Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. François l’oïrent si en sont esbahi,

  2. M .en corurent les bons aubers vestir .

  3. «Estez seignor,»dist li rois Looys,

  4. «Ja por .iihomes n’i ert escuz sesiz .

  5. «Jusques as tentes les lessomes venirs ;

  6. «Messagier sont,ce quit,a Sarrazinss ;

  7. «Si nos diront noveles .»

  1. Nostre emperere fu molt jentils et ber

  2. Qui les puceles fist devant lui meners ;

  3. Li rois gaba et dist ses volentez .

  4. Atant ez vos dant Aymeri lo ber,

  5. O lui Auquaire qui tant fet a loers ;

  6. Mès molt sont las,traveillié et pené,

  7. Et lor cheval durement tressué .

  8. A pié descent danz Aymeris li ber,

  9. En terre fiche son espié aceré,

  10. Et desor l’erbe a son escu posé,

  11. A son filluel a son cheval livré,

  12. Espée ceinte est es tentes entrez

  13. Que n’i deigna chevalier saluer .

  14. Li emperere l’a premiers apelés :
    15. [ fol. 101 ]

  15. «Vassal,»dist il,«vos n’estes pas senez

  16. «Qui devant moi vostre espée portezs ;

  17. «S’or aviez felonie enpensé,

  18. «En petit d’ore m’avriez ja tués ;

  19. «Par Saint Denis qui est mes avoez,

  20. «Po ne vos faz toz les menbres copers !»

  21. Aymeris l’ot,ne deigna mot soner,

  22. Ainz deslaça son vert elme jemé

  23. Apres la quoife del blanc auberc safrés ;

  24. Sor ses espaulles l’a lessiée colers ;

  25. La barbe ot longue jusqu’al neu du baudré,

  26. Dont lo connut Guillaumes au cort nés,

  27. Hernauz et Bueves et danz Garins li ber,

  28. Et Looys et des autres asez .

  29. Si le corurent besier et acoler

  30. Et après lui en entra tant el tref

  31. Qui l’ont entr’els si forment enserré,

  32. Par un petit que il ne s’est pasmezs ;

  33. «Seignor baron,»dist Aymeris li ber,

  34. «Por amor Deu vos vueil merci criers :

  35. «Je sui el cors d’un grant espié navrez,

  36. «Que ja n’en quit garir ne respasser .

  37. — Biax sire pere,»dist Guillaumes li ber,

  38. «Ja m’avoit l’en en Orenge conté

  39. «Que Sarrazin vos avoient mené
    40. [ fol. 102 ]

  40. «En Babiloine l’amirable cité,

  41. «Et en lor chartre trebuchié et jeté .»

  42. Li quens responts :«Pris fui de verité .

  43. «Il me menerent issi près de la mer,

  44. «Que il me durent en lor dromont jeter .

  45. «Mes filz Guiberz lor fu a l’encontrer

  46. «Qui tant lor a de son avoir doné

  47. «Que plus n’en puent sostenir ne porters ;

  48. «Au branc d’acier les a si encontrez

  49. «Que li plus sains ne pot l’autre gaber .»

  50. Respont Guillaumess :«Dex en soit aorez .»

  51. Et dist Bernarzs :«Qui est cil adobez

  52. «Que vos avez avuec vos amenés ?»

  53. Dist Aymeriss :«Ja orrez verités ;

  54. «Ier tote jor fu o nos en cest pré

  55. «Nostre conpainz a ruistes cox doners ;

  56. «De .xxxmil n’en est plus eschapés ;

  57. «Anuit le m’a nostre Sire amenés ;

  58. «A nostre loi l’avons crestienés :

  59. «Mes fillex est,s’est Auquaires nomez .

  60. «Biau sire fil,alez le desarmer,

  61. «Que ja n’i ait se contes non o perss ;

  62. «Nos le devons tenir en grant chiertés :

  63. «Par lui avrai Nerbone ma cité

  64. «Dont Sarrazin m’ont a grant tort jeté .»
    65. [ fol. 103 ]

  65. Lors le desarment et si l’ont afublé

  66. D’un chier mantel a listes d’or ovré,

  67. Que l’emperere li a fet aporters :

  68. «Aymeri sire,»dist Looys li ber,

  69. «Filz a baron,or me di ton pensé

  70. «Comment tu quides dedenz Nerbone entrer

  71. «Quant ja l’ont prise Sarrazin et Escler,

  72. «Ne mès la tor qui tant fet a loer

  73. «Que tient ta feme Hermanjarz au vis clers ;

  74. «Par la vitaille la quident afamer .»

  75. Dist Aymeriss :«Ja orrez verités :

  76. «Totes ces dames ferons desconreer,

  77. «Lor garnemenz nos convient enprunter,

  78. «Bliauz et pailes et chainses gironez

  79. «Que vestirons sor les aubers safrezs ;

  80. «De chieres guinples de soie d’otre mer,

  81. «Estroitement ferons nos chiés bender

  82. «Que ne reluisent li vert elme jemés ;

  83. «Et lesserons les destriers sejornez

  84. «Et monterons es mulez afeutrezs ;

  85. «Comme puceles chanjerons nostre alers ;

  86. «Cel estandart ferons avant porter,

  87. «Et l’oriflanbe dant Corsolt l’amiré

  88. «Baillerai jo a Anquaire lo bers :

  89. «Mes fillex est,ne me vodra faussers :

  90. «Par lui avrai Nerbone la cité
    91. [ fol. 104 ]

  91. «Dont Sarrazin m’ont a grant tort jeté .

  92. «Se je i puis par son conseil entrer,

  93. «Je li donrai .xvchastiax sor mer,