Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. «Franche contesse,ja fustes vos m’amie .

  2. «Je morrai ja,que près sui del juïses :

  3. «Dex en ait l’ame et li sainz Esperites !

  4. «Mès une chose vos vueil prier et dires :

  5. «Por amor Deu,lo fil sainte Marie,

  6. «Por nule rien que Sarrazin vos dient,

  7. «De la cité ne lor rendez vos mie,

  8. «Ançois me lessiez ardre .»

  1. Dame Hermenjarz ot son seignor parlers ;

  2. Bien le conut quant el le vit mener .

  3. Li cheneliu qui le durent garder

  4. Des esglentiers li batent les costez,

  5. En .xxxlex en font lo sanc voler .

  6. Vienent au feu,enz le vuelent jeter .
    7. [ fol. 62 ]

  7. S’il ot poor ne l’estuet demanders ;

  8. Deu reclama qui en croiz fu penezs :

  9. «Glorios pere,qui me feïstes né,

  10. «Garis moi,sire,que n’arde en cel ré .»

  11. Es murs en corent de la bone cité,

  12. Home et feme,meschine et bachelers ;

  13. Et chevaliers et demaines et pers

  14. I veïssiez par ces querniax pasmer

  15. Et Aymeri lor seignor regreters :

  16. «Filz de baron,jentils quens naturels,

  17. «Molt nos avez tenuz en grant chiertés ;

  18. «Or vos veons a tel honte mener,

  19. «Ne vos poons secorre n’aiuer .»

  20. La veïssiez maintes noches jeter,

  21. Et maint anel peçoier et quasser

  22. Qui erent d’or a cristal noielé .

  23. Dame Hermenjarz ne pot un mot soners ;

  24. Pasmée chiet sor lo marbre listé,

  25. Quant ses puceles l’en corent relever,

  26. Et si li prient por sainte charités :

  27. «Franche contesse,por quoi vos dementezs ?

  28. «Mès or alons a l’amiral parler

  29. «Se ja nul plet i porrions encontrer,

  30. «Que nos rendist lo conte naturel,

  31.  «Lo seignor de Narbone .»
    [ fol. 63 ]

  1. Quant Aymeris vit lo feu angoissos

  2. Qui fu ardanz,bruianz et doleross ;

  3. Deu reclama par ses saintismes nonss :

  4. «Glorios pere,qui feïstes lo mont,

  5. «Et en la Virje preïs anoncion,

  6. «Nestre deignas por raenbre lo mont,

  7. «Lo ber saint Pere meïs en pré Noiron

  8. «Et convertis saint Pol son conpaignon,

  9. «Jonas jetas del ventre du poisson

  10. «Et garesis Daniel del lion,

  11. «La Madelaine feïstes lo pardon,

  12. «Quant herberjas dedenz l’ostel Simon,

  13. «Et a vos piez se mist a jenoillonss ;

  14. «Iluec plora par bone entencion,

  15. «Ses vos lava entor et environ,

  16. «Vos l’en levastes amont soz lo mentons ;

  17. «De son servise ot molt bon guerredon,

  18. «Qu’ele est lasus en ta grant mansions ;

  19. «A Moises passas la mer sanz pont

  20. «Que n’i queïst ne chalant ne noton

  21. «Quant tu noias lo pueple Faraons ;

  22. «Flueve Jordain feïs issir des fonz,
    23. [ fol. 64 ]

  23. «Si t’asseïs en mi sor un perron,

  24. «L’eve bruiant si te clost environ,

  25. «L’anjesdel ciel te mist lo cresme el front,

  26. «Sainz Jehans dist que Crist avroies non,

  27. «Crestienté i meïs en ton non,

  28. «Puis en alas enz el desert parfont,

  29. «Et conversas o les apostres bons,

  30. «Et jeünas toz les .xljors

  31. «Et lo quaresme lor cressis ton sermon,

  32. «Jusqu’au juesdi de l’asolucion,

  33. «Que tu livras ton cors a passions ;

  34. «Ce feïs tu por nostre raençon .

  35. «Si com fu voir et croire le devons,

  36. «Garissez moi de cest feu angoissos

  37. «Que je n’i arde a duel et a tristor .»

  38. Li amirals est venuz lo corss ;

  39. Bien fu armez desor un destrier ross ;

  40. En sa main tint l’amirals un baston,

  41. Les chenelius en a batuz andoxs :

  42. «Fil a putain,por quoi atargiez voss ?

  43. «Jetez le moi en cest feu doleross ;

  44. «Fere li vueil un martire cruos .»

  45. Dame Hermenjarz l’apela de la tors :

  46. «Sire amiral,entendez ma resons :

  47. «Respitiez moi,se vos plest,cest prisons ;
    48. [ fol. 65 ]

  48. «N’i doit ardoir,jel requier par amors ;

  49. «Escotez ma parole .»

  1. L’amirals ot dame Hermenjart parler,

  2. Devant li fist Aymeri arrester,

  3. Les chenelius targier et demorers :

  4. «Dame,»fet il «dites que vos volez .»

  5. Ele responts :«Ma reson escotez,

  6. «Que d’Aymeri vos vueil merci crier,

  7. «Que sain et sauf et vif le me rendezs ;

  8. «Par nos .iicors nos en lessiez alers :

  9. «Je vos rendrai Nerbone la cité,

  10. «S’avrez les rentes et les establetez,

  11. «Si com avoit danz Aymeris li berss ;

  12. «Et li borjois l’ont dit et creanté,