Doon de la Roche

Geste

Doon de la Roche: Numérisation de l'édition de P.Meyer et G. Huet de 1921 sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Paul Meyer , Gédéon Huet , Doon de la Roche: Chanson de geste E. Champion Paris 1921 Société des anciens textes français (65) Paris


  1. De douce France i vint Pepin[s] l[i] empereres,

  2. Molt fu beaus li barnage[s] que François amenerent .

  3. Li roi[s] ala orer a[u] grant mostier saint Pere,

  4. Puis est venus as noces ou la joie est menée ;

  5. Dame Olive se drece,si va baisier son frere,

  6. Em plorant se bais[ier]ent la dame et l’empereres .

  7. Contre le roi Pepin est maint[e] gent levée ;

  8. De son nevou Landri novelle a demandée :

  9. «Dame,quex est voz fils a la ch[i]ere membrée,

  10. «Par cui tu as ta terre et t’enor recouvrée ?

  11. — Veez le la,beaus sire »ce respondi sa mere,

  12. «Cil valès qui la tient celle verge pelée .

  13. — Beaus niés »ce dist Pepin[s] «bien vos porta voz mere,

  14. 1 Quant vos l’avez vengie de la gent desfaée ;

  15. «Hui vous sera Bretaigne ottroïe et donée,

  16. «Anjou et Normandie jusqu’a la mer salée,

  17. «Et la senechauciée de France oan donée ;

  18. «De fié vos serviront .xxm .home a espée .

  19. — Sire »ce dist Landri,«ci a gente soudée

  20. «Et cortoise promesse et ch[i]er don d’emperere .

  21. «Ja Damedieu ne place que puis que cein espée
    22. [ fol. 153 ]

  22. Que je tiengne de vous une sole denrée .

  23. «Par le present Tomile faillistes vos ma mere,

  24. «Moi fut bien vostre porte [et] vostre aide veé[e] .

  25. Quant l’entendi Pepin[s],s’a la coulor muée .

  26. «Garçon[s],ce dist Pepins,«laisse ester ta posnée ;

  27. «Encor n’eüsse[s] tu onques [d’]avoir denrée ;

  28. «Mais je conquis Sasoingne au tranchant de m’espée

  29. «Et ocis Carsadoine et Justamont son frere,

  30. «Dont chascun an me vient li avoirs a charée,

  31. «Dont France est maintenue et ma court honorée

  32. «Et la loi crestïene essaucie et montée .

  33. — Sire,ce dist Landris,«trop par estes vanteres ;

  34. «Plus avrai je de vous,se longues ai durée .

  1. Entre li niés et l’oncles sunt au palais par ire ;

  2. Landris l’en apella qui molt le contralie :

  3. «Certes,orguillous roi[s],ce fut molt grant folie

  4. «Et tort et pechiéz grans quant vo seror faillistes

  5. «Et vo nevou petit por l’avoir le traït[r]e ;

  6. «Encor avrez .j .jour gent soffret[e] d’aïe ;

  7. 2 Se je vouloie France,el me seroit g[u]erpie,

  8. «Ja vous ne voz moillier n’i avroiz seignorie .

  9. «En non Dieu,petis roi[s],je n’en prendroie mie,

  10. «Ains servirai le roi cui j’ai ma foi plevie,

  11. «Si me donra s’enor,se Dieu plest,et sa fille,

  12. «Et je penrai par force tous les po[r]z de Hongrie,

  13. «Certe[s],n’a millour tere tant com li monz tornie ;
    14. [ fol. 154 ]

  14. Au fel roi mescreant trairai du cors la vie ;

  15. «Mi enfant avront France par droit[e] ansesserie ;

  16. «En non Dieu,mauvais roi[s],ne la vous lairai mie .

  17. Quant l’entent l’empereres,a po n’enraige d’ire,

  18. Volentier[s] le feri[s]t de sa paume sovine,

  19. Quant Asse et Guinemans et si home s’escrïent :

  20. «Sire Pepin[s] de France,laiss[i]ez vostre folie,

  21. «N’a si bon roi en France n’i perdi[s]t ja la vie .

  22. Et dïent li marchis :«Ralons nous en,bea[us] sire,

  23. «Ce fut torz et pechiés quant vo nevou failli[s]tes .

  24. — Hé !Dex »ce dist Pepin[s],«com mal[e] departie »

  25. A tant ont demandé les mules de Sulie ;

  26. Or s’en revont en France,s’ont lor voie acoillie ;

  27. Or n’a talent Pepin[s] que joue ne que rie .

  1. Or s’en revient en France Pepin[s] en sa contrée ;

  2. Li dus et sis bernaige[s] a Coloigne remestrent ;

  3. L’enfes Landris en a sa compagne sevrée,

  4. Ces de Constantinoble,la gent a l’emperere ;

  5. Venus est a La Roche,nuls ne set sa pensée,

  6. Lïement le recevent la gent de sa contrée,

  7. 3 Encor n’avoit li bers sa venjence finé[e] .

  8. Au matin par som l’aube furent sa gent armée

  9. Et vont a Hautefeulle a grant esperonnée ;

  10. Davant la mai[s]tre porte ont la proie praée .

  11. Leans s’adoba Griffe a la barbe me[s]lée,

  12. A .iiijxx .serjans s’en ist lanse levée ;

  13. La maisnie Landri ont la sue encontrée,

  14. Ainsois la vont ferir que l’aient deffïée .
    15. [ fol. 155 ]

  15. La ot tante hante frainte,tant[e] targe froée,

  16. De sanc et de cervelle ont la terre puplée .

  17. Landris si[e]t ou cheval qu’ot la crope levée,

  18. Que li dona s’amie le jour qu’il cint espée ;

  19. Fiert Griffon d’Autefeulle sus la targe li[s]tée,

  20. Desour la bocle d’or li a frainte et cassée

  21. Et du haubert trellis .iijc .mailles copées,

  22. Qu’il li trancha le pis,le foie et l’eschinée ;

  23. Tant com hante li dure,l’abat mort en la prée .

  24. Sur la gent d’Autefuelle est la perde tornée,

  25. La gent furent atainte,conseüe et passée,

  26. Maint et communement [ens] en le vile entrerent,

  27. De l’or et de l’argent a planté i trouverent,

  28. Froit vin et bon froment et bone char salée .

  29. Landris en a .xx .barges chargies et comblées ;

  30. En la cit de Coloigne les envoie a son pere ;

  31. .C .chevaliers i laisse qui la ville garderent ;

  32. Va s’en li filz au duc en la soie contrée .

  1. Ou chastel de La Roche est repairiez Landris ;

  2. 4 Il a conquis sa tere et mors ses ennemis ;

  3. Or se cuide li enfes reposer et dormir,

  4. En bois et en rivier[e] sa joie maintenir,

  5. Et son pere et sa mere honorer et servir ;

  6. Mais sa grant poine sort et commence a venir .

  7. Li bons rois Alixandre s’est levez par matin,
  • 1. (f. 78)
  • 2. (v°)
  • 3. (f. 79)
  • 4. (v°)