Siège d'Antioche / Récit de la première croisade d'après Baudri de Bourgueil

Geste

Siège d'Antioche / Récit de la première croisade d'après Baudri de Bourgueil: Fragments Hatton: numérisation de l'édition de P. Meyer , éd. par Paul Meyer, Encodage en TEI Marie-Laurence Bonhomme édition numérique sous la direction de Jean-Baptiste Camps , Mélanges de poésie française Paul Meyer Romania Paris F. Vieweg, libraire-éditeur 1877 t.6 n°24 pp.481-503

  1. «Pr ce nꝯ vient miex faire son asegurement,
  2. «Que ja des crestiens faceon ociement .»
  3. Trestuit l''ont otrié fors Raïmon seulement .
  4. Au dit dant Buiemon se tiennent li paumier,
  5. Fors Raīmon de S. Gile qui nel volt otrier .
  6. Il ont pris .ij .preudōmes,Alissandre et Renier,
  7. Et furent Longuebart et ml't bon latimier :
  8. Alexis les envoient lor ꝯseil ensaignier1
  9. Avuec ox nen alerent fors que dui escuier .
  10. L 'empereor troverent seant en .j .vergier,
  11. ꝯsillant a ses hommes desoz .j .olivier ;
  12. 'Il sont alé avant,s''ont parlér au portier,
  13. Qui dist l''empereor :«La fors sont messagier .»2
  14. L 'emꝑ. respont :«Faites les aprochier .»
  15. Dont sont avant venu li cortois messagier3
  16. Alexi saluerent ꝯme roi droiturier :
    17. (v°)
  17. «Biax sire,enten a moi ;ne te chaut anuier4
    18. [ fol. 494 ]
  18. Trés bien as tu oï,bien a .j .an entier,
  19. Que li bons apost.,Urbains que Dex a chier,
  20. A fait as crestiens banir et preechier
  21. Que tuit cil qui pr Deu se volroient croisier
  22. Et aler sor paiens ꝯquerre et desraisnier
  23. Icele sainte terre ou Dex volt travillier
  24. Et ou soufri son cors batre et crucefier5
  25. Seroient tuit assox de Deu le justicier .
  26. Pr ce ont il guerpi et enfant et moillier,
  27. Et sōmes ci venu pr nos cors travillier,
  28. Et pr la passion nostre Signor vengier ;
  29. Mais tu,que le pues faire et qui nꝯ dois aidier,
  30. Cui il tolent plus terre ꝯ ne poroit proisier,
  31. Ne sai p quel ꝯseil nꝯ en viex eslongier6
  32. Que a nostre passage ne nꝯ fai enꝯbrier,
  33. Mais vien ensamble o nꝯ pr la loi essaucier,
  34. Et pr les Sarr. destruire et guerroier ;
  35. O la force de nꝯ les poroies chacier
  36. De toute Rōmenie que tu as a traitier .
  37. Nꝯ et la nostre gens i irons tot premier,
  38. Et ferons la bataille au fer et a l''acier :
  39. N'an i avra cité,tant soit a mur doublier
  40. Ne vile ne chastel,tant soit en haut rochier,
  41. Ne tant soit haut levée sor mur ne sor terrier,
  42. Que nꝯ ne la prenons et façons trebuchier .
  43. Toie sera la terre quant venras au derrier,
  44. Et encor en avras le Damedeu loier
  45. Se loialment te mainnes vers nꝯ et sans trechier7
  • 1. Il y a de plus dans O : Cil i sunt alé chascun sur son destrier || Que od els...
  • 2. De plus dans O : Qui volent od lui de son preu conseillier.
  • 3. O. Cil sunt alé avant lor parole nuncier.
  • 4. O. a nos. ne te doit.
  • 5. O. Et ou soffri por mos son biau cors a plaier.
  • 6. Un vers a été oublié après celui—ci; le voici d'après O : Et por ce vemmes ça et te volom proier.
  • 7. qui ait tant haut terrier | Ne tant soit … sor si haut rochier.