Hervis de Mes

Geste

Hervis de Mes: Numérisation de l'édition de Pamfilova de 1931 , éd. par Xenia Pamfilova, encodage TEI Sabine Roulleau sous la direction de Jean-Baptiste Camps , , éd. par Xenia Pamfilova , Fragments de manuscrits de chansons de geste: DOI: 10.3406/roma.1931.4053 Romania 57 1931 p. 504-547 Fragment retrouvé dans une reliure [aux AD de la Moselle] et édité par Pamfilova (1934). France Archives départementales de la Moselle Fragm. AD Moselle


  1. Passent les terres,le puis et les regnez

  2. De lor jornées ne sai comte nonbrer,

  3. Treskait à Mes ne ce sont arestez .

  4. Ainz ke Hervis,li gentis et li bers,

  5. Ains ke il antre dedens Mes la citei

  6. Ou voit Thierit,si l ‘en ait apellez :

  7. «Amins,dist il,dedens Mes an alez,

  8. Et à prevost mon peire vos direz

  9. Ke je ramoing Bïatrix à vis cler,

  10. Contre moi vigne et il et ces barnez ».

  11. Dist Thieris .«Sire,si com vos comandez !»

  12. Lou cheval broche des esperons dorez

  13. Tres que à Mes ne se volt.arester

  14. Vint à prevost dit li ait etcontei

  15. Prevost, dist il,faites tost si montez

  16. Si vient Hervis vos filz li dusmanbrez

  17. Biatrix ait sa feme conkestei

  18. Li prevost l‘otgrant joie an ait menéz

  19. Adonques faittost la cloche soner .

  20. Et fait un banpar la ville crier .

  21. Que tuit en issentde la bone citei

  22. Contre la dame Bïatrix à vis cler

  23. Que Hervis ait par force conkesté .
    24. [ fol. 545 ]

  24. Grans fu la joiededens Mes la cité

  25. Bohordantvont cil legier bacheler

  26. Et ces puceleshautement ont chantei

  27. Tresque Hervine ce vont arester .

  28. Trois fois labaisse par molt grant amistez

  29. Puis acollait Bïatrix à vis cler

  30. La jantildame comança à crier

  31. S‘ai mesenfans et car les me randez

  32. Ez laserorge ki tant ait de bonté

  33. Quiamenoit Garinet le manbrez

  34. EtBegonet sa fillette autretel

  35. Et Bïatrix labelle o le vis cler

  36. Cort ses enfans dousement acoller .

  37. A moltgrant joie entrent en la cité .

  38. Madouce meire,dist Garines li bers,

  39. Et c‘orme dites ou avez tant esteit ?

  40. Biatrix l‘ots ait tanrement ploré :

  41. «Biausfilz,dist elle,par Deu de maïsté,

  42. A pocun poc perdue ne m ‘avez .»

  43. Atantentrerent dedens Mes la cité,

  44. A la granteglise vont la messe acouter .

  45. Et li evesques ait la messechanteit .

  46. Grans fut l ‘ofrande ke missent sor l ‘autel .

  47. Apres la messe errier sunt retornez,

  48. Les degrez monte dou palais principel,

  49. Mis ont les taubles,s ‘asieent au diner !

  50. Mais de Baudri vos vodromes parler,

  51. Ou voit sa feme,si l ‘en ait apellei :

  52. «Dame,dist il,por Deu de maïsté,

  53. Je m ‘an fuirai en estrainges rengnez

  54. Ke se vos freires,ki tant fait a douter,

  55. Certes me tient le chief aurai coupei .

  56. —Sire,dist elle,ne vos estuet douter,

  57. Vo paix ferai,ce puix,nel mecreez .

  58. —Dame,dist il,por Deu,car en pensez .

  59. —Sire,dist elle,volentiers et de grei !»

  60. Atant en monte ou palais principel,

  61. Hervis la voit,si la vait acoller ;

  62. «Suer,dist li dus,bien soit vo cors trovez !

  63. Li vos maris m ‘ait trop fort vergondé,

  64. Sachiés le bien,perdut ait m ‘amisté .

  65. —Sire,dist elle,mercit vos veul crier .

  66. —Suer,dist Hervis,gardez plus n ‘en parleiz,
    67. [ fol. 546 ]

  67. Je vos en proi,ci chier com vos m ‘avez .»

  68. A ces parolles lassent le plait ester .

  69. Mis ont les taubles,s ‘asieent au diner,

  70. Grans fut la joie ou palais principel .

  71. Et li borjois de la bone citei

  72. Deus !keil present le duc ont aportei !

  73. Mais de lor mes ne vos veul aconter .

  74. Aprés maingier funt les napes oster,

  75. Chantent et notent,viellent cil jugler

  76. Et li provos les fait toz bien luer,

  77. Toz li plus povres ot blial de sendei !

  78. Mais de la suer Hervi le duc manbrei

  79. Un petit vos vodromes parler