Hervis de Mes

Geste

Hervis de Mes: Numérisation de l'édition de Pamfilova de 1931 , éd. par Xenia Pamfilova, encodage TEI Sabine Roulleau sous la direction de Jean-Baptiste Camps , , éd. par Xenia Pamfilova , Fragments de manuscrits de chansons de geste: DOI: 10.3406/roma.1931.4053 Romania 57 1931 p. 504-547 Fragment retrouvé dans une reliure [aux AD de la Moselle] et édité par Pamfilova (1934). France Archives départementales de la Moselle Fragm. AD Moselle


  1. «Hé !dus de Mes,por Deu ki ne mentit,

  2. Ve ci ta feme,la belle Bïatrix ;

  3. Illuc logie delai cel boix foilli .

  4. Bers,fai armer ton barnage de pris,

  5. Et si rekier tes mortelz anemins

  6. Tant ke raeimes madame Bïatrix .

  7. —Buer lou desistes,signors »,ce dist Hervis .

  1. Li barons out la parolle acoutei,

  2. A lor vois cleire comance à crïer :

  3. «Hé !dus de Mes,tu puez trop arester,

  4. Chevache fort,passons le bruel ramei,

  5. Si rekerons nos mortelz anemins,

  6. Ne te faudrons tresc ‘au manbres couper .»

  7. Et dist Hervis .«Deu vos en sache grei !

  8. Or vairai ge ki de cuer m ‘ait amei .

  9. Per lou cepucre c ‘on rekiert outre mer

  10. Se ravoir puis Bïatrix a vis cler

  11. Li gueredons vos en iert bons donei .»

  12. Adont ce vont fervestir et armer,

  13. Vestent haubers,s ‘ont les helmes fermei,

  14. Caingnent espeées,au chevas sont montez,

  15. A lor colz pendent les fors escus bendez,

  16. Prenent lor lances au confenon fremei ;

  17. Isnelement,les frains abandonez,

  18. Ont trespassez outre le bruel ramei .

  19. De l ‘autre part Hervis choisit le treif,

  20. Voit le barnage et venir et aler .

  21. Et cil de l ‘ost les ont bien avisei ;

  22. Quant aparsurent Hervi et son barné

  23. As armes corrent sans point de l ‘arester,

  24. Vestent haubers,s ‘ont lor helmes fermez,

  25. As chevas montent corrans et abrivez .

  26. Hanste brandie,les escus acolez

  27. Se vont ferir sans point de refuser,

  28. Granz cols ce donent en fors escus bandez,

  29. Desoz les boucles les ont frains et troez .

  30. A l ‘asambler fut li chaples mortelz,

  31. Tant hanste fendre et tans cescus troer

  32. Tans piez,tant poing et tant teste couper .
    33. [ fol. 543 ]

  33. L un mort sor l ‘autre trabuchier et verser


  35. «

  36. Tot droit a Tir la cité m ‘an irez,

  37. Au roi Eustaice de part moi le direz,

  38. Faice ces os venir et ajoster,

  39. Il et ces filz rois Floires li manbrez,

  40. D ‘eu en huit mois aurez la fort citez

  41. Soit lai li rois et il et ces barnez,

  42. Et c ‘il n ‘i vienent bien soit asseürez,

  43. Je lou defi et ju et mes barnez,

  44. Ne li lairai ne chastial ne cité,

  45. Ne borc ne ville,recet ne fermetez ;

  46. Si je le puis ne tenir ne covrer,

  47. Je lou pandrai com un larron provez,

  48. Se il ne vient à Mes la fort cité .

  49. —Sire,dist il,bien le saurai conter .»

  50. Ou cheval monte corrant et abrivei,

  51. Passe les terres,les puis et les agueiz .

  52. De ces jornées ne sai comte nombrer,

  53. En la ville antrent,s ‘est ou palais montez,

  54. A haute vois comança à crier :

  55. «He rois Eustaice,dist il,or m ‘entendez

  56. Li rois d ‘Espaigne t ‘ait par ces briés mandez

  57. Ke faices os et cemonre et mander

  58. Et ton barnage venir et ajoster,

  59. Toi et tes filz,roi Floires li menbrez .

  60. Et ce n ‘i viens tu soies defez !

  61. Sor toi vanra et il et ces barnez

  62. Ne te lairait ne chastial ne cité .

  63. Se il te puet ne tenir ne courer

  64. Il te panra com un larron provei .»

  65. Li rois l ‘entent,color prist à muer,

  66. Ou voit son fil,si l ‘en ait apelei :

  67. «He biaus filz,por Deu ne me cellez,

  68. De cest afaire keil conseil vos donez ?»

  69. Dist li rois Floires :«Nos n ‘en poons faire el

  70. Tanpre serai garis et respassez,

  71. An Hunguerie,peres,vorrai aler

  72. Illuec ferai mes grans os assanbler

  73. Peire refaites vo barnage autretel

  74. Je hai Hervi de la teste coper;

  75. S ‘alons à Mes,la mirable cite
    76. [ fol. 544 ]

  76. Puis ke li rois i ert o son barné

  77. Jai li lechieres ne lou por 1

  78. «Filz,dist li peires,si com vos

  79. Puis ke li rois l ‘ait dit et

  80. Il m ‘estuet faite toutes

  81. Voit le message sou prent a apeler

  82. «Amins biaus freires,au fort .roi me direz

  83. A Mes serai au jor k ‘il m ‘ait nommé.

  84. Je et mes filz et nos riches barnez

  85. Dist li mes :.« Bien li saurai conter

  86. Li rois li fait un boin destrier doner

  87. Atant s ‘en torne,congiet a demandei

  88. Atant c ‘en torne,si akeut son erret,

  89. Droit vers Espaigne c ‘en est acheminé

  90. Or vos lairons dou message ester .

  91. Et li roi font lor gran os ajoster .

  92. Hui mais devomes dou duc Hervi .parler

  93. Ki chevaucha et il et ces barnez,
  • 1. note 1. Ces vers manquent dans le ms. 19160.