Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. «.X .fortereces et .iiiigranz citez .

  2. Li rois responts :«Je l’otroi de par Dé .

  3. «Dex le vos doinst bien fere .»

  1. Looys monte a la chiere hardie

  2. Et Aymeris a la barbe florie,

  3. Li quens Hernauz que Jhesus beneïe

  4. Et avuec ax lor grant chevalerie .

  5. Cortoisement conduisent les meschines

  6. Par mi les landes desoz Esclabarie,

  7. La cite frete desoz lo pui assises ;

  8. C .tors i ot,dreciées et bastiess ;

  9. Charles li rois a la barbe florie

  10. L’arst et fondi quant ot Nerbone prise,

  11. Que puis ce jor n’i ot herberjerie .

  12. Mès Sajetaire l’ont de novel reprise,

  13. Des vielles tors ont redreciées .xv .

  14. A une part des couverz de la vile

  15. Une trenchiée i ont fete et bastie,
    16. [ fol. 105 ]

  16. IIII .eves rades i corent et afilent

  17. Qui en mer chieent es porz soz Aumaries :

  18. N’ot si fort leu en France la garnie .

  19. Soz la cité est une praerie

  20. Qui contrevaut tot l’or de Pincernies :

  21. La croist la mente et la rose florie,

  22. Et garingal,citoal et gingibres ;

  23. Et si i croist lo poivre et lo perirtre,

  24. Les chieres erbes et les riches espicess ;

  25. Li Sajetaire les coillent et cherissent

  26. Et a navées les portent en Egites ;

  27. Iluec les vendent et poisent a devise

  28. Fer et acier,car el n’en prendent mies ;

  29. Armes en font de quoi il se garnissent,

  30. Haches trenchanz et espées forbies,

  31. Et les espiez qu’il lancent et brandissent,

  32. Et les sajetes trenchanz de plusors guisess ;

  33. Miex traient d’ars que nul home qui vives ;

  34. Contre lor cox n’a arme garanties ;

  35. Auberc ne broine ne li vaut .iicoquilles .

  36. Iceste jent vos dirai dont il vivents :

  37. Il ne gaaignent ne n’ont moltoieries ;

  38. N’ont giens de blé qu’onques mie n’en vivent,

  39. N’onques de pain ne virent une mies ;

  40. Mès la lor terre est essillie et gastie,
    41. [ fol. 106 ]

  41. Et les forez plenieres et garnies

  42. D’ors et de cers et d’autre venerie .

  43. Li Sajetaire les bersent et ocient,

  44. La char manjuent que il ne cuisent mie,

  45. Et lo sanc boivent,plus que vin le desirent .

  46. Se ceste jent que vos oez ci dire

  47. Puent trover dant Aymeri lo riche,

  48. Po li vaudra sa bele conpaignies ;

  49. N’en revendra chevalier ne meschine,

  50. Ne n’enterra en Nerbone la riche,

  51. Ne Looys,en France la garnie,

  52. Se Dex nel fet,li filz Sainte Marie .

  53. Mès alé furent lo jor a une assise

  54. Por acorder contre Turs d’Orquenies ;

  55. C’est une jent qui Deu ne croient mie .

  56. Par lor cors ont une terre sesie

  57. Sor une roche dedenz mer en une isles ;

  58. IIII .jornées est de la rocheeschive,

  59. Close est a murs et a granz tors antives .

  60. Tuit sont seignor,por rien ne se jostissent,

  61. Ne servent home qui muire ne qui vive .

  62. Li Sajetaire les bersent et ocient .

  63. Ce est la chose qui or plus les jostisse .

  64. Le jor s’acordent,s’ont une trieve prise .

  65. François chevauchent qui ne s’atarjent mie,

  66. Ainz ne finerent deci en Ortobrie .

  67. Biax sont li bois et granz la praerie .
    68. [ fol. 107 ]

  68. IIII .eves rades i corent et afilents ;

  69. François herberjent,li chevalier nobile,

  70. Tendent lor trés,paveillons de Sirie,

  71. Bersent les cers et les sanglers ocient,

  72. Prenent les dains que portent a quisine,

  73. Jetent ostoirs et fax de mue prime,

  74. Prenent hairons,si abatent les ciness ;

  75. Cil damoisel joent et esbaudissent .

  76. Bien se conroient li chevalier nobile

  77. Et les puceles de terre Femenie

  78. Que François ont sor Sarrazins conquisess ;

  79. Iceles sont molt richement servies .

  80. La nuit se gaite quens Aymeris li riches

  81. A .xmil homes a espées forbiess ;

  82. Car fierement se dote .

  1. Plest vos oïr com François esploitierents ?

  2. En Ortobrie la nuit se herbergierents ;

  3. A .x .mil homes la nuit eschaugaitierent .

  4. Li Sajetaire de lor plet reperierents ;

  5. Entor lor vile ont la terre cerchiée,

  6. Trovent la rote des nobiles eschieles

  7. Et l’erbe fresche contre terre plesiée,

  8. Et les espices folées et marchiées,
    9. [ fol. 108 ]

  9. Dont ont tel duel a po que n’enragierents ;

  10. Tordent lor poinz et lor chevex sachierent,

  11. Chetif se claiment que les porz ne gaitierents ;

  12. Sonent lor grelles,s’ajostent lor eschieless ;

  13. Quant sont ensemble a .viimil se prisierent .

  14. Corent plus tost que cerf,ne dain,ne lievre,

  15. Miex s’entrencontrent que blachet ne levriere .