Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Et li paiens s’en est aperceüz,

  2. Esperonant en est des rens oissuz,

  3. Et Aymeris li broche par vertus :

  4. Granz cox se fierent par desus les escuz,

  5. Desoz les bocles les ont frez et fenduz,
    6. [ fol. 36 ]

  6. Comunement chaïrent anbedui .

  7. Quens Aymeris se senti abatu,

  8. Molt a grant honte,si home l’ont veüs ;

  9. Dame Hermenjarz li escria del murs :

  10. «Aymeri sire,jentils hom,que fes tus ?

  11. «Se je t’i pert tel domaje ne fu .

  12. «Sainte Marie,miracles et vertus !»

  13. Aymeris l’ot,ne fu mie esperduz,

  14. L’espée tret,si enbrace l’escus ;

  15. Au tor françois est au paien venuz,

  16. De Finamonde l’a sor l’elme feru,

  17. Trenchié li a lo mestre coing desuss ;

  18. Li blans aubers ne li vaut un festu,

  19. Tot li detrenche de ci as denz menuzs ;

  20. Estort son cop,si l’a mort abatu .

  21. XV .François li ont Ferrant rendus ;

  22. Aymeris monte a son col son escu,

  23. Mès l’amirals i est poignant venuzs ;

  24. As beles armes l’ot bien reconeü .

  25. Point Brisegaut,qui li saut par vertu,

  26. Brandi la hanste o li confanons fu,

  27. Fiert Aymeri devant en son escus ;

  28. Desoz la bocle li a fret et fendu,

  29. Enpoint le bien et bote par vertu,

  30. Mès ainz li quens des arçons ne se mut .

  31. Li Sarrazins se departi de lui,

  32. Quens Aymeris l’a avant porseü,
    33. [ fol. 37 ]

  33. De Finamonde l’a el elme feru .

  34. Trenchié li a lo mestre coing desus,

  35. Li braz li est des enarmes issuz,

  36. Si qu’a la terre li chaï son escu .

  37. L’amirals s’est en la presse feruz,

  38. Mès li viellarz l’a avant porseü,

  39. De plain lo fiert el auberc qu’ot vestu,

  40. XIIII .mailles en abati o plus,

  41. Par un petit ne li copa lo bu .

  42. Dame Hermenjarz si escria del murs :

  43. «Aymeri sire,cest cop ai je veüs ;

  44. «Bien ait la brace qui ainsi l’a feru .

  45. «Cuvert paien,mal vos est avenu,

  46. «Danz Aymeris mes sire est revescuzs !»

  47. A la rescosse fu li chaples tenuz,

  48. Iluec josterent les fers o les escuzs ;

  49. Et li François s’asenblerent as Turs,

  50. Quant l’amirals a escrié ses druzs :

  51. «Seignor paien,ne soiez esperduz .

  52. «Bien les ferez es cors et es escuz

  53. «Et es aubers et es elmes aguz .

  54. «Se vos eschape,onc tel honte ne fu,

  55. «Li viellarz de Nerbones !»

  1. Li amiralz ot les estriers recovré,
    2. [ fol. 38 ]

  2. Quens Aymeris l’ot forment estoné,

  3. Quassé son elme et el chief l’a navrés ;

  4. Il vit François a une part torners ;

  5. De bien ferir furent entalentés :

  6. L’amirals s’est fierement escriés :

  7. «Seignor baron,de bien ferir pensez .»

  8. Par .iiiienpointes ot l’olifant sonés ;

  9. XX .mile grele li respondirent cler,

  10. Par tote l’ost sont Sarrazin monté .

  11. Quens Aymeris a sa jent apelés :

  12. «Seignor baron,envers moi entendezs :

  13. «Veez paiens et Sarrazins armez

  14. «Com se derenjent des lojes et des trezs ;

  15. «Nes porions sofrir ne endurer .

  16. «Alons nos en en la bone cité,

  17. «Car il est lieus de foïr o d’ester .»

  18. Et il li dients :«Si com vos comandez .»

  19. Ferir les vont,des rens se sont torné .

  20. Quens Aymeris est derriere remezs ;

  21. Sovent trestorne por lo fet qui granz ert .

  22. Premiers l’enchauce Corsolz li amirez,

  23. A sa voiz clere comença a criers :

  24. «A foi,danz velz,po vos estes hastezs !

  25. «Melz vos venist tot premerains alers :

  26. «Ja penrez fin,se a cop m’atendez .»
    27. [ fol. 39 ]

  27. Aymeris l’ot,si est vers lui tornez,

  28. Granz cox se donent sor les escuz dorez,

  29. Desor les bocles les ont frez et troez .

  30. Bons aubers ont,maille n’en pot faussers ;

  31. Otre s’en passent par tel nobilité,

  32. L’uns ne trebuche ne l’autre n’est versez .

  33. Mès l’amirals ne s’est desesperez

  34. Qui trop convoite lo conte a enconbrers ;

  35. Point Brisegaut qui li cort de son gré,

  36. L’hanste brandi ou li confanons erts ;

  37. Fiert Aymeri sor son escu listés :

  38. Desor la bocle li a fret et troés ;

  39. Fors fu l’auberc,maille n’en pot faussers ;

  40. Del destre pié l’a tot desestrivés ;

  41. Desor la crope del destrier l’a versé,

  42. Par un petit ne l’abati el pré,

  43. Quant se retint li contes naturels .

  44. Et li paiens li a estal mué,

  45. Ne l’atendist por .xiiiicitez .