Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Comme puceles muërent lor senblants :

  2. Si ont lessié les bons destriers coranz

  3. Et sont monté sor les mulez anblanz .

  4. Devant Nerbone vindrent esperonants ;

  5. L’en lor ovri les portes maintenants ;

  6. Cil i entrerent,que n’i vont arrestant .
    7. [ fol. 113 ]

  7. Auquaires entre trestot premierements ;

  8. Droit a la tor vienent esperonant,

  9. Devant lo tré Corsolt a l’amirants ;

  10. Met pié a terre del destrier auferrants ;

  11. Com il le voit,si li dist maintenants :

  12. «Biax sire niés,vos soiez bien venant .

  13. «Ou est m’amie o lo cors avenants ?

  14. «C’est Clarissant dont je sui desirant .

  15. — El vient ci,sire,ne vos ert delaiant .»

  16. Itel richece n’ot mès nus hom vivanzs :

  17. La veïssiez .mencensiers ardanz

  18. Qui furent plain de l’encens d’Oriant .

  19. Atant ez vos conte Aymeri lo blanc

  20. Cortoisement sor un mulet anblants ;

  21. Encontre vet Corsolz li amiranz,

  22. Entre ses braz le descent en riant,

  23. De sa main prist une flor blanchoiant,

  24. Besier le volt,mès la guinple est devants :

  25. A l’acointier seront d’autre senblant .

  26. Il tret l’espée qui li pendoit au flancs ;

  27. Par mi lo chief en feri l’amirant,

  28. Deci es denz a fet coler lo branc,

  29. Estort son cop,mort l’abat a itants :

  30. «Nerbone,»crie,«baron,ferez avant .

  31. «C’est Aymeris li chevaliers vaillanz,
    32. [ fol. 114 ]

  32. «Que vos vossistes jeter el feu ardant .

  33. «Vos li rendrez sa pertes !»

  1. Quant ont veü li fil dant Aymeri,

  2. Lo roi Corsolt contre terre jesir,

  3. Jetent les ginples et les mantiax hermins

  4. Et descendirent des mulez arrabiss ;

  5. Espées tretes vont les ostex sesir .

  6. Bien se defendent Paien et Sarrazins ;

  7. Mès li François furent li plus hardi

  8. Qui les ont morz,detrenchiez et ocis .

  9. As premiers cox menbra dant Aymeri

  10. De dant Guibert,lo menor de ses fizs :

  11. Par .iiiienpointes fist l’olifant bondirs ;

  12. De Florimont l’entendi Guibelins,

  13. Vint a ses homes,fierement lor a dits :

  14. «Seignor baron,»dist li quens Guibelins,`

  15. «Dedenz Nerbone oi corner Aymeri .

  16. «Secorons le,por Deu qui ne menti .»

  17. Et il ont dits :«Ja n’en serez desdiz .»

  18. La veïssiez tant bon auberc vestir,

  19. Lacier tant elmes,ceindre tant branz forbiz,
    20. [ fol. 115 ]

  20. Tant chevaliers sor les destriers saillirs ;

  21. Jusqu’a Nerbone ne pristrent onques fin .

  22. Lor conpaignon furent li Sarrazin

  23. As blans aubers endocer et vestir

  24. Et a l’avoir doner et departir .

  25. Molt s’i pena Guibelins li marchiss :

  26. Parmi les tentes vet querant Sarrazins,

  27. A .xxx .mil de chevaliers hardiz

  28. Qui lor detrenchent les costez et les piz .

  29. Puis icele ore que vos avez oï,

  30. Que Rollanz fu en Roncevax traïz,

  31. Li .xiiper i parfurent ocis,

  32. Ainz si fet glaive ne fu de Sarrazins

  33. Com en Nerbone ot le jor establi .

  34. Li quens Guiberz les a bien envaïz

  35. Et sa fiere conpaigne .

  1. Forz fu l’estor,merveillos et pesanz .

  2. Li quens Guiberz i ot ce jor ahans ;

  3. Par mi les tentes vet Sarrazins querant

  4. A .xxx .mil de François conqueranz

  5. Qui lor decopent les costez et les flanss :
    6. [ fol. 116 ]

  6. La veïssiez tant paveillon volant

  7. De Sarrazins,de Turs et de Persanz .

  8. Après lor vint un essoine trop grants ;

  9. Atantez vos Salatré,un Persant,

  10. Par la bataille sor un chamelin blancs :

  11. Car il n’a cure de destrier auferrant,

  12. Nel puet porter tant par ot lo cors grant

  13. Et le bu gros et le ventre pesant .

  14. D’une plomée va crestiens tuant,

  15. Ça .ii,ça .iiiles ala craventant .

  16. Et il s’escrients :«Aïde,Guiberz frans .

  17. «Sainte Maries !ja serons recreant .»

  18. Guiberz l’oï,cele part vint corant,

  19. Et li paiens s’adrece vers l’enfants ;

  20. De sa plomée va la verje hauçant

  21. Que la mace ert par terre traïnant,

  22. Va la corroie larjement estendant

  23. Et de ferir s’ala apareillants ;

  24. Se il l’atent ja avra un cop grant,

  25. Et li frans hom n’a de foïr talent .

  26. Un cop li jete li gloz en retraiants ;

  27. Nel toche mie,car Deu ot a garants :

  28. Il s’abessa sor son arçon devants ;
    29. [ fol. 117 ]

  29. Detriés lui fiert Joifroi de Bonivant,

  30. Un chevalier hardi et conbatants ;

  31. Tot l’abat mort et lui et l’auferrant .

  32. Guiberz le voit,a po ne pert lo senss ;