Doon de la Roche

Geste

Doon de la Roche: Numérisation de l'édition de P.Meyer et G. Huet de 1921 sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Paul Meyer , Gédéon Huet , Doon de la Roche: Chanson de geste E. Champion Paris 1921 Société des anciens textes français (65) Paris


  1. Et il [le] amenerent sous le pin a[l] perron,

  2. La hart lïée au col come .j .autre laron ;

  3. Quant le voit la duchesse,si l’a mis a raison :

  4. «Si m’aïst Diex,[Tomiles],vous semblez bien felon :

  5. «Vous me mellastes primes al riche [duc] Doon,

  6. «Et davant l’emperere qui Pepin a a non

  7. «Moi chaçastes du reigne pour vo fil[l]e Audegour .

  8. 1 Assez sait Damediex se je ai droit ou non ;

  9. «Selon vostre servise atendez guerredon .

  10. — Dame »ce di[s]t Landris,«baissiez vostre raison,

  11. «Si parlera[i] Tomile et pour moi et pour vos .

  12. — Vassaus,ce dist li enfes,«di ta confession ;

  13. «Or aproche li termes qu’or endroit te pendron .

  14. — Sire,ce dist Tomiles,«pourquoi le celeron ?

  15. «Quant je voi mon juïse,je n’i avra[i] pardon .

  16. «Selonc [la] dame Olive coucha[i] je .j .garçon,

  17. «De loier lui dona[i] mon hermin peliçon,

  18. «Dont il perdit la teste et la dame s’anor .
    19. [ fol. 149 ]

  19. La mort Landri jura[i] a .xv .compaignons,

  20. «De ces de mon lignage,de toz les plus felons ;

  21. «Tost le mis hors de France par ma grant traïson .

  22. «Or renoi Damedieu,le bapteme et les fons,

  23. «A lui ne a sa mere n’atent nul guerredon .

  24. — Baron »ce dist Landris,«cist moz doit estre a som ;

  25. «Ce est molt grans pechié[s] quant nous ci l’escouton »

  26. A la coue d’une ieve li lïent le chaon,

  27. Par rues le traïne[nt] [et] aval et amont ;

  28. Li pautas est espès et li borbois parfons,

  29. Del massacre li gietent corrées et pormont

  30. Et pierres [et] çavates et chaillois et bastons,

  31. Et li .j .li compisse le vis et le me[n]ton .

  32. «Baron,dist la duchesse,«as forches en iron »

  33. 2 La duchesse meïsme monta sus l’eschaillon,

  34. Ou col li mi[s]t le ce[r]cle et puis le chaienon,

  35. De sa honte lui membre et de sa mesprison .

  36. Par [de]desour la goule li feri le cranpon ;

  37. Quant la polie torne,li fel va contremont .

  38. Puis firent .j .feu faire de mairiens et de trons ;

  39. La porterent le cors,si l’ardent en charbons .

  40. [Et] la dehors la chartre amoinent Audegour,

  41. Tote la despoill[er]ent,voiant les iex Doon,

  42. Puis la portent au feu,lez son pere felon .

  1. Tomiles fu pendus et sa fille estorchie

  2. Et la chars en fut ars[e] et tote graïllie
    3. [ fol. 150 ]

  3. Et la poudre ventée [en] aval la bruïre ;

  4. Sachiés ceste justice fut merveillouse et fiere .

  5. Malingre en menerent estroit les mains lïées,

  6. Si li tranchent les piés et les jarès derier[e]s ;

  7. Pour la pitié de lui em plore sa mesnie

  8. Et ses pere meïsmes i soffrit grant haschiere,

  9. Quant voit son fil sanglant detranchier [et ocire] ;

  10. Des larme[s] de son cuer a la face moillie .

  11. .X .abé,.x .evesque au[s] piés Doon chaïrent,

  12. Et Olive de France i fut assez proïe :

  13. «Pour Dié,merci,beaus sire,assez a grant haschie ;

  14. «Par lui n’iert jamais arme portée ne baillie .

  15. Li moinne l’en proi[e]rent du cloistre [de] Saint Piere ;

  16. Quant il [l’]orent gari,les blans dras li bailli[e]rent,

  17. Mains ainc n’ama les dras,car toz tems fut [traïtre] ;

  18. Onque[s] bien ne vot faire,mais fu mals aüseres .

  19. 3 Et li dus s’en revat droit a Coloigne arrieres,

  20. Si li vieent les portes [icil] qui les detiennent,

  21. Et li dus les assi[s]t et davant et darieres .

  22. Le jour jura li dus et sa compaigne fiere,

  23. Se il prent la cité,la gent ert essillie .

  24. Le feu griois [forment] as rues descoch[i]erent,

  25. Deci au mai[s]tre borc sont arces,peçoïes .

  26. Li borjois citeen forment s’en esmai[e]rent,

  27. Car [a] Pepin de France ont la vile ottroïe,

  28. Chascun an l’en envoient .xxx .mules chargies

  29. De bon[s] dras d’Aumarie et [d’]escu[s] d’Angarie ;
    30. [ fol. 151 ]

  30. Et dient li .j .l’autre :«Nos terres sont jugie[s],

  31. «Se Do nos prent a force et nos vies trenchies .

  32. «Car li rendon les clés de ceste [tour] plainiere,

  33. «Du borc et du marchié et du mostier saint Piere ;

  34. «Se Pepin[s] se coroce,dehaiz ait cui en ...»

  35. A lor riche archevesque ont lor raison chargie .

  36. Plus de .c .ordené au tref demeine vienent,

  37. Bene[ï]çon [et pais] par Dieu li ottroi[er]ent :

  38. «Sire Do de la Roche,or est bon que tu viegnes ;

  39. «Li bourjois citaen de merci vos requierent,

  40. «Si vos rendront les clés de ceste tour plainier[e],

  41. «Toute vous ert la ville et laissie et guerpie,

  42. «Mais que vostre ire soit pardonnée et remise »

  43. Quant l’entent la duchesse,forment en devint lie,

  44. Dolent[e] est de la tere quant la voit essilie .

  45. 4 Maint et communement [ens] en la ville entrerent ;

  46. Le jor i ot de cloches mainte corde tirée

  47. Et si fut dame Olive confermée et baigniée ;

  48. Li dus la respousa droit au moustier saint P[i]ere .

  49. Ens ou palais [i] furent ces noces commencies,

  50. Bones et merveilloses,ainc hons ne vit si riches .

  51. .xm .chevalier i sirent et mangi[e]rent ;

  52. Ainc n’i ot jugleor n’i [ot] robe novelle .
    53. [ fol. 152 ]

  1. A l’entrée de mai,a une feste clere,

  2. Do li dus de La Roche a sa moillier respousée

  3. Et fait bones ses noces,ainc nulz hons ne vit teles .

  4. Viennent [i] li baron de lointainnes contrées ;

  5. Et Aubris li avesque[s] a la dame menée,

  6. Aidie et maintenue et forment honorée .
  • 1. (f. 76)
  • 2. (v°)
  • 3. (f. 77)
  • 4. (v°)