Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. La veïssiez un estor esbaudi,

  2. Tante hanste fraindre et tant escu croissir,

  3. Tant bon auberc desmailler et faillir,

  4. Tant poing,tant pié,tante teste tolir,

  5. Sanc et cervele contre terre jalir,
    6. [ fol. 83 ]

  6. L’un mort sor autre trebuchier et chaïrs ;

  7. Tote jor dure la guerre et li estris,

  8. De ci al vespre que paien sont guenchi .

  9. Bien les requierent li fil dant Aymeris ;

  10. De chanp les gietent la Damedé merci,

  11. A lor espées nues .

  1. Quant Sarrazin furent de chanp jeté,

  2. A molt grant poine sont des nos desevré .

  3. A .xxxmil par conte tot nonbré,

  4. Par itant furent as dames chadeler

  5. Et a l’estor commencier et lever,

  6. N’en est de toz que .iiimil eschapés ;

  7. Cil sont es cors et plaié et navré,

  8. Les escuz frez et les aubers faussez .

  9. A une part se sont el chanp torné,

  10. Virent Mahom par terre craventé

  11. Et l’estandart dant Corsolt l’amiré

  12. De l’autre part trebuchié et versé,

  13. Environ li les puceles plorers ;

  14. Tel duel en ont a po ne sont desvés ;

  15. Mahomet jurent et Apollin lor dé

  16. Ja ne fuiront de bataille chanpel .

  17. Bessent les lances,si sont alé joster,
    18. [ fol. 84 ]

  18. Et li François nes ont pas refusezs ;

  19. Fierent et chaplent des espées del lé,

  20. Et des espiez trenchanz et afilez .

  21. La veïssiez un estor communel,

  22. Tant hanste fraindre et tant escu troer,

  23. Et tant auberc derronpre et descirer,

  24. Tant pié,tant poing,tante teste coper,

  25. Sanc et cervele encontremont voler,

  26. L’un mort sor autre verser et raoler .

  27. As Sarrazins en est mal encontré,

  28. N’en est des lor que .isols eschapez

  29. Qui ne soit morz,ocis ou afolezs :

  30. Ne mès Auquaires li niés a l’amiré .

  31. Cheval ot bon,par tant s’en est tornez,

  32. Par mi les rens en est fuiant alez,

  33. Desor senestre est son chemin remés,

  34. Une autre voie sor destre en est tornez,

  35. Par ou il quide droit a Nerbone aler .

  36. Molt ala tost,se ne fust esgarezs ;

  37. Florent l’enporte corant et abrivé .

  38. Jhesu de gloire qui en crois fu penez

  39. Et vint en terre por lo monde sauver,

  40. Li doinst anuit en tel leu assener

  41. Por quoi François resoient hérité

  42. De la cit de Nerbones !
    [ fol. 85 ]

  1. Plest vos oïr com li nostre ont errés ?

  2. Ainz que l’estor poïst estre afiné,

  3. Fu nuit oscure,nus n’i choisi son per,

  4. Ne confanon ne bessier ne lever .

  5. Entre les morz sont li vif ostelés ;

  6. Desore l’erbe firent tendre lor trezs ;

  7. N’i a cheval qui se voille esfreer,

  8. N’i a vassal qui ne soit ahanez .

  9. A mangier font as puceles porter

  10. Qu’il ont conquises des Turs et des Esclerss ;

  11. Prou lor en donent,que il en ont asez,

  12. Que Sarrazin i orent aporté

  13. Et aconduit par mi l’eve de mer .

  14. Mès d’une chose sont François malmené

  15. Que danz Bernarz de Brubant la cité

  16. I fu el cors de .iiii .espiez navrez .

  17. Il li deslacent lo vert elme jemé

  18. Et li desceignent lo bon branc aceré,

  19. Del dos li traient lo blanc auberc safré,

  20. Et lo bliaut de paile gironés :

  21. Tot remest nuz jusqu’as braies oster .

  22. Les mortex plaies li ovrent del costé,

  23. Li sans en salt et li dus est pasmez .
    24. [ fol. 86 ]

  24. La veïssiez si grant duel demener,

  25. Tordre tant poing et tant chevel tirers ;

  26. Plore Guillaumes li marchis au cort nés,

  27. Hernauz et Bueves et danz Garins li ber,

  28. Et se clamerent chetif,maleürés :

  29. «Hui muert li melz de nostre parentés !»

  30. Mès as puceles en a pris grant pités ;

  31. La mestre d’ax fist forment a loers :

  32. «Seignor François,»dist ele,«ne dotezs :

  33. «Je l’avrai ja gari et respassé .»

  34. Entre ses braz prist lo conte soef,

  35. Dist .iiiparoles de sainte Trinité

  36. Et de la croiz de la crestienté,

  37. Dont estanchierent les plaies criminels ;

  38. Et de vin blanc li a fetes lavers ;

  39. Un oignement tret d’un escrin paré

  40. Qui contrevaut tot l’or de .xcitezs ;

  41. De tot l’avoir a trois rois coronez

  42. Ne seroit il esligiez n’achetez .

  43. Quant Jhesus Criz fu en la croiz penez,

  44. Que Juï l’orent batu et flajelé,

  45. Li trois Marie l’alerent visiter .

  46. Nicodemus dut la boiste garders ;
    47. [ fol. 87 ]

  47. En Femenie l’en fist Longis porters :