Garin le Lorrain

Geste

Garin le Lorrain: Numérisation de l'édition du fragment Droz , éd. par E. Droz, édition numérique sous la direction de Jean-Baptiste Camps , , éd. par E. Droz , Un fragment de La mort de Garin le Lorrain 10.3406/roma.1931.4053 Romania 1931 t. 57 p. 570-573.

  1. Ains que j''emporte,foi que doi s .Martin,
  2. Le comperront mi mortel anemi ».
  3. La se logerent li chevalier gentil,
  4. La nuit juirent et s''en vont au matin .
  5. En l''avangarde s''en va li fix Hervis,
  6. Il et Guirres qui Gironville tint
  7. Qui tres bien seurent la terre et le pais .
  8. L 'ariere garde fist li dus Auberis .
  9. Jofrois d''Anjau et Huges de Paris .
  10. Enmi les routes ont les grans carois mis,
  11. En Gascogne entrent por saisir le pais,
  12. Et quant il sont dedens la tere mis
  13. N 'i ot fiance chist ne cele ne chil .
  14. Chil vilain fuient por lor cors garandir
  15. Et nequedent en i ot asses pris .
  16. Il se dementent et se claiment caitif,
  17. Ardent et proient et gastent le pais,
  18. Ches maisons ardent et ont par terre mis .
  19. Bien fait Gerin de trestot son plaisir
  20. Castel ne trove qui vers li s''ost tenir .
  21. Ens en Gascogne fait li dus retenir
  22. Mainte cité et maint castel de pris,
  23. Morlant brisa a .i .lundi matin,
  24. Vint a la Reste,par force le retint,
  25. Gastant s''en va par trestot le pais .
  26. Qu 'il n''i ot home qui li osast tenir .
  27. Mors fu Guillaume de Blancafort le cit
  28. Ni alast mie se li vassaus fust vis .