Garin le Lorrain

Geste

Garin le Lorrain: Fragment Combaz: numérisation de l'édition Bertoni , éd. par Giulio Bertoni, édition numérique Aurelia Vasile sous la direction de Jean-Baptiste Camps , Giulio Bertoni Un nuovo frammento di "Garin le Loherain" Zeitschrift für romanische Philologie 1913 708-717 37 Édition d'un fragment ayant appartenu à l'érudit suisse J.-J. Combaz († 1846) puis au professeur F. Ducrest. Fribourg Bibliothèque cantonale et universitaire de Fribourg L 1715 Fragm. Combaz / Ducrest Romain Jurot Catalogue des manuscrits médiévaux de la Bibliothèque cantonale et universitaire de Fribourg http://www2.fr.ch/bcu/n/cata_medieval/Catalogue_Jurot/MS_L1715.pdf Dietikon-Zurich 2006 p. 266-267

  1. Cui il ataint n'a de uiure mestier
  2. Et bien i fierent sui baron chevaliers
  3. Quant ciz le uirent n'i ot que corrocier
  4. En fue tornent por lor mort esloignier
  5. Desoz les tables le ueissez mucier
  6. Ga .Garins le uoit n'i ot qu'esliecier
  7. Voit hernais soprent a araignier
  8. Uostre merci ce dist li dux beaus nies
  9. Se dex m'aist heu m'auez mestier
  10. Se ne fussez ie fusse detrainchiez
    11. [c. Bb]
  11. Oncles dist il estes a mort plaiez
  12. Nies dist li dux ainz suis sains et haitiez
  13. Lors recerchierent le grant palais plenier
  14. Des bordelois le firent bien vuidier
  15. Uoit le fro .Fromont n'i ot que corrocier
  16. Quant uoit son pere gesir sus le plainchier
  17. Tel duel en ha le sens cuide chaingier
  18. Permi les huis n'osa il repairier
  19. Que loheroens le facoient gaitier
  20. Par la fenestre saut hors en .I .vergier
  21. A son hostel s'en est venuz a pie
  22. A .uoiz escrie or cai tost mon destrier
  23. Lou L'on li amoine senz plus de l'atargier
  24. Et il i monte par son senestre estrier
  25. De laon ist n'i vost plus delaier
  26. Le tertre auale dolanz et corrociez
  27. Vers . S '.Saint'quentin se prit a adrecier
  28. De lui vus uuel .I .petitet laissier
  29. Si vus dirai d'un gentil chevalier
  30. Qui montagu auoit a iustisier
    31. [ fol. 714 ]
  31. Henris ot nom si fit moult a prisier
  32. Cosins estoit Ga .Garin le droiturier
  33. A court uenoit por lui esbaloier
  34. En sa compaigne maint gentil chevalier
  35. Quant la nouele oit dire et noncier
  36. Comment Ga .Garins ot este laidengiez
  37. Dolanz en fu et forment corrociez
  38. Le cheual laisse s'est ou palais poiez
  39. Ga .Garin i troue soprent a araignier
  40. Comment vus est nobile chevalier
  41. Nies dist li dux a celer ne vus quier
  42. La gent fro. mont forment laidengie
  43. Mes homes ont ocis et detrainchie
  44. Et ie meismes i fusse domagiez
  45. Se dex ne fust et hernais mes nies
  46. Uoir dist .h'.Henris'i'en suis moult corrociez
  47. Or n'i ha plus mais pensons dou vengier
  48. Dire vus uuel dou loheroein proisie
  49. En quel meniere ha le ior esploitie
  50. Ses genz fit querre par le palais plenier
  51. Qui por lui furent ocis et detrainchiez
  52. Porter les fit a . S '.Saint'vincent mostier .
    53. [c. Bc]
  53. Ses enterrerent senz plus de delaier
  54. Et les naurez fit es mires baillier
  55. Es genz fro.Fromonz firent faire .I .chernier
  56. Hardre on fait enfoir a mostier
  57. Por l'amistie qu'ot de pepin le fier
  58. Et henris prent le roi a araignier
  59. Droiz emper.empereres por deu le droiturier
  60. Iuenes hons estes a celer ne vus quier
  61. Si deuez bien vus princes iustisier
  62. Et vos amis maintenir et aidier
  63. Li cuens fro.Fromons ne vus ha gaires chier
  64. Por son lignaige est orgoillox et fiers
  65. Droiz emper.empereres moult vus doit enuier
  66. Dou duc Ga .Garin qu'il ont si laidengie
  67. Qui vos ha tant serui de cuer entier
  68. Or sont ale en lor pais arriers
  69. Alons apres droiz emper.empereres fiers
  70. Ne les teindra ne chasteaus ne rochier
  1. Droiz emper.empereres ce dist li cuens henris
  2. Je tiens de vus ma terre et mon pais
  3. Et a Ga.Garins suis ie germains cosins
  4. Sa tante ma mere beautrix1
  5. Heruis mes oncles li loheroens gentis
    6. [ fol. 715 ]
  6. K .voz pere ama moult et cherit
  7. Onques vers lui traison ne porquist
  8. Si comme fit hardrez a poil flori
  9. Enuers Gir .Girar qui rossillon maintint
  10. Il et ses peres li cuuers aloris
  11. Trahi l'eussent quant dex le garandit
  12. Ainz lor lignaiges a nostre n'obeit
  13. Maint murtre ont fait et maint home trahi
  14. Vostre baron auoient enuahi .
  15. Et mort l'eussent se ne fust hernais
  16. Or s'en resont alez en lor pais
  17. Alons apres emper.empereres gentis
  18. Prenez fro.Fromont s'il ne vient a merci
  19. Prenez saisson que vostre peres tint
  20. Et dist li roix tot ensi sara il
  21. Adon fit faire et letres et escriz
  22. Si ha mande ses chevaliers de pris
  1. Nostre emper.empereres ha fait sa gent mander
  2. Contes et princes et les autres chasez
    3. [c. Bd]
  3. Et il i vindrent garniz et aprestez
  4. Et quant il furent venuz et assemblez
  5. Li emper.empereres n'i vost plus demorer
  6. Ga.Garin li dux et henris li membrez
  7. De laon issent sont le tertre auale
  8. Droit vers saisson se sont encheminez
  • 1. Nessuna lacuna nel ms.