fol. 162 ]

  25. Lo conte Auquaire qui fu preuz et hardiz,

  26. Cui la cité ot promise Aymeris,

  27. Et se Deu plest encore l’avra ils ;

  28. Avuec Francois s’en va tot ademiss ;

  29. El premier chief li forz rois Looys .

  30. Les Sajetaires ont fierement requizs :

  31. Lor recommence molt granz li fereïz

  32. Et des espées ruistes li chapleïzs ;

  33. Des glotons ont plus d’un millier ocis

  34. Et cil des Frans ont les plusors malmis .

  35. La damoisele fu el palès votiz

  36. Qui amé ot dant Joifroi de Pariss :

  37. A lui en vient li chevaliers de pris

  38. Et si plora des biax euz de son viss :

  39. «Ma damoisele,molt somes entrepriss :

  40. «Je oi la fors et grant noise et grant cris ;

  41. «S’or eüssions bons destriers arrabis,

  42. «Ja oississions la fors tot ademis

  43. «Por nos vengier de nos max enemis

  44. «Qui nos avoient ceenz en chartre mis .

  45. — Sire »,fet ele,«ja n’en soiez pensiss ;

  46. «Ceenz a bien .cdestriers arrabis