Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Cil entesa au preu conte Aymeri,

  2. Une sajete descocha,sel feri

  3. Soz la mamele,que lo auberc ronpis ;

  4. Tote la fleche el flanc li enbati
    5. [ fol. 155 ]

  5. A tot lo fer entoschié de venins ;

  6. Deci au cuer la dolor en sentis ;

  7. Li autre lancent les bons espiez forbiz,

  8. Son bon escu li ont fret et peri

  9. Et son auberc derrot et desartis ;

  10. Par mi lo cors l’en ont il .iiiimiss ;

  11. Mès ainz li quens por ax toz ne chaï,

  12. Point lo destrier,de la presse sailli,

  13. Poignant s’en vet desoz un pin foilli .

  14. Quant il vint la,jus du cheval chaïs ;

  15. III .foiz se pasme li frans quens Aymeris .

  16. Lieve la noise,si enforce li crizs :

  17. Entor lui vienent si fil et si amis ;

  18. Tele dolor nus hom mener n’oï .

  19. De pasmoison revint quens Aymeris,

  20. Confession demanda et requist,

  21. Son chapelain amoinent devant li

  22. A cui li quens ses pechiez rejeï,

  23. Et cil l’asolt qui bien en fu apris .

  24. Et li frans quens a terre s’estendi,

  25. Envers lo ciel andox ses mains tendi,

  26. Seigna son chief et sa cope batis ;

  27. Onc puis li quens un sol mot ne tenti

  28. Fors qu’en la fin cria a Deu merci,

  29. Et puis,ançois que toz fu definiz,
    30. [ fol. 156 ]

  30. Manda saluz Hermenjart au cler vis .

  31. Li cors s’estent et l’ame s’en parti,

  32. L’ame enporterent li anje beneï

  33. O les martirs en gloire .

  1. Quant li bons quens ot la vie finée,

  2. Lieve li criz,la noise et la huées ;

  3. Ne vit nus hom tel dolor demenée .

  4. Quant vint Guillaumes a la chiere menbrée,

  5. Li jentils quens s’a la presse sevrée,

  6. Molt hautement a sa voiz escriées :

  7. «Que fetes ci,franche jent enorées ?

  8. «Ne veez vos cele jent desfaée

  9. «Qui vos ont hui fet si pesme jornées ?

  10. «Lessiez mon pere,n’i a mès recovrées ;

  11. «Venchons sa mort a la trenchant espée .

  12. «Se nos eschapent la pute jent desvée

  13. «Dont ert la perte et la honte doblée .»

  14. A icest mot poignent de randonée .

  15. Rois Looys en oï la criée

  16. Et li baron de France la loée .

  17. Qui encor sont en la selve ramée .

  18. Tuit se derenjent a grant esperonée

  19. Vers Sajetaires,chascuns lance levée,
    20. [ fol. 157 ]

  20. Si que d’ax ont fete grant lapidée .

  21. Ez vos Garin d’Anseüne la lée,

  22. Lo franc conte nobile .

  1. Rois Looys de France l’asolue

  2. Et li baron cui Jhesu face ajue

  3. Ont la bataille fierement maintenue .

  4. Ez voz Garin qui tient l’espée nues ;

  5. Quant de son pere sot la desconvenue,

  6. Qui soz le pin gist morz en l’erbe drue,

  7. Del duel qu’il ot,toz li sans li remues ;

  8. Point lo destrier,des esperons l’argüe,

  9. Fiert s’en la presse ou plus grant l’a veüe .

  10. As Sajetaires a chier s’ire vendues ;

  11. Cui il consuit tost a vie perdue .

  12. Tant en ocist a l’espée molue

  13. Que devant lui est la place vestues ;

  14. Mès tant le fierent cele jent mescreüe,

  15. Li uns de hache,l’autre de lance agüe,

  16. Tote sa tarje li ont frete et ronpue,

  17. Et sa fort broine desmailliée et ronpue,

  18. De totes parz est la maille cheüe .

  19. Ez vos lo mestre de la jent mescreüe,

  20. C’est Bugladans qui d’une fleche agüe
    21. [ fol. 158 ]

  21. Feri lo duc par tel descovenue,

  22. Tote li a enz el cors enbatues ;

  23. Deci au cuer a la dolor sentue .

  24. De la presse ist et d’aler s’esvertue,

  25. Deci au pin ni a resne tenue,

  26. Delez son pere a la barbe chanue

  27. Chaï pasmez par desor l’erbe drues ;

  28. De la dolor toz li cors li tressues :

  29. La mort l’angoisse et destraint et argüe .

  30. Entor lui est la soe jent venues ;

  31. Crient et braient come jent irascue,

  32. Et li frans dus a sa cope batue,

  33. S’a vers lo ciel dreciée sa veüe,

  34. D’un provoire a confession eüe,

  35. Puis s’estendis ;l’ame s’en est oissue,

  36. Et li saint anje l’ont prise et receües ;

  37. Si l’enportent en gloire .

  1. Morz fu Garins au coraje vaillants ;

  2. Grant duel en font si baron et sa jents ;

  3. De lor dolor mar ira nus parlant,

  4. Car trop la moinent et orible et pesant,

  5. Quant lez lo pere virent morir l’enfant .

  6. Et la bataille fu merveillose et grants :

  7. Li Sajetaire que li cors Deu cravent

  8. A une part sont tret,li soduiants ;