Garin le Lorrain

Geste

Garin le Lorrain: Numérisation de l'édition du fragment Droz , éd. par E. Droz, édition numérique sous la direction de Jean-Baptiste Camps , , éd. par E. Droz , Un fragment de La mort de Garin le Lorrain 10.3406/roma.1931.4053 Romania 1931 t. 57 p. 570-573.

  1. A Blaives fuisent trestot encontre li
  2. A tant de gent com il porront soufir ;
  3. Et il si firent sans nisun contredit .
  4. À Blaives vienent les os au duc Garin
  5. Grans et plenieres nus plus beles ne vit,
  6. Il s''esforcierent et cascuns mult bel vint
  7. À son pooir si com pot avenir .
  8. Ades paroles es vos le duc Garin
  9. De si a Blaives ne prisent onques fin
  10. Encontre vont li vavasor gentil
  11. Et li borgois et les gens du pais ;
  12. Desor les autres font joie de Gerin
  13. Et de son frere le vallet Hernaudin .
  14. Sa feuté a pris le jour Gerin
  15. Mais l''emperere ot fait trestot saisir .
  16. Garins l''entent,por poi n''errage vis,
  17. Il vint as gardes si les a tos for mis :
  18. «Quar est jor,a nos dont li rois pris
  19. Qui sans forfait cuide nos fiés saisir
  20. De toute honor terrestre departir ?
  21. Se il se veut devers Fromont tenir
  22. Si gart tres bien sa terre et son pais,
  23. El plus parfont verra noise et hustin .»
  24. Li nies s''en tornent et s''en vont a Paris
  25. Ame n''esmuent si vinrent a Pepin .
  26. Li rois demande :«Segnor qu''en aves dit,
  27. Por quoi aves mes castiax deguerpis
  28. Et mon fié lige que je doi maintenir ?»,
  29. —«En nom Diu,sire »,ce li dist Benselin,
  30. «Il n''est pas vostre,si com moi est avis,
  31. Anchois est,cuide et Hernaut et Gerin
  32. Il i pert bien,les vos en ont for mis ».
    33. [ col. 1rb ]
  33. Et dist li rois :«Il me prisent petit,
  34. Anchois ont droit »,che dist l''empereis,
  35. «De tex morsiaus vous doit on bien servir ».
  36. ——«Laissies ester »,ce dist li rois Pepins,
  37. «Par saint Denis,ja ne porres joir
  38. Se devers ex vos volies tenir
  39. Et vos et ex feroie repentir ».
  40. —«Il puet bien estre »,ce dist l''empereis,
  41. «Ne me doi mie contre vos aatir,
  42. Mais on se doit devers le droit tenir
  43. Et qui nel fait il a Diu relenci ».
  44. OR laisserom ester du roi Pepin,
  45. Quant lix en ert si porrom revenir .
  46. Si canterom del vaillant duc Gerin
  47. Qui nés porcace et fait calans venir
  48. Qui tot le port a fait de nés covrir .
  49. Li aube apert et li jors esclairi,
  50. De Blaives issent li grant et li petit
  51. Et li carois commencha a venir .
  52. Au passer mirent .iii .jors et .j .demi
  53. Quant il sont outre outre et li grans carois vint
  54. Par de dela li ber Rigaus revint
  55. O bien .v c .chevalier de haut pris,
  56. Guis de Biais et Joses et Landris,
  57. En lor compagnes arbalestes bien .m .
  58. N 'en jot nul sor destrier ne seist
  59. Grant et isnel et legier et hardi .
  60. Devant les autres li enfes Rigaus vint
  61. Tout maintenant ala baiser Gerin,
  62. Morans li enfes rala baisier Garin
  63. Puis s''en torna tot droit vers Hernaudin,
  64. «Sire »,fait il,«bien puisies vous venir
    65. [ fol. 1v ] [ col. 1va ]
  65. Mult grant soufrance avons en cest pais
  66. De vos biau sire,foi que doi s.saint Denis
  67. Et de ton frere le bon vassal Gerin
  68. Quar Bourdelois si nous tiennent si vil
  69. Sovent nous cacent et a dex et a cris
  70. Nos somes poi,si nel poons sofrir .
  71. De lor orgueil ne nous poons tenir
  72. L 'autrier m''ocirent mon frere Garnerin
  73. Dont j''ai le cuer mult durement marri .
  74. Prodome fust,se il peüst garir,
  75. Et chevalier vigerex et hardis .
  76. Hervix mes peres en est tous asotis,
  77. Le remanant prise li ber petit
  78. N 'esgarde l''ore que nous soiom ochis
  79. Dont seroit sex mes pere en cest païs,
  80. Grant pecié faites quant ni estes ichi,
  81. Vostre est la tere,vos le deves tenir ».
  82. —«Ne doutes mie,biax nies »,dist Hernaudin
  83. «Que pos serom asses en cest pais
  84. Et quant lix ert si irom a Garin
  85. Le Loheren qui souef nous nouri,
  86. Qui por nous est de le gerre entremis ».
  87. —«Que faites vos »,ce dist li dus Garins,
  88. «Faites logier et le plache saisir
  89. Car paisés est li carois,ce m''est vis,
  90. Et vos vilain,saves que je vos pri
  91. Parmi la tere dont nous somes saisi,
  92. Faites crier et le caroi venir,
  93. En l''ost amaignent et le pain et le vin
  94. Et les viandes dont devomes garir,
  95. Quar par l''apostre que querrent pelerin
  96. Ne par chelui qui de l''eve fist vin
    97. [ col. 1vb ]
  97. Quant sist as noces de s .Archedeclin
  98. Je n''en be mie a raler le matin .
  99. Qui en ju entre,de ju s''en doit resir,
  100. Qui guerre maine et guerre doit tenir