Capitains Nemo

Et li randi sa terre et trestot son anpire .
A Deu se commanderent,quant il se departirent depatirent,
Et Richiers s''an tornai,li chevaliers nobiles .

RICHIERS s''an est tornez,sa voie ai acolie ;
Pause vauz et montenes,mentes landes ramies,
Entreci que à Baume ne cesse ne ne fine .
Il chosit des paiens les granz habergeries ;

[ fol. 0380 ]

Chacuns en lor latins et braient et glatisent .
Et quant les vit Richiers,à pou n''araige d''ire ;
Damedeu reclamai,le fiz sainte Mairie :
«Glorious sire peres,qui de virge naquites,
«Ici voi Sarazins qui ne vos aiment mie,
«Maudaranz et Maudoire,cui Damedex maudie,
«Qui mon seignour traïrent par mout grant felenie ;
«Dé,consantez,biau sire,que voingance an soit prise .»
A pié est desçanduz par desor .I .olive .
Une fontene en ist qui est clere et serie ;
Lai a une herbe prise que li donai .I .mires,
Si en a oint son cors,son vis et sa poitrine :
Plus ot noire la char que poiz qui est bolie .
Or porai bien auler antre gant paanie
Et parler ce langaige dont bien sait la maitrie ;
Maudaranz ne Maudoire ne lo quenoitront mie .
Pase trex et aucubes,que sa rene ne tire,
Et trovai l''amiraul ;o lui de son anpire
Il ot en sa conpaigne rois paiens plux de .XV :
Maudaranz et Maudoires de nés d''or¹ le servirent ;
Le vin li aportirent,por richoce le firent .
Richiers les saluai à la loi paanie :
«Maons et Taverganz et Apoli li riches
«Saut et gart l''amiraus,lu et sa compaignie !»
L''amiraus li respont :«Maon te benéie benéi !
«Qui es tu,biaus amis ?ne me le celer mie .
-Sire,ce dit Richiers,se Mahons me garise,
«Je suis fiz Josué,.I .roi de Tabarie .
«Sus mer me deportoie por ma chivalerie ;
«Marchaanz me paserent,an lor né m''acuilirent,
«Menerent moi por vandre droit au port de Surie :
«Lai m''achetai .I .rois de France la garnie .
«Crestïens me vout faire et pandre bastitire ;
«Tant amai Mahonmot que ne pout sofrir mie,

[ fol. 0381 ]

«Ainz me laisase toz detrenchier et ocire .
«Et quant ce vit li rois que ne croiroie mie
«An lor loi crestiene qu''il oorent et prient,
«Adonc me fit geter en sa chartre perrine .
«Maont reclamai tant qu''i m''an mit à delivre .
«Or m''en revoel auler ou réaume de Grice ;
«Mas j''a oï parler de vo chivaleries :
«Se vos aulez an France,je manrai vostre anpire .»
Et respondent paiens :«Bien ai sa raison dite .
-Voire,dit l''amiraus,fiz est de ma cusine,
«Maugalie la gante,fame le roi de Grece ;
«Qui ne le servirai,de m''amours n''aurai mie .»
Atant li sont coruz et li povre et li riches ;
Jai l''éusint baisié quant Richiers lor escrie :
«Seignour,franz Sarazins,ne me baisiez vos mie ;
«Mahom et Tavergan an ai ma foi plevie
«Que ne baiserai home,ne parant,ne cosine,
«Ainz aurai morz François de m''espée forbie .
-Cosins,dit l''amiraus,onques mais tel n''oïtes ;
«J''en ai .I .an prison em ma chartre parine .
«Demain lou devons faire detreinchier et ocire ;
«Tu i fauras premiers,si ert ta foi plevie .
-Sire,ce dit Richiers,por Mahom,le me livre ;
«Se je l''ai antre poinz,il tandrai maule vie .»

ET respont l''amiraus :«Com as tu t non,cosins ?
-Sire,ce dit Richiers,ne vos an quier mantir,
«L''en m''apale Maudras ou raigne de Persis .»
L''amiraus li respont :«Biau non avez,cosins .»
Richiers fut an la court mout amez et cheriz,
Prisiez et honorez antre les Sarazins .
Sure li sont coruz li granz et li petiz
Qui le voudrent baisier,mas Richiers lor ai dit
Que nus nou baiserai si aurai Frans ociz .

[ fol. 0382 ]

«Cosins,dit l''amiraus,tu aurais ton devis .
«Car je ai .I .François,pasé ait .XV .diz ;
«Demen lou devons faire detrenchier et morir .
-Sire,ce dit Richiers,fetes le moi venir ;
«Se je l''ai antre poinz,il tandrai maule fin .»
L''amiraus an apale le chartrier Malapris :
«Montre li le François qui an la chartre git .»
Et cil ai respondu :«Sire,à vostre plaisir .»

DROITEMANT à la chartre an sont venuz errant .
Richiers remaint defors,li chartreniers entre anz,
En sa main .I .batum qui moult estoit pesanz .
Où qu''il vit Floovan,si l''en debat les flans,
Le dos et la poitrine et dariés et devant ;
Li bers huche et crie comme hons qui per le sanc .
Cil ist fors de la chartre,Flovans remest plorant ;
A Richier est venuz,si li dit an riant :
«Oez de cest François :batu le vos ai tant
«Jemais n''aurai mestier an trestot son vivant .»
Quant l''antandi Richiers,à pou ne pert le sanc,
Puis dit antre ses s danz,que celi ne l''antant :
«Fiz à putains,glotons,lechierres,maulcuidant,
«Por l''amors de celui perdras tu jai le chief .»
Il ai traite Joieuse de son senestre flanc ;
Le paien en feri .I .grant cop meitenant
Que tot l''ai porfandu dusque au nou du braier,
Puis regarde sor destre,vit .I .desrubam fier,

Floovant

Geste