Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. — Sire Gautiers,po vos estes hastezs :

  2. «N’ira ja mès danz Aymeris li ber,

  3. «Car il se muert,près est del devïers ;

  4. «Il ne parla .ivjors a passé .»

  5. Gautiers l’oï,si comence a plorers ;

  6. Dame Hermenjarz lo prist a regreters :
    7. [ fol. 9 ]

  7. «Aymeri sire,dels est que vos morezs !

  8. «Bien deüssiez encor a nos parler

  9. «Et une fois de vos euz regarder

  10. «Et lo barnaje de ceenz conforters :

  11. «A toz jors mès nos en fust plus soef .

  12. «Mort car me prenne m’i lesse durer .

  13. «Dès que je pert lo conte naturel,

  14. «Si decline barnajes !»

  1. Gautiers se pasmes ;dame Hermenjarz s’escrie,

  2. Ront ses chevex et sa robe descire,

  3. Si se clama dolerose,chetives :

  4. «Aymeri sire,franc chevalier nobile,

  5. «Vos vos morez,dont c’est dolor et ires ;

  6. «Hui est li jors que barnaje declines :

  7. «Si pert son los flor de chevalerie,

  8. «Ja mès par conte n’estra si essaucies !»

  9. Desus Gautier chiet pasmée sovine .

  10. C .chevalier par lo palès saillirent

  11. Qui a lor bras la lievent et sotindrent .

  12. Li dels del conte et de la dame riche

  13. I fist plorer maint fil de palazine

  14. En la sale a Nerbone .
    [ fol. 10 ]

  1. Granz fu li dels en la bone cité

  2. Tot por lo conte dant Aymeri lo ber .

  3. Hermenjart tienent,ne la porent tenser

  4. De son seignor et plaindre et regreter .

  5. Gautiers de Termes la prist a conforters :

  6. «Dame,»dist il,«molt grant tort en avezs ;

  7. «Encor garra li contes naturels,

  8. «Car de grant mal revient on en santé .»

  9. Ele responts :«Pour neant en parlez .

  10. «Li quens se muert,jel sai de verités :

  11. «Car nos laira dolenz et esgarez .

  12. «Biau fil Guibert,que vos ce ne savez,

  13. «Qui estïez sor Sarrazins alez

  14. «Au port d’Ossau sor Judas l’amirés !

  15. «Ne verrez mès dant Aymeri lo ber,

  16. «Ne ne porrez a sa boche parler

  17. «Qui vos soloit les bons conselz doner .»

  18. En la sale ot un sarrazin Esclers :

  19. Espiez fu Corsuble l’amirés ;

  20. Dedenz Nerbone ot un mois conversé

  21. Por lo païs veoir et esgarder .

  22. Quant vit lo conte de la mort apressé,

  23. Et Guibelins ert en Espaigne alez
    24. [ fol. 11 ]

  24. Et que li rois est en France mellez,

  25. Honir le vuelent li baron del regné,

  26. Il ne vost plus targier ne demorers :

  27. Tot belement issi de la cité .

  28. Hés !Dex,quel duel li barnajes nel sets !

  29. Si le feïssent ocire et desmenbrer .

  30. Cil le confonde qui en croiz fu penezs !

  31. Il le dira Corsuble l’amiré

  32. Qui lor metra lo sieje en la cité

  33. Dont li païs sera ars et gastez

  34. Et li mur fret et li pan esfondré

  35. Et la tor peçoiée .

  1. Quens Aymeris estoit chargiez de mal .

  2. Si plot a Deu que il li alaschasts ;

  3. D’entor lo cuer la dolor li tresva,

  4. Ovri les euz li quens,si esgarda

  5. Et vit plorer mil chevaliers loialss ;

  6. Devant lui fu as piez dame Hermenjarz,

  7. Toz ses chevex ronpi et descira

  8. Et Aymeri son seignor regretas :

  9. «Haïs !baron,jentils quens naturals,

  10. «Quant vos morez c’est domajes et mals ;

  11. «Se nostre Sire lo feïst parigal
    12. [ fol. 12 ]

  12. «Que li miens cors quant et vos deviast,

  13. «Dedenz mon cuer tele joie n’entra .

  14. «Mort car me pren,je lo vodroie ja

  15. «Que la moie ame o la soie en alast

  16. «En Paradis tot droit a une parts !

  17. «Seignor,»dist ele,«ne vos merveilliez pas

  18. «Se j’ai grant duel del conte naturals :

  19. «Ja mès contesse tel chevalier n’avra .

  20. «Lasse,or remanrai veves !»

  1. Quant Aymeris ot sa feme parler

  2. Et entor lui ses chevaliers plorer,

  3. Ovri les euz,ses a reconfortezs :

  4. «Seignor,»dist il,«merci por amor Dés ;

  5. «Je ai tel mal ne me puis remuer .»

  6. Dame Hermenjarz ot son seignor parler,

  7. Ne fust si liée por .xiiiicitez,

  8. Qui li donast tot l’or de Barlesguezs :

  9. Les mains li bese et la boche et lo nés

  10. Et lo viaire et les euz qu’ot troblezs :

  11. «Sire,por Deu,»dist ele,«respasez,

  12.  «Et si ne morez mie .
    [ fol. 13 ]

  1. — Seignor baron,»dist Aymeris li frans,

  2. Li riches quens,li hardiz,li vaillanz,

  3. «Je ai tel mal onques mès n’oi si grant

  4. «Ne ne me puis remuer tant ne quant .»

  5. Gautiers de Termes,et li preuzGuinemenz