Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Qui il consivent il est morz a dolors ;

  2. N’en eschapa ne mès que uns toz solss ;

  3. Icil ot non Murgalant de Monflor,

  4. Rois fu d’Egite,a merveille orgoillos,

  5. Destrier ot bon corant et ravinos,

  6. Broche le bien,et il cort de vigor,

  7. L’anste brandi a tot lo confanon,

  8. Guibert feri en l’escu au lion,

  9. Desoz la bocle li peçoie et confont

  10. Et lo auberc li desmaille et derront,

  11. Lez lo costé li mist lo confanon,

  12. Enpoint le bien et bote par tençon,

  13. Mès onc li rois n’en deguerpi l’arçon,

  14. Mès a l’espée dont a or est li ponz

  15. Le va ferir desus l’elme roont,

  16. Totes les pierres en devale et confont,

  17. Tot le copa entreci qu’al pomons ;

  18. Trois moz li dit par contralioisons :
    19. [ fol. 79 ]

  19. «Otres !paien,fil a putain,gloton,

  20. «Dex destruie ta jestes !»

  1. Molt par fu liez li frans quens Aymeris,

  2. Quant fu rescos et si borjois garis ;

  3. Tel joie en a que toz li cuers li rit .

  4. Mès liez fu,ne se pot eslargir,

  5. Et neporquant si broche lo roncin,

  6. Par mi lo chanp s’en vint a Guibelins ;

  7. Si li demandes :«Estes vos ce,biax filzs ?»

  8. «Oïl voir,pere,»li enfes respondi,

  9. «Qui vos navra,la mès n’ert mes amis ».

  10. Sor l’erbe vert le descent del roncin

  11. Et a s’espée li trancha lo seïns ;

  12. As piez li chiet si li crie mercis :

  13. «Que ferai je,sire,»dit Guibelins,

  14. «Irai m’en je,ou fuirai en essils ?

  15. «En hermitaje m’en devroie foïr .

  16. «Je vos deüsse et garder et chierir,

  17. «Si vos lessai comme dolenz chetiz .»

  18. Dist Aymeriss :«Jel te pardoig,biax filzs ;

  19. «Se ce feïs,jel comandai ainsi .

  20. «Li rois Corsolz m’a malement bailli,

  21. «Arse a ma terre et gasté mon païs
    22. [ fol. 80 ]

  22. «Et ma cité et mon donjon a pris,

  23. «Et moi navré de son espié forbi

  24. «Par mi lo cors,que ja n’en quit garir .»

  25. Et dist Guiberzs :«Biax pere,mal le fists ;

  26. «Conparra lo,se Deu plest et je vif .

  27. «Se Dex me sauve et freres et amis .»

  28. I .oignement a demandé et pris,

  29. Vint a son pere,en la plaie li mist,

  30. Puis li benda les flans a un ceinsil .

  31. Armes demande li preuz quens Aymeriss :

  32. El dos li vestent un blanc auberc treslis,

  33. El chief li lacent un vert elme bruni,

  34. L’espée çaint dont li brans fu forbiz,

  35. Au col li pendent un fort escu voti,

  36. Baillié li ont un espié poitevin

  37. Et l’ont monté el destrier arrabis

  38. Dont Guiberz ot lo sarrazin ocis .

  39. Or lerons ci del preu conte Aymeri .

  40. Huimès devons as enfanz revenir,

  41. Au conte Hernaut,a Buevon,a Garin

  42. Et a Guillaume d’Orange lo marchis
    43. [ fol. 81 ]

  43. Et a Bernart de Brubant lo hardi,

  44. Qui a Nerbone vienent a Aymeri

  45. A .xxx .mil de chevaliers hardiz .

  46. Descendu sont soz lo pui de Monbrin,

  47. Gardent sor destre par delez un chemin,

  48. De Femenie ont l’estoire choisis :

  49. Dames i a jusqu’a .xiiiimil

  50. Et .xxxmil de felons Sarrazins .

  51. Devant el chief voient Mahom venir

  52. Et l’estandart Corsolt,cel arrabi,

  53. L’or et les pierres qui forment resplendist,

  54. Tot en reluist la terre et li païs .

  55. As armes corent li fil dant Aymeri .

  56. Ci commence barnaje .

  1. Granz fu la plaigne par desoz Roche Agnieres ;

  2. N’i veïssiez ne conble ne bruiere,

  3. N’i trovissiez jeneste ne fochiere,

  4. Fors l’erbe vert florie en la joncieres ;

  5. Li auferrant a lor piez la marchierent,

  6. Bone fleror lor en vint a la chieres ;

  7. François chevauchent les lances abessiées,

  8. Cortoisement adobent lor eschieles .
    9. [ fol. 82 ]

  9. La veïssiez tante pointe eslessiée,

  10. Tant escu fret,tante tarje perciées ;

  11. Des abatuz fu la terre jonchiée .

  12. As premiers cox Mahomet abatierent

  13. Et l’estandart par terre trebuschierents ;

  14. Et les puceles en furent esmaiées,

  15. Entor Mahom se tenoient rengiées,

  16. Tordent lor poinz et lor chevex tirierent .

  17. Paien saillirent,la pute jent entiere,

  18. Qui ont tel duel a po que n’erragierents ;

  19. Et li François durement les requierent,

  20. Quant venu sont ensenble .

  1. Forz fu l’estor soz lo pui de Monbrins ;

  2. Turc et François furent ce jor voisin .

  3. Onques paiens por poor n’i guenchi,

  4. Ne chevaliers n’i fu de joindre eschiz .