Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. A tot l’espée dont li ponz fu d’arjent

  2. Le va ferir si acesmeement,

  3. Par sor les costes andox les braz en prent .

  4. Li Sarrazins escrie hautements :

  5. «Que fetes vos,Mahom et Tervagans ?

  6. «Pilate sire,serez me vos garants ?»

  7. Guiberz le fiert un cop par maltalent,

  8. La teste o l’elme li fet voler el chanp .

  9. Li cors chaï delez un desrubant,

  10. Sore lui passent maint destrier auferrant

  11. Qui li froissierent les costez et les flans .

  12. Adont saillirent li Tur et li Persant,

  13. Li Amaraive et li Popeliquant,

  14. Et Bedoïn et Acopart saillant

  15. Qui lor seignor alerent regretants :

  16. «Hé,riche ber,nobiles conbatanz,

  17. «Larjes donerre et mieudre conqueranz

  18. «Qui onques fu en cest siecle vivants !

  19. «Morz est l’orgoil Corsolt a l’amirant

  20. «Qui li soloit afiner toz ses chans

  21. «Et les batailles,ja ne fuissent si grants !
    22. [ fol. 118 ]

  22. «Morz,car nos prens !que vas tu delaiants ?»

  23. Dedenz Nerbone fu Aymeris li frans

  24. Qui sa cité ot pris a son talent .

  25. Tant i ot morz de Turs et de Persanz

  26. Que par les rues en coroit li clers sans .

  27. A eve froide lavent lo marbre blancs ;

  28. Les cors enportent contremont as auvanz,

  29. Si les lessierent aval les desrubanz,

  30. Defors Nerbone les ardent par les chanss :

  31. C’estoit costume de l’ancienor tenss :

  32. Poez savoir la puor estoit granz .

  33. Dame Hermanjarz au jent cors avenant

  34. Reclama Deu lo pere omnipotent

  35. Qu’il li envoie secors prochienement

  36. Et si li rende lo preu conte vaillant .

  37. Si fera il ainz lo soleil cochant,

  38. En la sale a Nerbone .

  1. Quant Looys ot Aymeri corner,

  2. Adont sot il par droite verité

  3. Que il estoit dedenz Nerbone entrezs ;

  4. Li emperere en est brochant alez

  5. A .xx .mil homes a armes conreez .

  6. Nostre emperere fu molt jentils et bers :
    7. [ fol. 119 ]

  7. Totes les dames a fetes arrester,

  8. Que nes lessa del bois au plain aler,

  9. Ançois descendent por lo chaut qui granz erts ;

  10. A .cFrançois les conmande a garder .

  11. La veïssiez grant joie demener,

  12. Et ces puceles treschier et quaroler .

  13. Li emperere en est brochant tornez

  14. A .xxmil homes a armes conreezs ;

  15. Ne mès que .cas dames sont remés .

  16. Ez Clabarin l’aumaçor d’otre mer,

  17. A .xmil homes en est fuiant tornez,

  18. Fuiant s’en va trestot desbaretezs ;

  19. Il et li rois se sont entr’encontré,

  20. De lor jent sont a tanz quanz per a per .

  21. Sarrazin voient que ne garront par el,

  22. Sanz la bataille ne puent eschaper

  23. Et plus redotent Guibert a encontrer

  24. Que l’aloete ne fet lo fauc mué,

  25. Quant el le voit de bas randon voler .

  26. Bessent les lances et sont alé joster,

  27. Et li François nes ont pas refusezs :

  28. Fierent et chaplent des espées del lé

  29. Et des espiez trenchanz et afilez .

  30. La veïssiez un estor communel,

  31. Tant pié,tant poig,tante teste coper,
    32. [ fol. 120 ]

  32. Sanc et cervele encontremont voler,

  33. L’un mort sor autre trebuchier et verser .

  34. Li Sarrazin se sont forment hasté,

  35. Fierent et chaplent,otre s’en sont passés ;

  36. L’une moitié des lor i sont remé,

  37. Et de nos Frans jurent .mpar les prez

  38. Qui puis ne redrecierent .

  1. La ou François et Paien s’entr’encontrent,

  2. Molt durement fierent et esperonent,

  3. Piz et corailles et costez s’i enfondrent .

  4. Tant i ferirent Paien qu’il passent otres ;

  5. L’une moitié i remaint de lor homes

  6. Et de nos Frans i jut .mpar la conbe,

  7. Et qui d’ilueques ne releverent onquess :

  8. Ce fu domaje et perte .

  1. Quant Sarrazin sont des nos departi,

  2. De .xxmil homes ne remestrent que .xs ;

  3. L’une moitié i sont des lor ocis .
    4. [ fol. 121 ]

  4. Fuiant s’en va l’aumaçor Clarabinss ;

  5. Si l’enchauça li bons rois Looys .

  6. Il li escries :«Retorne,Sarrazins ;

  7. «Aumaçor es et rois poesteïs,

  8. «Rois sui de France,si ai non Looyss :

  9. «La moie foi loiaument te plevis,

  10. «Onques encor par home ne chaïs ;

  11. «Se tu m’abas grant los i avras pris .

  12. «Ja n’i seras engigniez ne traïz,

  13. «Se je meïmes par mon cors ne t’ocis .»

  14. Dont s’arrestut l’aumaçor Clarabins .

  15. Dist a ses jenzs :«Seignor,estez icis ;

  16. «S’irai joster au fort roi Looys .