Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Ceignent espées as senestres costez

  2. A lor cox pendent les forz escuz bendez,

  3. En lor poinz prendent les espiez noielez

  4. Et la pucele les en a apelezs :

  5. «Seignor,»dist ele,«un petit m’entendezs :

  6. «De fors la porte a un estor chanpel

  7. «Que Looys de France i a levé
    8. [ fol. 151 ]

  8. «Et Aymeris li vielz chanuz barbezs ;

  9. «Li Sajetaire i sont a els mellé,

  10. «Ne mès que .cqui sont ceenz remé

  11. «Que i lessierent por garder la cités ;

  12. «Alez,seignor,les testes en prenez .

  13. — Franche pucele,la porte nos ovrez .

  14. — Seignor,»fet ele,«a vostre volenté »

  15. Droit a la porte les a trestoz guiezs ;

  16. Li Sajetaire ne s’i sorent garders ;

  17. Tant qu’il les ont par derriere escriez .

  18. A brans d’acier lor ont assaut livré,

  19. Toz les ont morz,ocis et afolez,

  20. Et après sont dedenz l’estor entré .

  21. A haute voiz conmencent a criers :

  22. «Rois Looys,ou estes voz alez

  23. «Et Aymeris,li vielz chanuz barbezs ?

  24. «Nos somes ci a vostre feauté .»

  25. Quens Aymeris garda vers la cité,

  26. Des elmes vit lo brun et la clarté,

  27. Et l’or reluires ;si a Deu reclamés :

  28. «Glorios pere qui me feïstes né,

  29. «Donez nos prendre cele bone cité,

  30. «Une abaïe i ferai estorer,

  31. «Plus de .cmoines i metrai coronez
    32. [ fol. 152 ]

  32. «Qui i feront tot lo service Dé

  33. «Jusqu’au jor del joïse .»

  1. La damoisele si fu durement liée

  2. Quant de l’amor Joifroi fu apoiées ;

  3. Vint a la chartre si l’a desveroilliées :

  4. S’en a jeté les puceles prisiées,

  5. En une tor en sont o li poiées .

  6. Li Sajetaire par lo pui se rengierent,

  7. A nos François la bataille requierent,

  8. Quens Aymeris sa mesnie a rengiée,

  9. El chief devant ala .leschieles .

  10. La veïssiez tante pointe eslessiée,

  11. Des abatuz fu la terre jonchiée .

  12. Li Sajetaire de rien ne s’esmaierent,

  13. De lor sajetes nos François abatiérent

  14. Qui onques puis sor piez ne redrecierent .

  15. Ce fu domaje et perte .

  1. Quant Aymeris vit ses homes morir,

  2. Molt li en poise,ne vos en quier mentir .

  3. Lo destrier point por les suens garantir,

  4. Et li François le sivent par aïrs :

  5. Les Sajetaires vont ensemble ferir,

  6. De totes parz les revont envaïrs ;

  7. Adont conmence l’estor a esbaudirs ;
    8. [ fol. 153 ]

  8. A ceste pointe font .mpaïens chaïr .

  9. François i fierent par merveillos aïr,

  10. Sanc et cervele font contremont bolir,

  11. Les Sajetaires trebuschier et morirs ;

  12. Des abatuz font la terre covrir .

  13. A la cité quidierent revertir

  14. Deci au pont ne finent de foïr,

  15. Et la porte fu close .

  1. Vers la cité s’en vont li glot fuiants ;

  2. Deci au pont sont alé a itant,

  3. Mès close fu la porte par devant .

  4. Quant il le voient,molt en furent dolants ;

  5. Il s’escrierent par un fier maltalents :

  6. «Ovrez la porte,fel,gloton,soduiants ;

  7. «Mar la closistes,par mon deu Tervagans ;

  8. «Conperrez lo ainz lo soleil cochant .

  9. — Vos i mentez »,dist Joifroiz li vaillanz,

  10. «Querez ostel,que ci n’avez neant .

  11. «Ceste cité gardons par tel covant

  12. «Que la rendrons Aymeri lo poissant .»

  13. Quant cil l’entendent molt ont grant marements ;

  14. Lors s’arresterent desor lo pont devant .

  15. Quant veü ont que il n’ont nul garant,

  16. Les ars entoisent par un fier maltalents ;

  17. Ez lor François a esperon brochant
    18. [ fol. 154 ]

  18. Et Aymeris el premier chief devants ;

  19. Desor lo pont choisi les soduianz,

  20. Des esperons a brochié l’auferrant,

  21. Entr’ax se fiert,entesé lo nu branc .

  22. Dexs !porquoi va li jentils quens vaillanzs !

  23. Lo jor fu morz,et par son hardements !

  24. Veritez est,bien le sevent auquant,

  25. Que n’est nus hom en ce siecle vivant

  26. Qui de sa mort,ce trove l’en lisant,

  27. Poisse trespasser l’ores !

  1. En la grant presse des glotons maleïz

  2. S’est enbatuz li frans quens Aymeris .

  3. L’espée tret dont li branz fu forbiz,

  4. Lo destrier point,en la presse s’est miss ;

  5. VII .en a morz li jentils quens hardizs :

  6. Qui il consuit ne puet eschaper vis,

  7. Tant que li uns l’esgarda et choisi,

  8. Mestre fu d’ax et li plus seignoris :

  9. C’est Bugladans,li cuverz maleïzs ;

  10. Onques a trere une foiz ne failli .