Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Mès icil sieje,se seüst deviner,

  2. Ne fust il fez,ainz le lessast ester,

  3. Car ainz son terme l’en convint deviers :

  4. De .iiiiespiez fu feruz et navrez

  5. Et d’une autre arme dont fu evenimez,

  6. Que il ne pot garir ne respasser .

  7. Les nuiz sont cortes,que il estoit estezs ;

  8. Quens Aymeris fu molt jentils et ber,

  9. Au matinet com il vit ajorner,
    10. [ fol. 147 ]

  10. Des chevaliers a fet .madober

  11. Que lo cenbel portent a la cités ;

  12. Dedenz un brueil les a fait arresters :

  13. La s’enbuschierent quoiement a celé .

  14. Li Sajetaire sont le matin levé,

  15. En chevauchiée en devoient aler

  16. Sor l’aumaçor de Cordres la cité .

  17. Sore li metent ques a deseritez

  18. De Babiloine,lo fié a l’amirés :

  19. Jaiant la firent ce dient par verté

  20. Et Sajetaire furent au conpassers :

  21. S’il ne lor rent,guerre li feront tel

  22. Ne li faudra en trestot son aé .

  23. Mès por neant ont il or tel pensé

  24. Que plus près d’ax porront guerre trover .

  25. Quens Aymeris ne volt plus demorers :

  26. IIII .olifanz fet ensenble soner,

  27. Tuit en tentissent li mont jusqu’a la mer,

  28. Les hautes tors de la bone cité .

  29. Li Sajetaire en furent esfreé,

  30. Isnelement se corent adober,

  31. Puis issent fors et rengié et serré,

  32. Ne mès que .cqui leenz sont remés,

  33. Qui remés sont por la cité garder .

  34. Tant ont coru li gloton desfaé
    35. [ fol. 148 ]

  35. De nos François ont les aguaiz passezs ;

  36. Franc les corurent et tot sans escrier .

  37. Li Sajetaire en furent esfreés :

  38. A une part del chanp se sont torné .

  39. Ez vos l’estor commencié et levé

  40. El chief de la montaigne .

  1. Li Sajetaire ont lor estal porpris

  2. Et li François les alerent ferir .

  3. La veïssiez un ester esbaudir,

  4. Un mort sor autre trebuchier et chaïr .

  5. A nos François en est il ja mal priss :

  6. De .mqu’il erent n’en eschapa que .xx .

  7. Fuiant en vont tot par mi un larriz .

  8. Cil les enchaucent que nes vodrent guerpir,

  9. Tant qu’en l’agait des François se sont miss ;

  10. Cil les corurent de totes parz ferirs ;

  11. Li Sajetaire,en furent esbahi,

  12. Car il n’avoient pas tel estor apris,

  13. Ansus se traient tuit rengié de ferir

  14. D’espiez et de sajetes .

  1. Li Sajetaire se sont tuit arresté,

  2. El coig del mont et rengié et serré .
    3. [ fol. 149 ]

  3. Quens Aymeris fist sa jent conreer,

  4. El premier chief les a fet atorner,

  5. XIIII .eschieles a fetes ordener .

  6. Blancheflor fu en la bone cités ;

  7. Si ot Joifroi de Saint Denis amé

  8. Que tot en a lo dormir oblié,

  9. Boivre et mengier quant venoit au disner .

  10. Amors la tient,ne la lesse durer

  11. Qui a maint saje fet folie penser .

  12. Ele fu blanche come flors en esté,

  13. Les euz ot vairs come faucon mué .

  14. Jusqu’a la chartre ne se volt arresters ;

  15. Joifroi apeles :«Biax amis,ça venez .»

  16. Quant cil l’a vi,si fu desesperez,

  17. Deu reclama,lo roi de majestés :

  18. «Glorios Dex,qui me feïstes nés !

  19. «Si bele feme ou porroit on trovers ?

  20. «Car fusse je par mi lo cors navrez,

  21. «Mès que peüsse garir et respasser,

  22. «Que une nuit l’eüsse a mon costé

  23. «Desoz cortine,en un vergier planté,

  24. «Si qu’en feïsse tote ma volenté .

  25. «Mès vilenie me fet tant endurer,

  26. «Que je ne vois avuecques li parler .»

  27. Il se dreça,si la prist au baudrés :

  28. «Ma doce amie,dites que vos volez .»

  29. Cele responts :«Ja orrez verités :
    30. [ fol. 150 ]

  30. «S’ert une feme qui vos vossist amer,

  31. «Et vos poïst de la chartre jeter,

  32. «Vos conpaignons feïst toz delivrer,

  33. «La vodriez vos de cuer loial amers ?

  34. — Dame,»fet il,«merveilles oi conter .

  35. «Il n’est or feme en la crestienté,

  36. «Se me pooit de la chartre jeter,

  37. «Que ne preïsse a moiller et a per .

  38. — Sire,»fet ele,«or avez dit que ber .

  39. «Plevissiez m’en la vostre loiauté .»

  40. Cil li afie,et li recroit sor Dé .

  41. Fors de la chartre en a Joifroi jeté

  42. Et toz les autres en a o lui menez,

  43. En une tor les a fet toz entrers ;

  44. Maint garnement i ont riche trové .

  45. François s’adobent qui l’orent desiré,

  46. Vestent aubers,lacent elmes jemez,