Garin le Lorrain

Geste

Garin le Lorrain: Fragment Combaz: numérisation de l'édition Bertoni , éd. par Giulio Bertoni, édition numérique Aurelia Vasile sous la direction de Jean-Baptiste Camps , Giulio Bertoni Un nuovo frammento di "Garin le Loherain" Zeitschrift für romanische Philologie 1913 708-717 37 Édition d'un fragment ayant appartenu à l'érudit suisse J.-J. Combaz († 1846) puis au professeur F. Ducrest. Fribourg Bibliothèque cantonale et universitaire de Fribourg L 1715 Fragm. Combaz / Ducrest Romain Jurot Catalogue des manuscrits médiévaux de la Bibliothèque cantonale et universitaire de Fribourg http://www2.fr.ch/bcu/n/cata_medieval/Catalogue_Jurot/MS_L1715.pdf Dietikon-Zurich 2006 p. 266-267

  1. De traison vus puis bien laidengier
  2. Garlain vostre aiue ne deue forligner
  3. Qui son parrain murtrit en .I .mostier
  4. Et son seignour lige coppa le chief
  5. Don vus tenez les terres et les fiez
  6. Et senz raison a tort et a pechie
  7. Saisson tenez don doi estre heritiez1
  8. Heruis mes peres qui le coraige ot fier
  9. La tint maint ior ce seuent chevaliers
  10. K.Karles marteaus qui tant fit a proisier
  11. La li dona par moult grant amistie
  12. Car serui l'ot de buen cuer et entier
  13. Mors est mes peres don i'ai le cuer irie
  14. Tote sa terre doit a moi repairier .
  15. Mais par l'apostre que quierent chevaliers
  16. Ia ne verrez passe .I .an entier
  17. Se en saisson vus puis prendre et baillier
  18. Ie vus ferai toz les membres treincher
  19. Fro .Fromons l'entent n'i ot que corrocier
  20. Enuers Ga .Garins s'en vint toz eslaciez
  21. Et li dux s'est enuers lui aprochiez
  22. Grant cop li done de plein cop ou templier
  23. Ius a la terre l'abatit a ses piez
  24. Herdrez le uoit n'i ot que corrocier
  25. Bordele escrie ferez i chevaliers
  26. Et il si firent senz plus de l'atargier .
    27. [c. Ad]
  27. Cele part corrent por lor seignour aidier
  28. Loheroens sont cele part adreciez
  29. Lai ueissez grant estor commencier
  30. Tant grenon traire et cheuox saichier
  31. Et tant mantel desrompre et dessirier
  32. Li roix fu iuenes si fu petiz proisier
  33. Des bordelois ne se pot pas veigier
  34. Li cuens Herdrez en la chambre se fiert
  35. Ou il soloit dormir et repairier
  36. A son cheuoil2 troua son branc d'acier
  37. Il le saisist s'est retornez arriers
    38. [ fol. 712 ]
  38. Es genz Ga .Garins en va granz cops paier
  39. A loheroein en fu granz li meschie
  40. Car po ot genz ce fu granz encombrier
  41. Ne n'orent armes don se puissent aider
  42. Et bordelois les ont si laidengiez
  43. Plus de .XIIII .en ont ius trabuchie
  44. A remanant3 font le palais vuidier
  45. Vindrent es huis si les font verroillier
  46. Et de granz barres fermer et estachier
  47. Ga.Garins remest dolanz et corrociez
  48. En .I .anglet dou grant palais plenier
  49. Deuant lui garde si vit .I .eschaquier
  50. Il le saisit si l'a amont drecie
  51. Lai se deffent a loi de chevalier
  52. Herdrez le presse qui tient le brant d'acier
  53. Enuiron lui maint baron chevaliers
  54. Ocis l'eussent senz autre recourier
  55. Mais cui dex vuet garandir et aidier
  56. Nuns ne le puet honir ne vergoignier .
  57. Li dus Ga .Garins fu ou palais plenier
  58. Vers bordelois fu moult a grant meschie
  59. Atant ez vus hernais le guerrier
  60. Celui d'orliens qui tant fait a proisier
  61. Ciz estoit nies Ga .Garins o le uis fier
  62. Mors iert ses peres s'en ot le cuer irie
  63. Dou roi de f.France uuet reprendre son fie
  64. Mais ne vint mie com vilains patheners4
  65. En sa compaigne ot .VIIXX chevaliers
  66. A bones armes et a cheuaus corsiers
  67. Si com li bers descent por abergier
  68. En mi sa uoie econtre .I .messaigier
    69. [c. Ba]
  69. Qui descendoit dou grant palais plenier
  70. Qui la nouele li ha dit et noncie
  71. Comment froFromonz et ses lignaiges fiers
  72. Se sont mesle a loheroein proisie
  73. Seli ont moult ses homes laidengiez
  74. Li dux Ga.Garins iest moult a meschief
  75. Mors est li bers se dex n'en ha pidie
  76. Hernais l'ot n'i ot que corrocier
  77. A uoiz escrie or amont chevaliers
  78. Or verrai ie qui me uoudra aidier
  79. Ciz est mes oncles ie ne li doi laissier
  80. Quant ciz l'entendent si descendent a pie
  81. Iusqu'a palais ne se uostrent targier
  82. Les huis trouerent barrez et verroilliez
    83. [ fol. 713 ]
  83. Es loges trouent une sole d'uit piez
  84. A l'uis en hurtent moult granz cops et pleniers
  85. Si que par force le firent trabuchier
  86. Espees traites sont ou palais fichie
  87. Deuant les autres hernais li gerriers
  88. Bordelois uoit vers Ga .Garins chaploier
  89. A uoiz escrie or a aus chevaliers
  90. Et il si firent de grez et volonters
  91. Et hernais tint l'espee d'acier
  92. Hardre le conte encontra tot premier
  93. Merueillos cop et grant li va paier
  94. Parmi la teste dou branc forbi d'acier
  95. Doisci es denz li fit le fer glacier
  96. Desus le marbre le fit mort trabuchier
  97. Puis en fiert autre si que ius l'abatie
  98. Le tiers consut desor le henapier
  99. Le col li trainche comme .I .raim d'oliuier
  100. Bien lor mostra qu'il estoit corrociez
  • 1. 1 —z è sicuro nel ms.
  • 2. B, 113: cheuec.
  • 3. B, 113: Le remanant.
  • 4. B, 113: vilains bergiers.