Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Lo païs aime por ce qu’il en fu nez .

  2. Les mortex plaies en a fait aesmer,

  3. Dedenz tochier et defors adeser,

  4. Et un petit l’en fist lo col passer,

  5. Et puis drecier et en estant lever,

  6. Ez vos lo conte gari et respassé .

  7. La veïssiez grant joie demeners :

  8. «Seignor baron,»ce dit Hernauz li ber,

  9. «Je sui toz sains,la merci Damedés :

  10. «Onc si legiers ne fui en mon aé .»

  11. Onc tel avoir n’ot li rois Desramez,

  12. Sansses li forz ne Tiebauz li esclers,

  13. Ne l’amirals d’otre la Roje mer,

  14. Com nos François ont el chanp conquestés :

  15. Et si nel sevent mie .

  1. François se ventent,por les dames s’orgoillents ;

  2. Cele nuit jurent entre l’eve et la broilles :

  3. Ni a cheval qui esfreer se voilles ;

  4. Auquaires point,durement s’esviguore,

  5. Et trespasse la terre .
    [ fol. 88 ]

  1. Auquaires broche et passe lo païs,

  2. Isnelement,ne prist cesse ne fins ;

  3. Aler quida au fil lo roi Sorbrin,

  4. Droit a Nerbone,a Corsolt l’Arrabis ;

  5. Mès il i a de tot en tot failli,

  6. Assenez est au franc conte Aymeri

  7. Et a Guibert lo menor de ses filz .

  8. En une lande de loriers et de pins

  9. Trove enbuschié lo conte avuec son fil,

  10. Et li paiens s’en fuit tot ademis,

  11. Que n’en sot mot jusqu’en l’agait fu miss :

  12. François le corent de totes parz sesir,

  13. Espées tretes,qu’il le vuelent ferir .

  14. Il lor crias :«Por Mahomet mercis !

  15. «Ne me tochiez,franc chevalier hardis !»

  16. Demanda lor qui il sont en latin,

  17. Et cil ont dit qui ne vuelent mentirs :

  18. «Nos somes homes lo preu conte Aymeri

  19. «Et dant Guibert lo menor de ses filz,

  20. «Et hui matin l’escost a Sarrazinss ;

  21. «En Babiloine l’enmenoient chetif .

  22. — Por Mahomet,»Auquaires respondi,
    23. [ fol. 89 ]

  23. «Tant par foisonnent li fil dant Aymeris !

  24. «Or quidoie estre respassez et gariz,

  25. «Et je me sui en lor linaje mis .»

  26. Il le menerent devant lo viel flori .

  27. Il fu cortois,a la terre s’assist .

  28. Premiers l’apele danz Guiberz li marchiss :

  29. «Sarrazin frere,»ce a dit Guibelins,

  30. «Ton escu voi peçoié et maumis,

  31. «Et ton vert elme enbarré et croissi

  32. «Et ton destrier voi de corre alenti,

  33. «Toi voi sanglant et ta chiere et ton viss ;

  34. «Bien senbles home qui d’estor soit partiz .

  35. «Ou vass ?Dont vienss ?Ou alass ?Que queïss ?

  36. «Or di verté,garde que ne mentir,

  37. «Ou,par celui qui en la croiz fu mis,

  38. «Je te ferai toz les menbres tolir,

  39. «Ardoir en feu et fere male fin .»

  40. Et cil respont,ja n’i avra mentis :

  41. «De Femenie reperoie hui matin,

  42. «Dames menoie jusqu’a .xiiiimil,

  43. «Et .xxxmde cortois Sarrazins,

  44. «Et descendismes soz lo pui de Monbrin

  45. «En une lande de loriers et de pins .

  46. «La trovai .vdes filz dant Aymeris ;

  47. «Ier tote jor a ax me conbati .
    48. [ fol. 90 ]

  48. «Mi conpaignon i furent tuit ocis

  49. «Fors que mes cors qui en eschapai vis .

  50. «Trestote nuit ere ça afoïz,

  51. «Aler quidoie au fil lo roi Sorbrin,

  52. «Droit a Nerbone a Corsolt l’Arrabi,

  53. «Por lo domaje raconter et jehir

  54.  «A Corsolt de sa perte .»

  1. «Sarrazin frere,»dist Aymeris li ber,

  2. «Je connois bien ce destrier que avezs :

  3. «Florent a non,si fu Gaudin l’escler,

  4. «Un Sarrazin seignor de Durestés ;

  5. «A Finamonde li fis lo chief voler,

  6. «S’en amenai lo destrier sejorné,

  7. «.V .anz lo fis a Nerbone garders ;

  8. «Par nuit me fu en mes chanbres enblez,

  9. «Or le me ra vostre sire amené .

  10. «Folement estes venuz et assenezs :

  11. «Vostre seignor me voloit ardre el ré,

  12. «Devant Nerbone l’amirable cités ;

  13. «Je vos ferai toz les menbres coper,

  14. «Ardoir en feu et la podre venter,

  15. «Se ne volez Damedeu aorer .

  16. — Aymeri sire,»dit Auquaires li ber,
    17. [ fol. 91 ]

  17. «Bien ai Mahom essaié et provés ;

  18. «Hui main lo vi par terre craventé

  19. «Et a François trebuchier et verser,

  20. «Onc nel soi tant par besoing reclamer

  21. «Que me peüst secorre n’aïders ;

  22. «Je crerai mès en vostre Damedé,

  23. «Celui qui fet et yver et esté,

  24. «Et qui nos done et lo pain et lo blé .»

  25. Respont li quenss :«Dex en soit graciezs !»

  26. Avuec Guibert ot venuz .iiabezs ;