Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Devant sont homes et cheval par deriere .

  2. Sor Rochebrune est la montaigne fieres :

  3. El coing du pui ot fet une trenchiée

  4. Et el somet fu la roche dreciée

  5. Haute est et grant et en son batailliées :

  6. Desoz fu crose,dolée et entailliées ;

  7. Chanbres i ot beles et aaisiéess :

  8. Fées les firent qui en sont essilliées

  9. Par une guivre qui s’i est herbergiées :

  10. Bien a .vanz qu’ele i est reperiée

  11. Et trente guivres la sivent et requierent,

  12. Qui alé sont dedenz la roche fieres ;

  13. IX .testes ot merveilloses et fieres,

  14. Les .vdevant et les .iiiiderrieres ;

  15. Et vole tost quant ele est corociées ;

  16. Feu ardant jete et ja n’ert engigniée .

  17. Li Sajetaire l’ont lo jor enchauciées :
    18. [ fol. 109 ]

  18. Ce est la chose qui onques plus lor grieves ;

  19. Ele se drece quant ele oï les pierres,

  20. Par la derube ala en la trenchiée,

  21. En mi la rote s’est en travers cochiée,

  22. Au trespasser lor estera portiere .

  23. Li Sajetaire de rien ne se targierent,

  24. Quant il la voient forment s’en esmaierents ;

  25. Ferue l’ont et devant et derrieres :

  26. La pel est dure,onques ne la percierent,

  27. Ele se torne,a feu ardant les grieve,

  28. Lo vis lor art,les cropes et les chieres,

  29. Et cil s’en fuient par puis et par rochiere,

  30. Si guerpissent les rotes .

  1. Li Sajetaire ont la rote guerpie,

  2. La beste vint a sa herberjerie .

  3. Jusqu’au demain que l’aube est esclarcie,

  4. Quens Aymeris ne se volt targier mies ;

  5. Ainz fist armer sa grant chevalerie

  6. De blans aubers et d’elmes de Pavie,

  7. Et desus ceignent les espées forbiess ;

  8. As males corent puceles et meschines,
    9. [ fol. 110 ]

  9. S’en traient dras de diverses bailliess :

  10. Sor les aubers as François les vestirents ;

  11. Quens Aymeris en vet son cors meïsme,

  12. Et tuit si fil ou durement se fies ;

  13. Estroitement lient l’or chiés de guinpless ;

  14. Les destriers lessent qui corent de ravine,

  15. Et sont monté es mulez de Sulies ;

  16. A Auquaire ont l’oriflanbe comise

  17. Et a Nerbone ont lor voie acoillies ;

  18. Portent oisiax et moinent cers et biches,

  19. Ors et lions et marmotes et sinjes .

  20. Li emperere remest o les meschines,

  21. En sa compaigne de chevaliers .xmile .

  22. François chevauchent qui ne s’atarjent mies ;

  23. Devant Nerbone sont venu en droit primes ;

  24. El premier chief fu Aymeris li riches

  25. Et tuit si fil ou durement se fie .

  26. Dame Hermenjarz fu en la tor antive

  27. Et n’ot o li que .iiide ses meschines,

  28. Les autres erent dedenz la tor fenies

  29. Por la vitaille qui lor estoit faillie .

  30. Lor ames soient sauvées et gariess !

  31. L’estoire voit,molt est espoories ;
    32. [ fol. 111 ]

  32. Deu reclama lo fil sainte Marie,

  33. Lo glorios qu’il li tramete aïe

  34. De la nobile jeste .

  1. Auquaires broche,li fillex Aymeri,

  2. Qui l’oriflanbe paumoia et brandi .

  3. Mainte viële i oïssiez tentir,

  4. De maint oisiax i oïssiez lo cri,

  5. Chante la melle avueques lo mauviz,

  6. Jais et calandres,chascuns en son latin .

  7. Devant el chief fu li quens Aymeris

  8. Et avuec lui si neveu et si fil .

  9. Dame Hermanjart sus en la tor choisi,

  10. Molt volentiers son conseil li deïst,

  11. Mès por paiens ne li ose jeïr .

  12. A l’amiral vienent .mSarrazins ;

  13. Il l’en apelent,fierement li ont dits :

  14. «Hé,amiral,vels noveles oïrs ?

  15. «Or pues tu dire bien t’est Mahom amis,

  16. «Bien as Pilate et Tervagan servi .

  17. «De Femenie pues l’estoire choisir .

  18. «Dames i a jusqu’a .xiiiimil,

  19. «Et .xxxmil de cortois Sarrazins .

  20. «Bien deüssiez encontr’eles issir .»

  21. Dist l’amiral il n’ira mie ainsis :
    22. [ fol. 112 ]

  22. «Devant mon tref descendront ja icis ;

  23. «Si i verrez .mencensiers espris

  24. «Qui seront plein d’encens Alixandrin .

  25. «Après ferai drecier toz mes enginz

  26. «.XXX .perrieres et .xberfroiz garniz,

  27. «Ja nes lerai ançois les avrai pris

  28. «Et de la tor a la terre jus miss ;

  29. «Si i merrai Clarissant au cler vis

  30.  «Et ses autres puceles .»

  1. Seignor,oez un vers bon et seant

  2. De fiere jeste,de la melz conbatant

  3. Qui onques fu en cest siecle vivants ;

  4. Par quel engin quens Aymeris li blans

  5. Reprist Nerbone sa fort cité vaillant

  6. Qu’orent traï Sarrazin mescreant .