Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. En mi lo pré ficha sa hanste grosse,

  2. Prent l’olifant par .iiiifoiz le corne

  3. Que tote l’ost des Sarrazins en crole,

  4. Et de Mahom la mestre sinacogue .

  5. Paien l’oïrent et joie grant en orent

  6. Qui la traïson menent .

  1. Quens Aymeris s’estut en mi lo chanps ;

  2. Ses destriers grate del destre pié devants ;

  3. Par .iiiienpointes a soné l’olifant,

  4. Bondir en fet Nerbone la plus grants ;

  5. A voiz escrie a Corsolt l’amirants :

  6. «Roi,car t’adobes .Que vas tu gopillants ?

  7. «Se vels bataille,encui l’avras molt grant,
    8. [ fol. 49 ]

  8. «Ainz n’eüs tel en trestot ton vivant .

  9. «Dame Hermenjarz o lo cors avenant

  10. «Avra ta teste ainz lo soleil cochants ;

  11. «Je li rendrai a tot l’elme luisant,

  12. «Que je li ai promise .»

  1. Li amirals fu de molt male lois :

  2. Premierement fet armer .iiiirois,

  3. A mil paiens fist prendre lor conroi,

  4. Que laist es trés enbuschiez detrès soi

  5. Et il s’en ist brochant tot a desroi

  6. Sor un destrier a merveillos conrois ;

  7. Destort l’enseigne qui entor l’hanste estoits ;

  8. Luès qu’il desplie,si maine tel ravoi,

  9. Tot en tentist li pui et li maroiss ;

  10. Devant sa tente s’eslessa .iiiifoiz .

  11. Dist Aymeriss :«Par ça vos en vendroizs ;

  12. «Se vos rendrai salu a l’acier froiz

  13. «Et en trerai del sanc del plus vermoil .»

  14. Dist l’amiralss :«Tu ne plains mie toi,

  15. «Ne la grant honte qui avenir te doit .

  16. «Je te quit tel conreer ainz lo soir

  17. «N’avra parent qui te voille veoir .

  18. «Or te defi de Mahom et de moi .»

  19. Lors lessent corre les destriers demanois,
    20. [ fol. 50 ]

  20. Bessent les lances o les confanons froiz,

  21. Granz cox se donent es escuz vianois,

  22. Desor les bocles peçoient les fers froizs ;

  23. Ainz l’amirals ne se mut une foiz,

  24. Mès Ferranz chiet ou Aymeris seoits ;

  25. Dist l’amiralss :«Ja mès ne monteroiz,

  26.  «Qu’ançois perdrez la teste .»

  1. Quens Aymeris se senti abatu,

  2. Il n’en pot mès,que Ferranz fu cheüzs ;

  3. Honte ot li quens,si home l’ont veü,

  4. Borjois et dames del palès et del mur .

  5. Il se dreça et Ferrant sailli suss ;

  6. Li quens monta dolenz et irascuzs ;

  7. Et l’amirals ne s’est mie esperduzs :

  8. Lo destrier point qui li cort de vertu,

  9. Brandi la hanste ou li confanons fu,

  10. Fiert Aymeri devant en son escu,

  11. Desoz la bocle li a fret et fendus ;

  12. Enpoint lo bien et bote par vertu

  13. Que del auberc sont li doble ronpus ;

  14. Tot de plain l’a par mi lo cors feru,

  15. De l’autre part s’en est l’espié issuz
    16. [ fol. 51 ]

  16. A tot le fer et une aune de fusts :

  17. Li confanons remest dedenz l’escu .

  18. Quens Aymeris se sent el cors feru,

  19. Li cuers li mant,li vis en ot oscurs ;

  20. Molt afebloie del sanc qu’il ot perdus ;

  21. III .foiz se pasme sor l’auferrant quernu .

  22. Li amirals ne s’est mie esperduz,

  23. Esperonant est cele part venuz,

  24. En son poig tint lo branc d’acier molu,

  25. Par mi son elme l’a quatre cox feru,

  26. Par un petit que ne l’a abatu,

  27. Quant se retint Aymeris li menbruz,

  28. Sus les estriers s’afiche .

  1. Quant Aymeris se sent navrez el cors,

  2. Il mist sa main en traverciers son dos,

  3. Trueve lo fust,s’en a tret lo fer hors,

  4. Desus l’arçon devant lui l’a destorts ;

  5. S’or ne se venje,ja sera de duel morz .

  6. Et l’amiral li vint toz les galos,

  7. Et Aymeris lo fiert par tel esfors,

  8. Grant cop li done sor son escu a or,

  9. Qu’il li peçoie et l’auberc li desclot,

  10. Et son espié li passe lez lo corss ;
    11. [ fol. 52 ]

  11. Plaine sa lance l’abat del destrier sor .

  12. Bien le garissent deable de la mort,

  13. Car en char ne le toche .

  1. Quant Aymeris ot lo roi abatu,

  2. De Finamonde l’a sor l’elme feru,

  3. Trenchié li a lo mestre coing desus,

  4. Quant a l’auberc s’est li cox retenuzs ;

  5. Ja l’eüst mort s’il eüst sa vertu,

  6. Mès foibles fu del sanc qu’il ot perdus ;

  7. Et ne porquant si l’a il abatu

  8. A jenoillons que François l’ont veü .

  9. Sarrazin voient lor sire est cheüz,

  10. Poez savoir ne se celeront plus,

  11. Issent des tentes et del bruellet foillu,

  12. Et Narbonois sont de la porte issu .

  13. Communement se sont entr’ax ferus ;

  14. La veïssiez un estor maintenu,

  15. Tante anste fraindre et percier tant escu,