Floovant

Geste

Floovant: Numérisation de l'édition de Guessard de 1858 Anonyme , éd. par François Guessard , Henri Michelant , sous la direction de Jean-Baptiste Camps édition numérique Lucence Ing , Floovant: Chanson de geste , éd. par Henri Michelant , François Guessard , P. Jannet Paris 1858 F. Vieweg Paris 1859

  1. Une crote sor terre,que firent aversier ;
  2. Boz i a et calovres,tortues et sarpanz :
  3. Richiers a pris le cors,si le trabuchai anz .
  4. Or çovene de l''arme Mahon et Tavergam,
  5. Que li cors est venuz à mauvais jugemant .
  1. RICHIERS est devaulez toz les degrez mabris ;
    2. [ fol. 0383 ]
  2. Venuz est à la chartre lai où Floovam git .
  3. Floovans se regarde,si vit Richier venir ;
  4. Plus ot noire la char que poiz qui est bolie .
  5. Quant le voit Floovans,tot li cors li fremie,
  6. Reclamai Damedeu qui an la croiz fut mis :
  7. «Ci voi .I .Sarazins si laidemant venir ;
  8. «Se cil me bat atant comme li autres fit,
  9. «Jemais n''aurai mestier jor que je soie vis .»
  10. Il gardai devant lui,vit .I .carel jesir ;
  11. A .II .mains le leva,s''en vout Richier ferir,
  12. Quant il li escriai :«Que vez faire,chaitis ?
  13. «Estai !je suis Richiers,tes bons charnés amis,
  14. «Qui t''est venuz secore antre les Sarazins .»
  15. Quant l''antant Floovans,mult granz joie l''an prist ;
  16. De la joie qu''il ot fut trestoz esbaudiz .
  17. «Richiers,dit Floovans,qui t''ai donc si nerci ?
  18. -Sire,dit ai Richiers,grant conroi an ai pris ;
  19. «J''ai dit à l''amiraul que je suis ses cosins .
  1. -RICHIER,dit Floovans,gantiz hons,que ferai ?
  2. «Il est hui li tiers jours ne buis ne ne mengai ;
  3. «Miauz ameroie .I .pain que Orliens ne Canbrai .
  4. «Sarazins si me batent,je ne puis sofrir mais ;
  5. «A morir me covient por mesaise que trai .
  6. «Ancor me poise plus de m''espée que n''ai ;
  7. «Au Chatel Avenant la perdi,bien le sai .
  8. «Tu la me donas,belle file le roi d''Ausai ;
  9. «Las !por coi l''ai perdue ?folemant la gardai .
  10. -Sire,ce dit Richiers,joste mon cousté l''ai,
  11. «S''an ai mort le cuvert qui tant vos façoit lait .»
  12. Quant Floovans l''antant,si grant joie n''ot mais ;
  13. Toz li cors li revint des maus qu''il avoit traiz .
  1. «SIRE,ce dit Richiers,il m''an covient auler ;
    2. [ fol. 0384 ]
  2. «Se paiens m''esparçoivent,bien nos poront griver .
  3. «Saichïez s''i me voient ici à vos parler,
  4. «Nos pordriens la teste sans point de demorer .
  5. -Aulez,biaus douz amis,gardez ne m''obliez ;
  6. «Au plus tot que poroiz vïande m''aportez :
  7. «Mes cors mou s''esfloibie de çou qu''ai géuné .
  8. -Sire,ce dit Richiers,aparmain an aurez,
  9. «Se Dex me gar de maul de la gant que tant hé .»
  10. Atant de lu se part,n''i ai plus demoré .
  1. RICHIERS it de la chartre,les degrez montai sus .
  2. Devant lui se regarde,ne fut pas esparduz,
  3. Vit .I .escrin de fer qui au chartrenier fut ;
  4. A son pié lou peçoie li ons de grant vertuz,
  5. Et de pain et de char i trova :bel li fut ;
  6. Son seignour en donai,qui le mestier en fut :
  7. Dès or ot il grant joie,se il dou vin éut .
  8. Pluis refermai la chartre qu''i ne fut percéuz ;
  9. Ses panz de son samit ai trestot deronpuz,
  10. Puis an vint ou palais lai où l''amiraus fut ;
  11. Ja li ferai acroire que on l''ai bien batu .
  12. Où qu''il vit l''amirauz,es piez li est chéuz .
  13. L''amiraus li demande :«Com vos est avenuz ?
  14. -Sire,ce dit Richiers,morz suis et confunduz .
  15. «Amiraus,escoutez,Maonmez vos aiut,
  16. «Car le François aviés à .I .cuvert randu :
  17. «O tot lui s''an saoit pormi cel arc voltui ;
  18. «Por ce que je li dis qu''i saroit jai batuz,
  19. «Et il me trestournerent à tinés et à fuz .
  20. «Se ne fut Taverganz,morz fuse et confunduz ;
  21. «La merci Mahonmet,bien m''an est avenuz .
  22. «Le chartrenier ai mort et le Franc retenu ;
  23. «Enz ou fons de la chartre l''ai trabuchié lai jus .
  24. «Je l''éuse tué,quan de vos m''esparçuz ;
    25. [ fol. 0385 ]
  25. «Plus maul ne li féisse jusque à vos fut séuz .»
  26. Quant l''amiraus l''antant,toz an fut esparduz ;
  27. Maon en hoera et la sue vertuz
  28. Lou matin,par son l''aube,iert li François panduz :
  29. «Séez vos ci,cousins,mes amis et mes druz .»
  1. -SIRE,ce dit Richiers,icis ici est nez de France ;
  2. «Quant vos cestu avez,li avanture est grande .
  3. «Il fut fiz Escorfan,à .I .duc de Bretaigne ;
  4. «Ses peres pout mander .XXm .homes as lances .
  5. «Vos ne l''ocirez mie,se vos plait esparmace1 ,
  6. «Ainz l''anmanrois an France par vos fiere poisance .
  7. «Ovec vos anmanroiz .Cm .homes as lances,
  8. «Puis irons à Paris san nule demorance ;
  9. «Lai pandroiz le François,plus n''i aura atante .
  10. -Cosins,dit l''amiraus,mout as bone créance .
  11. «Au premier chief devant conquaurons nos Bretene,
  12. «Les rivaiges de mer de ci an Aulemene .
  13. «Cosins,dit l''amiraus,puis vos donrai ge France,
  14. «Maugalée,ma file,à la bale sanblance ;
  15. «Se Mahonmoz consant por sa fiere poisance,
  16. «Vos an ferez vos noces à Loon,à la chanbre .
  17. -Sire,ce dit Richiers,ceste avanture est grande ;
  18. «lcest dont pandra je,si vos plait esparmace2 .»
  19. Puis dit antre ses danz,que paiens ne l''antandent :
  20. «Isi t''aït hui Dex,li rois omnipotantes,
  21. «Com tu ja seras rois nul jor de douce France .
  22. «Ta file Maugalie,à la douce sanblance,
  23. «Tel monte vos ferai,por le mien esciantre,
  24. «Don vos morez trestut à m''espée qui taile .»
  • 1.
    Esparniace, sans doute pour espar
    niance (d'épargner); mais la leçon est douteuse : on
    liroit volontiers esparmace, ici et plus bas, p. 4345 , v.
    23.
  • 2.