Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Une fontaine sordoit en mi lo pré

  2. Et li abé la seignent de par Dé,

  3. Et si i metent et lo cresme et lo sels ;

  4. Lo Sarrazin firent dedenz entrers ;

  5. Quens Aymeris l’ala premiers lever,

  6. Li rois Guiberz et des autres assezs ;

  7. Mès onc son non ne vodrent remuer,

  8. Ainz li aferment selonc crestientés :

  9. Ce fu Auquaires,li jentils et li ber,

  10. Li preuz,li sajes,li cortois adurezs ;

  11. Mieudre convers ne fu de mere nez,

  12. Qui plus amast sainte crestienté,

  13. Qui lor aida Nerbone a conquester .

  14. Or vient chevalerie .
    [ fol. 92 ]

  1. «Seignor baron,»dist li quens Aymeris,

  2. «Or est Auquaires durement mes amiss ;

  3. «Mes fillex est et a Deu convertizs :

  4. «En sa fiance me metrai lo matin,

  5. «S’irai veoir dant Guillaume mon fil,

  6. «Hernaut,Buevon et Bernart et Garin,

  7. «La ou il sont soz lo pui de Monbrin .

  8. — Non ferez,pere,»ce a dit Guibelins,

  9. «Vos n’irez mie vos .iia escharnir .

  10. «Car un grant mal vos en porroit venir .»

  11. Respont Auquairess :«Por neant l’avez dits ;

  12. «Que par l’apostre que quierent pelerin,

  13. «Miex vodroie estre decopez et ocis,

  14. «Que par moi fust engigniez ne traïz .

  15. — Et je l’otroi,fillex,»dist Aymeris .

  16. «Dex te doinst bon coraje .»

  1. Aymeris s’arme et Auquaires li ber

  2. De bons aubers et des elmes jemez,

  3. Et des espées et des escuz bendez,
    4. [ fol. 93 ]

  4. Et des espiez trenchanz et afilez .

  5. Auquaires a son destrier remué,

  6. Lesse Florent,s’a Ploiemont mené .

  7. Quens Aymeris a Guibert apelés :

  8. «Sire Guiberz,un petit m’entendezs :

  9. «Totes vos jenz fetes de ci lever,

  10. «En Florimont la forest les menez

  11. «Et les i fetes repondre et esconsers ;

  12. «Et si gardez,si chier com vos m’avez,

  13. «Que n’en isse un por les menbres coper

  14. «Tant que orrez vostre olifant soners ;

  15. «Bailliez le moi,car jel vodrai porters ;

  16. «Quant vos l’orrez et bondir et soner,

  17. «Savoir porrez par droite verité

  18. «Que je serai dedenz Nerbone entrezs ;

  19. «Vos serez sampres sur les chevax monté

  20. «As Sarrazins,as Turs et as Esclers,

  21. «Lor conpaignon esserez a l’armer

  22. «Et a l’avoir departir et doner .

  23. — Pere,»dist il,«si com vos commandez .»

  24. Lo cor li baille,a son col l’a jeté .

  25. Aymeris monte li jentils et li bers :

  26. Ses filz Guiberz li est alez aïders ;

  27. Cortoisement l’en prist a apelers :

  28. «Père,»dist il,«je vos commant a Dé,

  29. «Lo glorios de sainte majesté
    30. [ fol. 94 ]

  30. «Qui vint en terre por lo monde sauver,

  31. «Que vos defende de mort et d’afoler

  32. «Et Nerbone vos rende .»

  1. Va s’en Auquaires et Aymeris li bers ;

  2. Si ont lessié lo droit chemin ferré,

  3. Car il redotent Sarrazins et Esclerss :

  4. Auquaires en vet qui tot lo païs set .

  5. Or lerons ci de Naimeri esters ;

  6. Hui mès devons de Looys chanters :

  7. En doce France li fu dit et conté

  8. Que Sarrazin en avoient mené

  9. Dant Aymeri de Nerbone sor mer

  10. En Babiloine l’amirable cité

  11. Et en lor chartre trebuchié et jetés ;

  12. Li rois en fu corrociez et irezs ;

  13. Il a mandé la jent de son regné,

  14. L .mil de chevaliers armez,

  15. Puis chevaucha nostre emperere bers ;

  16. Jusqu’a Nerbone ne se vost arrester .

  17. En la montaigne est li rois ostelez,
    18. [ fol. 95 ]

  18. Sor la vert erbe a fet tendre son trés ;

  19. A .x .mil homes se fist la nuit garder .

  20. Gautiers de Termes fu de l’ost dessevrez,

  21. Garda aval desoz Monbrin el pré,

  22. Et vit les cierjes ardoir et alumer

  23. Et la fremor oit as barons mener .

  24. Point lo destrier cele part est alez,

  25. Tante bele arme vit jesir par lo pré,

  26. Tant bon vassal adenz et enversé

  27. Et tant destrier fuiant et esgarés :

  28. «Damedeu pere,»ce dist Gautiers li ber,

  29. «Ci ot ester,qui que l’ait afiné .

  30. «Dex que n’i fui sor lo destrier armés !

  31. «Tant i ferisse de l’espée del lé

  32. «Deci as coutes en fuisse sanglantez .»

  33. A pié descent del destrier sejorné,

  34. Sor l’erbe vert a son escu posé,

  35. En terre fiche son espié noielé

  36. Et aresna son destrier abrivés ;

  37. Parmi les tentes commença a alers :

  38. Onques n’i fu par home destorbez .