Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Gautiers monta,a estrier n’en sot gré ;

  2. .X .chevalier se corent adober

  3. Qui avuec lui en voloient aler .

  4. Gautiers cria :«Seignor,ne vos movez ;

  5. «Par cele foi que je doi Deu porter,
    6. [ fol. 5 ]

  6. «Ja nuls de vos ne convient remuer ;

  7. «J’irai tot sol lo mesaje conter

  8. «Au seignor de Nerbone .»

  1. Gautiers en vet,congié a pris au roi,1

  2. Ses garnemenz a trossez entor soi,

  3. Bauçanz li anble docement sanz desroi,

  4. Passe les terres,les bois et les marois,

  5. Les eves rades qui corent par destrois .

  6. Tant chevaucha et au main et au soir,

  7. Nerbone vit ou Aymeris estoit

  8. Que tuit si home plorent .

  1. Quant li mesajes entra en la cité,

  2. De totes parz oï la jent plorer

  3. Et Aymeri lor seignor regreter :

  4. «Filz de baron,jentils quens naturels,

  5. «Tant nos avez tenuz en grant chierté :2

  6. «Or vos morez,ce est dels et pitez .

  7. «Hui est li jors que barnaje est remez

  8. «Ne il n’est hom qui l’en puist destorner .

  9. «Qui tels est or chevaliers adobez

  10. «Jusqu’a un an sera boviers clamez ;

  11. «A la charue le covendra aler,

  12. «Son destrier vendre et avoine achater .»

  13. A ces paroles en chiéent .x .pasmé

  14. Por Aymeri lo conte .
    [ fol. 6 ]

  1. Gautiers de Termes descendi au perron,

  2. Au sicamor,lez lo dois del lion ;

  3. A un branche pent son escu roont ;

  4. Les autres armes a mises environ,

  5. Et aresna Bauçant lo coreor .

  6. Si est venuz en la sale maior

  7. Ou se seoit Aymeris li contor

  8. Dedenz un lit,d’arjent sont li crepon

  9. Et de roje or sont li pomel d’entor,

  10. Et furent tuit d’ivoire li limon,

  11. Totes les cordes de vermeil soie sont :

  12. Coutes i ot ne sai o .iv .o .ii .

  13. Et traversiers et linciex et velox,

  14. Et orilliers et martrin covertor

  15. Point a oisiax,a bestes et a flors .

  16. Iluec se gist Aymeris li meillor

  17. Qui onques fu jusque en Inde maior .

  18. Cil chevalier lo plorent tot entor ;

  19. Dame Hermenjarz se pasme de dolor ;

  20. Sovant regrete Aymeri son seignor :

  21. «Hé !riche conte vaillant de grant onor,

  22. «Quant vos morez c’est domaje et dolor !

  23. «Haï barnaje !com fallez hui cest jor,

  24. «Chevalerie pert los et bruit et flor .

  25.  «Que ferai,dolerose ?»
    [ fol. 7 ]

  1. Gautiers de Termes est el palès entrez,

  2. Qui fu neveu dant Aymeri lo bers ;

  3. Bel ot lo cors,eschevi et molé,

  4. Gros par espaules,grele par lo baudré,

  5. Longues les jambes,et les piez bien tornez,

  6. Et vairs les euz,comme faucon mué .

  7. N’ot pas mantel,ançois fu defublez,

  8. Chauces de paile,n’i ot giens de soler,

  9. Camoisiez fu de ses armes porters :

  10. En nule terre n’ot plus bel bacheler .

  11. Dame Hermenjarz lo reconut assezs ;

  12. Si l’acena,que nel pot apeler,

  13. Tant ot lo piz et lo cuer enserré

  14. De son seignor replaindre et doloser .

  15. Il vint au lit ou quens Aymeris erts ;

  16. Si s’ajenoille por lo conte esgarder,

  17. Les euz li voit en la teste torner,

  18. Et la color treschangier et muers :

  19. Tote la char li revertist en blef .

  20. La destre main li manoia soef,

  21. N’i senti voine batre ne remuers ;

  22. Dont quide bien qu’il soit de vie alez .

  23. Tel duel l’en prist de son ami charnel

  24. Li cuers li ment,que ne pot endurer,

  25. Desor lo marbre estoit cheüz pasmez .
    26. [ fol. 8 ]

  26. Quant se redrece si est haut escrïez

  27. Et se clama chetif maleürés :

  28. «Hui muert li mieudre de la crestientés !»

  29. Dame Hermenjarz li prist a demanders :

  30. «Sire Gautiers,»dist ele,«dont venezs ?

  31. «Ou est li roiss ?gardez ne lo celez .

  32. — Par mon chief,dame,a Loon la cités ;

  33. «A ceste feste l’avomes coronés ;

  34. «Mès il mandoit dant Aymeri lo ber

  35. «Qu’en doce France li alast aïder

  36. «A tot .x .mil de chevaliers armez,

  37. «A hanstes roides,a confanons fermez .

  38. «Hues Chapez l’a malement menés :

  39. «Arse a sa terre et son païs gasté,

  40. «.XV .chastiax peçoiez et robez,

  41. «De ci as portes de Paris est alezs ;

  42. «Prise a la proie par devant la cité

  43. «Et mon palès de Termes deserté,

  44. «Ars et brisié et tot l’avoir porté,

  45. «Et mes .iifilz en sa prison jetez .
  • 1. A B s’en part, si prist c.
  • 2. omis dans A ; B Vous nous avez ci nourris en c.