Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Por oïr sa parole .

  1. Desoz un pin descent li mesagiers .

  2. A un perron de cristal entaillié

  3. Fu Aymeris li bers ou il se siet,

  4. Environ lui si baron chevaliers ;

  5. En droit midi fu levez del mangier .

  6. Li Sarrazins a parlé tot premierss :

  7. «Aymeri sire,tu ne ses que je quiers ;

  8. «Li rois Corsolz m’a a toi envoiés :

  9. «Par vos .iicors bataille te requiert

  10. «Defors la porte,desoz les oliviers .

  11. «La vos porez prover et essaier

  12. «Si que verront Sarrazin et Paien

  13. «Et vostre jent del mur et del terrier .

  14. «Mès une chose ne vos quier a noiers :

  15. «Par Mahomet mon seignor droiturier

  16. «Li rois Corsolz est orgoillos et fiers

  17. «Et tel vassal n’i a meillor soz ciels ;

  18. «Se il te trove armé sor ton destrier
    19. [ fol. 45 ]

  19. «Tel te donra de l’espée d’acier,

  20. «Tot par mi l’elme ou l’escarbocle siet

  21. «Qu’en abatra des flors bien un quartier,

  22. «Et te fendra jusq’al neu del braier .»

  23. De Barzelone i ot un chevalier,

  24. Sodoiers fu Guillaume lo guerrier

  25. Qu’il ot avant a Nerbone envoié

  26. Les ostés prendre ou il dut herbergiers ;

  27. O lui mena .x .mile chevaliers .

  28. Quant il oï parler lo mesagier

  29. Et Aymeri son seignor menacier,

  30. Savoir poez que il en fu iriezs :

  31. Par maltalent est tost sailliz en pié,

  32. En sa main tint un baston de pomier,

  33. Lo Sarrazin en vuelt ferir el chief

  34. Quant .ivconte le corent enbraciers ;

  35. Et li paiens s’en est molt coreciez,

  36. L’espée tret plus qu’en mi la moitié,

  37. Qui li lessast,ja li copast lo chief,

  38. Quant Aymeris par lo braz lo retients :

  39. «Sarrazin frere,»dist Aymeris li fiers,

  40. «Il n’est pas sens mellée comenciers ;

  41. «A l’amiral vostre seignor poigniez,

  42. «Et si li dites que soit apareilliezs :

  43. «Il m’avra ja armé sor mon destrier .»

  44. Quant cil l’oï onques ne fu si liez,
    45. [ fol. 46 ]

  45. Vint au mulet et es arçons s’asiet,

  46. Par mi la porte s’en vint tost eslessiez .

  47. Il ira ja a l’amiral noncier

  48. Que Aymeris s’adobe .

  1. Quens Aymeris,li jentils et li bers,

  2. Ses garnemenz plus chiers a demandés ;

  3. Si chanbellenc li corent aporter .

  4. En son dos vest un blanc auberc safrés :

  5. En un tresor a Rome fu trovés ;

  6. Qui la fleror en sent el tens d’esté

  7. Ou en iver,quant il est eschaufez,

  8. De Paradis li poroit remenbrer .

  9. Puis lace l’elme Raguenel de Moncler,

  10. Un roi paien Ullague fu de mers :

  11. Set vint galies seult avuec lui mener

  12. Quant il aloit sor crestiens rober .

  13. Ceint Finamonde al senestre costés ;

  14. Au col li pendent un escu noielés :

  15. Pierres et pasmes i gietent grant clartés ;

  16. Il n’est oisel qui tant par ait biauté,

  17. Poisson ne beste qui n’i soit figurés ;
    18. [ fol. 47 ]

  18. II .aumatiz i ot d’arjent fondez,

  19. A blanc ivoire,a cristal seelés ;

  20. C .dionicles i pent d’or esmerés ;

  21. Voiz de seraine ne s’i poroit joster,

  22. Rote ne timbre,viele ne jugler

  23. N’i contrevaut lo pris d’un ail pelés ;

  24. Pent a son col danz Aymeris li bers ;

  25. Par les enarmes l’a un petit crolés :

  26. Les dionicles comencent a soner,

  27. Tote en tentist Nerbone la cités ;

  28. La hanste ot fort en l’espié noielé,

  29. A .vclox d’or lo confanon fermés ;

  30. Ferrant li ont en la place amené,

  31. A grant merveille richement conreés :

  32. Li arçon sont a cristal atorné,

  33. Les auves sont d’ivoire d’otremer,

  34. La coverture d’un brun paile roé,

  35. De ci en terre taillié et gironé .

  36. Li quens i monte,a estrier n’en sot gré,

  37. Toz ses barnajes lo comanda a Dés ;

  38. Dame Hermenjarz comença a plorer,

  39. Qu’ele forment se dote .

  1. Danz Aymeris s’en ist par mi la portes ;
    2. [ fol. 48 ]

  2. Clerc et chanoine et ces moine ploroient,

  3. A oroison a terre se cochoients ;

  4. Por lor seignor Damedé reclamoients ;

  5. Chases et croiz a ces iglises portent,

  6. Ces gros sainz sonent et ces petites clochess ;

  7. As murs en corent molt merveillos estoire

  8. De chevaliers,de borjois et de dones .

  9. Et Hermenjarz fu en la tor plus noble

  10. O ses puceles,ne sai .xvo .xiiii .

  11. Et Aymeris chevaucha a grant force,

  12. La bone enseigne desploiée et destorse .