Doon de la Roche

Geste

Doon de la Roche: Numérisation de l'édition de P.Meyer et G. Huet de 1921 sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Paul Meyer , Gédéon Huet , Doon de la Roche: Chanson de geste E. Champion Paris 1921 Société des anciens textes français (65) Paris


  1. Seignor,oez chançon cortoise et avenant ;

  2. Vieille est et ancïenne,de Doon l’Alemant .

  3. Toz tens servi a cort par ses armes portant ;

  4. De piller,de rober,n’ot un denier vaillant ;

  5. Il essauça toz dis et leva ses serjanz,

  6. Les povres chevaliers,les orphelins enfanz .

  7. Nuns hons de son lignage n’ot de terre .j .arpant,

  8. Fors solement La Roche et l’enor qu’i apent ;

  9. Mais li douz rois de gloire en donna Doon tant

  10. Com vos orrez avant,s’il est qui vos en chant .

  11. Li dus servi Pepin le roi molt longement,

  12. A Paris en la sale,toz dis molt loiaument .
    13. 1 [ fol. II ]

  13. Molt i ot Angevins (),Baviers et Alemanz

  14. Et Normans et Frisons et Pohiers et Flamens,

  15. Dessus trestoz les autres fui Do l’Alemanz :

  16. De sens,de hardïesse et de barnage ot tant,

  17. Quant il vait en tornoi,li gentiz Alemanz,

  18. S’i gaaigne chevaus,si les donne as serjanz

  19. Et as chevaliers povres qui d’avoir n’ont nïent .

  20. Quant li rois tient ses plaiz,cui douce France apent,

  21. S’il i a nul tort fait ne nul faus jugement,

  22. Li conseil [de] Doon le vont si redreçant

  23. Ja ne s’en plainderont li petit ne li grant .
    24. 2

  24. Et jugleors plusors ot a sa cort toz tens ;

  25. Si lor donnoit mantiaus et blïauz bels et genz

  26. Et peliçons ermins et autres garnemenz ;

  27. Onques n’i vint si povre nen tort de li mananz .

  28. Ores si [crut] en Deu le pere roi aidant

  29. Que a veve moillier ne vout tolir nïent,

  30. Ne petit orfelin ne fist aler plaidant ;

  31. Por tant l’ama li sire qui fu adonc vivanz .

  1. Molt fu Do de la Roche de grant nobilité,

  2. Li gentilz Alemans qui tant fist a loer .
    3. [ fol. 3 ]

  3. Onques puis qu’il prist armes et il fu adobez

  4. Ne vout li dus ardoir ne preer ne rober,

  5. Ainz servi par ses armes les princes et les pers,

  6. Et tant fist lor servise que li donnent asez .

  7. Doons servi Pepin a Paris la cité

  8. Trois anz toz acompliz,ne li vout rien rover,

  9. A .iijc .chevaliers qui sont preu et sené .

  10. Et Pepins l’empereres li eüst trop donné :

  11. Une seror avoit nostre empereres ber,

  12. La dame ot nom Olive au gent cors honoré ;

  13. Ele amot plus le duc que nule riens,fors Dé ;

  14. Mais ainz ne l’en ot cuer ne corage mostré

  15. Por ce qu’il n’estoit mie de si haut parenté .

  16. Seignor,ja dit l’escriz qui vos est demostrez

  17. Que il n’est chose en terre,tant le sache on celer,

  18. Que avant ne reveingne quant il est destiné .

  19. Ainsi font les amors que Do a demené
    20. 3

  20. Vers Olive la bele o le viaire cler .

  21. Seignor,ce fu .j .jor devant Nativité,

  22. A feste saint Andrier,qu’Avent doivent entrer ;

  23. Pepins nostre empereres,li gentiz et li ber,

  24. Loa ses soudoiers,ses en lessa raler,

  25. Cui .c .mars,cui .iijc .avers ce que il set .

  26. As princes donna [il et] chastiaus et citez,

  27. Donjons et bors et viles,recez et fermetez ;
    28. [ fol. 4 ]

  28. Cui qu’il doint ne cui non,Doon n’a rien donné,

  29. Le gentil Alemant,ainçois l’a oblïé,

  30. Car il ot en la cort longement conversé :

  31. Esté i ot .iij .anz et ou quart est entrez .

  32. Cil coart chevalier en pristrent a parler

  33. Et dïent l’uns a l’autre que Do est oblïez,

  34. Tant a servi le roi que il l’a oblïé .

  35. «Par la foi que vos doi,riens ne li vuet donner :

  36. «Il gardera la cort et l’iver et l’esté,

  37. «Et tenra les chemises quant li bainz ert chaufez,

  38. «Si avra nom Rouciens as grenons enfumez »

  39. Tant ala la parole que Pepins bien le set ;

  40. Grant honte en a li rois,s’a Doon apelé :

  41. «Sire Do de La Roche,gentiz,nobles et ber,

  42. «Cil autre chevalier m’ont congié demandé ;

  43. «Tuit s’en vont en lor terres,mais vos estes remés .

  44. — Sire »ce dist li enfes,«car jel sai de verté,

  45. «Son droiturier seignor doit on servir assez,

  46. «Et je vos servirai volentiers et de gré ;

  47. 4 Et quant vos vos serez des autres delivré,

  48. «Si me donrez del vostre autant que vos voudrez .

  49. Quant l’entendi li rois,grant joie en a mené :

  50. «Sire Do de La Roche,gentiz estes et ber ;

  51. «Par la foi que vos doi,ce sai bien de verté,

  52. «Se vos auques [m’]amez,toz seroiz mes privez ;

  53. «Et puis que je vos voi [del tot] entalenté
    54. [ fol. 5 ]

  54. «De faire mon servise sanz point de fauseté,

  55. «Par la foi que vos doi,hui est li jors entrez

  56. «Que vos donrai tel chose dont vos me savrez gré,

  57. «Dont li vostres lignages sera toz honorez :

  58. «Olive ma seror vueil [jou] que vos prenez ;

  59. «De tote Loeroigne avrez la ducheé :

  60. «XX .chastiaus i a forz et .xiiij .citez ;

  61. «Et,puis que voz lignages ert au mien ajostez,

  62. «Ci a soudées granz,si les vos vueil donner »

  63. Quant l’entendi li enfes,si commence a plorer :

  64. «Sire douz emperere,merci !por amor Dé ;

  65. «Mes cuers et mes avoirs vos sont abandoné .

  66. «Se je n’ai [dame] Olive,ja sont fames assez ;

  67. «Endroit le mien lignage me covient marïer :

  68. «Li oisels qui se haite ainz qu’il puisse voler

  69. «Chiet a terre dou ni,s’est a terre versez »
  • 1. N. B. Pour les deux premières laisses, toutes les leçons rejetées sont données, même quand elles n’intéressent que la graphie. — 1 Seignours oues chançons courtoise. — 3 Touz temps, court p. ces années pourtant. — 4 piler, ung deniers. — 5 Il lassauça tous diz, serjans. — 6 anfans. — 8 seullement, apant. — 9 doulx. — 10 Comme, orés, c’il, vous. — 11 dux servit, longuement. — 12 Parix, salle tous, loyaulment.
  • 2. (v.°)
  • 3. (f. 2)
  • 4. (v°)