Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Et tant auberc desmailié et ronpu,

  2. Tant chevalier cheoit et abatus ;

  3. Li navré braient et li mort chient jus,

  4. Li destrier fuient par mi lo pré herbus ;

  5. Et seles voides et les poitrax ronpuz .
    6. [ fol. 53 ]

  6. Verser i firent tresqu’a .iiiimil Turs

  7. A la premiere pointe .

  1. Forz fu l’estors et merveillos et granz .

  2. Bien se defent quens Aymeris li blanss :

  3. V .Amoraiveslor i a morz el chanp .

  4. Par la bataille,ez un paien,Cobrants ;

  5. Rois fu de Niques et cosins l’amirants ;

  6. Cheval ot bon,merveillos et corants :

  7. Trestoz fu noirs mès que les piez ot blans,

  8. Et les orilles et les nasiers devants :

  9. Paien l’apelent Tranchemor lo bruiants ;

  10. N’a tel destrier deci en Orient .

  11. Li paiens fu hardiz et conbatanz,

  12. Ocis nos a Joceaume et Guinement .

  13. Molt en pesa conte Aymeri lo blancs ;

  14. Cele part vint a esperon brochant,

  15. Fiert lo paien sor son elme luisant,

  16. Les mestres quierres en abat par devant,

  17. Li blans aubers ne li valut un gant,

  18. Tot le trencha deci en l’auferrants ;

  19. Estort son cop,si l’abati el chanp .

  20. XIIII .roi sont venu poignant

  21. Qui vont ferir Aymeri lo ferrant,

  22. V .en l’escu et .iiiien l’auberc blanc
    23. [ fol. 54 ]

  23. Et .iiien l’elme et .iiisus l’auferrants ;

  24. Abatu ont dant Aymeri el chanps ;

  25. Paien lo fierent contre terre en jesant .

  26. Premiers i vint Corsolz li amiranz,

  27. Trois cox li donc de l’espée trenchants ;

  28. XXII .roi l’enmenoient ferant,

  29. Quant il lor rent s’espée .

  1. Quant ont veü François de lor seignor

  2. Qu’il a rendu son branc a l’aumaçor,

  3. Savoir poez que il en ont dolors ;

  4. Hanstes bessiées se fierent entre lor .

  5. La veïssiez un communel triboul,

  6. Tant hanstes fretes,tant paien doleros,

  7. Tant chevalier destroit et angoissos .

  8. Ja fussent mort et Aymeri rescos,

  9. Quant l’amirals fist soner ses tabors,

  10. XX .mile greles a force et a vigors ;

  11. Dont est montez l’estoire perilloss :

  12. XX .mile sont de la jent paienor

  13. Qui nos François tornerent al desoz,

  14. Ce fu domaje et pertes !
    [ fol. 55 ]

  1. Quant François ont de lor seignor veü

  2. Qu’il ot son branc a l’amiral rendu,

  3. Savoir poez grant duel en ont eüs ;

  4. Lances bessiées se sont entr’ax feru .

  5. La veïssiez un estor maintenu,

  6. Tant hanste frete et percié tant escu,

  7. Tant chevalier cheoit et abatu .

  8. A nos François en est mal advenus :

  9. De mil qu’il erent n’est que .xx .remasu .

  10. Par mi les rens en sont ferant issus ;

  11. Cil ont l’entrée de Nerbone perdu,

  12. Que Sarrazin la lor orent tolu .

  13. Fuiant s’en vont tot un chemin batu

  14. Qui va en France la droit ou li rois fus ;

  15. Au dos les sivent bien quatre mile Turs ;

  16. Quant se retraient,que nes enchauchent plus,

  17. Si lor lancierent lor espiez esmoluz .

  18. De .xx .qu’il erent ont les .vabatuz

  19. Qui el chemin orent les chiés perduzs :

  20. Or ne furent que .xv .
    [ fol. 56 ]

  1. Vont s’en li Franc brochant a esperon,

  2. Deci en France que ja ne fineronts ;

  3. A Looys lor seignor le diront

  4. Que Aymeris est pris par traïson .

  5. L’amirals vint devant son paveillon

  6. Et descendi desoz un pin roonts ;

  7. La le desarment si dru et si baron

  8. Et l’afublerent d’un mantel vermeillon,

  9. Entailliez fut a bestes et a florss ;

  10. Il le conquist au port d’Inde maiors :

  11. La li donerent marcheant par amor

  12. Pour ax conduire par lo val Tenebrox

  13. Jusqu’a la terre Murgalent de Monflor .

  14. C’est une terre de molt riche valors ;

  15. Marchié et foire i corent chascun jor .

  16. Devant li fu Aymeris son prisons ;

  17. IIII .Amoraive le gardent environ,

  18. A trenchanz haches,a fuz et a bastonss ;

  19. Mahomet jurent que jostice en feront .

  20. Lors le desarment li encriesme felons :

  21. Si li delacent lo vert elme roont,

  22. Si li osterent lo auberc fremillons ;

  23. Tot remest sengles en l’hermin peliçon .

  24. Par desoz ot lo vermeil siglatons ;
    25. [ fol. 57 ]

  25. Gros ot les braz et carrez ot les poinz,

  26. Fiere la chiere et regart de lion,

  27. Les euz ot verz et clers comme faucon,

  28. Blanche la barbe qui li pent al mentons ;

  29. Navrez estoit d’un espié a bandon,

  30. Li sans l’en raie deci a l’esperons ;