Doon de la Roche

Geste

Doon de la Roche: Numérisation de l'édition de P.Meyer et G. Huet de 1921 sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Paul Meyer , Gédéon Huet , Doon de la Roche: Chanson de geste E. Champion Paris 1921 Société des anciens textes français (65) Paris


  1. Atant es vous son mai[s]tre contremont en la sale .

  2. — «Ou est li preuz Landris a l’aduré corage »

  3. — «La aval el vergie[r] parole a .j .mesage »

  4. Quant li baron l’entendent,les degrés en avalent,

  5. Truevent le fil au duc descoloré et pale ;

  6. Premerains l’en apelle dans Guinemans ses mai[s]tres :

  7. «Damoiseaus,fils au duc,quex est vostre corage »

  8. — «Mai[s]tre,ce dist Landris,«bien doi avoir la rage

  9. «Quant li roi[s] Alexandre[s] me [desfie et me] bla[s]me :

  10. «Un chevalier me mande cui me laissa en garde,

  11. «De son tresor plus riche m’emplist il bien mes males .

  12. «Conseilliez moi,beaus maistre[s],que je ne sai que face »
    13. [ fol. 160 ]

  13. Et respont Guinemans :«Tu as mauvais corage !

  14. «Conquis as tes onors et mort le fel lignage,

  15. «Qui te firent chetif en la tere sauvage ;

  16. «Et voz pere li dus est molt [de] grant eage,

  17. «Bien mainta[n]ra la tere et ta mere la sage ;

  18. «Et tu vas ou païs ou tu [as] pris tes armes,

  19. «Tant te donra li roi[s],jamais ne seras povres,

  20. «Puis prenez la pucelle par leal mariage,

  21. — Mai[s]tres »ce dit Landris,«gentil conseil me bailles,

  22. «Se ainsi ne le fais,ce ert molt grant folage »

  23. ..........................

  24. Ma[i]s ..celle enseingne,après revint .j .autre,

  25. 1 Qui dut torner en France a perde et a domage .

  26. Les rues de la ville vint poi[g]nant .j .messages

  27. Et fut navrez forment dessus la maistre espale,

  28. Sanglant en ot le pan de son bliau[t] de paile .

  29. A haute vois escrie,oiant tout le barnage :

  30. «Ou estes vous,Landris,filz au duc ?Trop te targes !

  31. «L’empereres de France est pris a .j .chace,

  32. «O lui .c .chevaliers du miex de son barnage ;

  33. «Chascun[s] tenoit un cor,n’i avoit plus des armes ;

  34. «Hé !bers,se nes secours,po pris ton vaselage ;

  35. «Se il passe[nt] Le Rin,ce ert molt grant domage,

  36. «Ja por la ra[a]nçon mar i queront ostage »

  37. Quant l’entendi li enfes,dont ne sait que il face ;

  38. Parmi son hardement acoilli son corage,

  39. A haute vois escrie :«Car m’aportez mes armes »
[ fol. 161 ]

  1. Baron,desous le pin la ou Landris s’adobe,

  2. Entor lui s’aresterent li baron de Coloi[g]ne,

  3. Et Asse de Maiance et lor maisnie tote

  4. Et Guinemans ses maistre[s] tint l’enseigne de porpre ;

  5. Molt fu granz li barnage[s] quant li mai[s]tre[s] cor[s] sone,

  6. Parmi la mai[s]tre rue s’en issent a grant corre .

  7. La dehors a la barre furent esmé lor home :

  8. .iiijm .haubert,molt fu gente la rote .

  9. Or cheva[u]che[nt] ensemble le bruel desus Coloigne .

  10. Landris plore et demente et regrete son oncle :

  11. 2 Haï !Pepin[s] de France,gens roi[s],belle persone,

  12. «Se paien vous enmoine[nt],com ira France a honte »

  13. Et li Sesne chevauchent,que Damediex confonde,

  14. L’empereor en meinent,Pepin de France dolce,

  15. .iiijxx .chevaliers et sa maisnie toute .

  16. Molt forment les destreint Brohimax de Sesoine :

  17. «Par Mahomet,dans roi[s],molt est vo vie corte .

  18. «Mar veïstes la mort Carsadoine mon oncle,

  19. «Demain serez jugiez en la cit de Tresmoigne,

  20. «Cil de France en seront ..........

  21. «Tu rendras ............»

  22. Quant l’entent l’empereres,de duel et d’ire [plore],

  23. Des lïens de ses poins a fait [rompre les cordes],

  24. Et vient a .j .paien,merveillous cop li done,
    25. [ fol. 162 ]

  25. Que dou mai[s]tre os del col li froissa la m[e]olle,

  26. Tres davant le seignour ..............

  27. Dolans en fut ou cuer ...............

  28. Il traient les espées,si corrent le [confondre]

  29. Que ja l’eüssent mort,neant fu[s]t del re[s]corre,

  30. Quant Landris lor sordit par miliu d’une combe .

  31. A .xxm .chevaliers lor enseigne lor mostrent ;

  32. Landris si[s]t ou cheval a la levée crope,

  33. Va ferir Brohemax en l’escu de Sasoinne,

  34. Qui du haubert li tranche bien .iiijm .doble[s],

  35. Le foie et le pormont et l’eschine li cope :

  36. 3 Fils a putain,paiens,vos me rendrez mon oncle !

  37. «Cuvers !mar le baillastes ;vos le lairez a honte »

  1. Grant paor ont li Sesne quant il le ot ocis ;

  2. Il coururent en fuie,si o[n]t le champ guerpi

  3. Et laissierent tout soul l’emperere Pepin

  4. Et les frans chevaliers qui France ont a baillir ;

  5. Li .j .deslie l’autre des chevaliers gentis

  6. Et jurent Damedieu [et] le cors saint Denis

  7. Mar fut si grans orguels porpansés ne bastis ;

  8. Ja le comparont Saisne s’il i pu[e]ent venir .

  9. Pepin[s] regarde avant,voit Brohemax gesir,

  10. Par delez la mamelle ot trespercié le pis,

  11. L’heaume li deslaça,l’haubert li desvestit ;

  12. L’emperer[e]s si vait sus .j .cheval saillir,
    13. [ fol. 163 ]

  13. Pent l’escu a son col,le roit espié saisi[s]t,

  14. En la rote se met o son nevou Landri .

  15. Qui lors veïst paiens trabuch[i]er et morir

  16. Et ces barons de France les guarnemens vestir

  17. Et ces chevax isniax sur les seles saillir,

  18. De molt grant vasselage li peüst sovenir .

  19. En la rote se metent as compaignons Landri ;

  20. Ainc paien n’encontrerent plus orguilox voisins,

  21. Et escrïent «Monjoie !mar passa[s]tes le Rin »

  22. Il n’en estort .j .seul[s],s’il ne s’en puet foïr,

  23. En crote ou en citerne ou en bove garir .

  24. Qui le jour vout eschac,bien en ot a loisir :
  • 1. (f. 82)
  • 2. (v°)
  • 3. (f. 83)