Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Si a dure la maille .

  1. Guibelins ceint Aigredure s’espée,

  2. Toise ot de lonc,plaine palme fu lée,

  3. Donné en ot tant pesante colée,

  4. Tant pié,tant poig,tante teste copée,

  5. Dont tante dame en est veve apelée,

  6. Tante pucele,orfeline clamée .

  7. Si laça l’elme Constantin l’enpereres ;

  8. XIV .pierres ot el cercle fondées,

  9. En or d’Espaigne mises et seelées,

  10. II .lunes ot en son lo coig plantées

  11. Ja n’ert la nuit si oscure mellée,

  12. Que l’en en voie entor une ruées ;

  13. Li rois Judas en ot la teste armée

  14. Quant Floevent li copa a s’espée .

  15. A son col pent une tarje roées ;

  16. Onques ne fu planée ne dolée,

  17. N’i ot cuir mis ne pointure sodée,

  18. Ainz fu par tot de colors desguisée

  19. Si fetement com el fu primes nées :

  20. Ce fu l’eschale d’une ançoine barbée,
    21. [ fol. 143 ]

  21. Qui plus tost noe par mi la mer salée

  22. Que fax gruiers ne vole a recelée

  23. Quant la conpaigne des perdriz a trovées ;

  24. Mès tant est dure et chauciée et serrée

  25. Que ne crient cop de lance ne d’espées ;

  26. Trop sont les armes riches .

  1. Or ot Guiberz ses garnemenz plus chierss ;

  2. L’en li ferma ses esperons es piezs ;

  3. Fées les firent en une cité viezs ;

  4. Il n’est nus hom por qu’il les ait chauciez

  5. Que desoz lui recroie son destrier .

  6. Puis que il est des esperons tochiez,

  7. Ainsi ravine com fet li esperviers

  8. Quant l’oiselet a parti del vergier,

  9. Tot autresi ravine li destrierss ;

  10. Toz jorz desire a corre .

  1. Hanste ot Guiberz au roje confanon .

  2. En mi la place li traient Pliemonts ;

  3. Il i monta com hom de grant valor,

  4. Puis s’en issi a qoite d’esperon
    5. [ fol. 144 ]

  5. Par mi la porte devant S .Simeons ;

  6. Devant la vile avoit un pin roont

  7. Qui fu plantez del tens ancienor .

  8. Il prent un cor,sel sone par vigors ;

  9. François s’en issent qui oient la rumor

  10. Des lojes et des tentes .

  1. Premiers s’en ist li bons rois Looys,

  2. Hernauz et Bueves et Bernarz et Garins .

  3. «Droiz emperere »,li quens Guillaumes dist,

  4. «Nos en irons la cité assaillir,

  5. «Esclabarie qui est el pui antifs ;

  6. «Icil la tienent qui ne nos sont amiss ;

  7. «Ce ne sont pas Paien ne Sarrazin,

  8. «Mès Sajetaire a qui ja Dex n’aïts ;

  9. «Des ars turquois tréent par tel aïr,

  10. «Les granz quarriax entoschiez de venin .

  11. «Qui a lor cox ne puet arme garir,

  12.  «Aubers,elme ne broigne .»

  1. Aymeris fet soner .xxx .olifanz,

  2. Bondir en fet Nerbone la plus grant,

  3. La mestre tor et lo dur aymant .

  4. Li quens Guillaumes porte lo roial brant,
    5. [ fol. 145 ]

  5. Auquaires tient cel Aymeri lo blancs ;

  6. Et icil .iichevauchierent avant

  7. Et trespasserent les porz de Montirant,

  8. Une cité que bastirent Jaiants ;

  9. C .tors i ot totes de marbre blanc,

  10. Et de vermeilles en i ot autretant .

  11. Charles li rois sist au prendre .xans,

  12. S’en abati les murs et les auvanz,

  13. Et en jeta les Sarrazins dedenz

  14. Que puis ce jor n’i ot herberjements ;

  15. Mès sauvagines et senglers i ot tant,

  16. Ors et lions et granz serpenz volant,

  17. Nus nel set dire ne jouglere qui chant .

  18. Tote la jent dant Aymeri lo blanc

  19. Et Looys en passerent avants ;

  20. A lor forfet vindrent a l’anuitant .

  21. En son un tertre la ou il fu plus grant

  22. Se herberja l’enperere des Frans

  23. Et la soe conpaigne .

  1. Quens Aymeris et la soe mesniée

  2. Soz la cité iluec se herberjierents ;

  3. Et li rois fu desus en la costiere,
    4. [ fol. 146 ]

  4. Desor une eve rade,bruiant et fiere .

  5. Totes ses jenz furent apareilliéess ;

  6. Li rois se dort et li autre veillierent,

  7. Car durement se dotent .

  1. Seignor,oez chançon de verité,

  2. Bone et bien fete,nus ne la doit blasmers ;

  3. Il est escrit el rolle et seelé,

  4. Ce fu li hom de la crestienté

  5. Qui toz jorz pot plus barnaje mener,

  6. Et qui plus pot chevalerie amer,

  7. Petit prometre et larjement doner,

  8. Que Aymeris de Nerbone li bers :

  9. Car ne fina en trestot son aé

  10. De guerre fere,de cenbiax afermer,

  11. De terres prendre,de chastiax conquesters ;