Capitains Nemo

-Dame,ce dit Richiers,il ne poust or aul estre .
«Ce nos ont fait vos freres,li glotons deputaires,
«Qui toz nos ont vanduz à l''amiraul de Perse ;
«Mas,por icel apostre que pelerins requierent,
«Entreci à .I .mois an cui pandre les testes .
-Richiers,dit la pucelle,ausint en puist puis il estre .»
Avec lui l''anmenai en .I .celier sor terre,
Et puis l''ai revestu d''un paile de Bisterne .
La pucele li done .I .aubert et .I .aielme
Et .I .escu mout bon dom à or sont les serres,

[ fol. 0371 ]

Et Joieuse s''espée,une novelle aberge,
.I .chevaul li donai et une nove sale .
Richiers en merciai la cortoise pucelle ;
Quant il fut adobez,lors vosit il bien estre
Lai où Floovans ert,à la colour novale .

LI rois fut an la vile,qui moult estoit irez .
Et ces qui mains an funt l''orent plus tot laisié ;
Il ont lavé lor mains,asis sont au maingier ;
Mas li rois ne mengast por les manbres trenchier,
Ne Richiers li gantis n''i vot oncques tochier,
Ainz fit faire son sont¹ lit,si s''aulez couchier .
Mas il n''i dormit mie por les manbres trainchier,
Ainçois plore et regrate son seignour droiturier :
«Ahi !tant mar i futes,nobiles chevalier !
«Or ann irai an France,coroçous et iriez,
«.I .pel an sus mon col com autres pautoniers .
«Encontre moi vanront duc et conte et princiers,
«Ces dames,ces pucelles et ces gantis moilliers ;
«Moïmes l''anpareres o le viaire fier
«Demanderai novelles de son fil qu''i ai chier .
«Las !Que porai je dire an quel liu l''ai laisié,
«Je ne sarai créuz que ne l''aie boisié ;
«Mas,por icel apostre que Dex ai formant chier,
«Ainz me lairai ferir .XV .cous anz ou chief,
«Que Floovant ne truise,mon seignour droiturier »
Richiers se lieve et chauce,Dex le pout consoilier !
Il ai vestu l''aubert et ai l''erme lacié,
Puis ai cinte l''espée au poin d''or antailié,
A son col son escu,puis ai pris le congié,
Et isi de la vile quant il fu anutiez ;
Onques Dex ne fit home hone² à cui préit congié .
A l''isir de la vile panse de chevauchier ;
Il entrai en .I .bois aut et grant et plenier .

[ fol. 0372 ]

A l''isue dou bois trovai .I .chevalier
Qui fut fiz Emelon,qui dux fut de Baviers,
Que Sarazins avoient de sa terre chacié .
Levez estoit matin por soi esbelaiier ;
.XV .lieues plenieres avoit le bois cerchié,
Que n''i fusent remès Sarazins ne paiens .
Esgarde devant soi,si vit venir Richier ;
Plus tot que il onques pout est montez ou destrier ;
Et broiche le chevaul,et vai ferir Richier .
Quant Richiers l''ai véu ne l''ai pas resoinié ;
Se l''uns fut orgoulous,et li autres plus fiers :
Li uns ne doignai l''autre parler ne acoitier .
Grantz cous se sont donez es escuz de cartiers ;
Totes ploines lor lances se sont jus trabuchiez,
Puis traiient les espées au poin d''our antailié ;
Granz cous se sont donez sor les hiaumes vergiez .
Onc por néant ne vis tel estour commancier
Com ce dui baron funt sor les elmes vergiez .
Richiers ai trait Joieuse,morz est cui il an fiert ;
Il atient le versaul sor son elme vergié,
Que tot l''ai porfandui jusque au nou dou braier .
Richiers estort son coup,si l''ai mort trabuchié .
Quant celui ot ocis,mervoiles an fut liez,
Car il cudoit qu''i fut des paiens renoiez .
Elas !si mar l''ai fait,tant ai maul esploitié
Se Damedex n''an panse por la sue pitié,
Onques mais ne fit chose don tant fut corociez .
Il laisai lou chemin,si se tint au santier ;
Dusque au chatel lou pere à cest mort chevalier
Ne cesse ne ne fine,si est venuz Richiers .
Desoz .I .pin follu,por desus .I .lorier,
Est Richiers desçanduz,qui mult fit à prisier .
Li dux fut peres au mort Emelon de Baviers ;
Venuz est por desdure o .XXX .chevaliers :

[ fol. 0373 ]

Bien sont vestuz d''ermines,de bliaus antailiez,
Portent oitours de mue,faucons et espriviers ;
Sor l''eve de Ienor³ vindrent esbelaiier .
A icelle parole i est venuz Richiers ;
Trestouz les saluai,que bien fut ansaigniez :
«Cil Damedex de gloire qui est laisus ou ciel
«Vos gart trestoz ansanble,nobiles chevalier !
«Ne sai qui est li sires,ne vos an melvoiliez,
«Car onques ne lou vis jor que je soie vis ;
«Mas Dex vos saut trestouz,et lui trestout premiers .
«Je suis .I .chaitis hons,dolanz et corociez,
«Qui son seignour vai querre an estrange renier,
«Que an sa prison tient l''amiraux Galiiens ;
«Herbergiez moi,biaus sire,por Deu le droiturier .
«Pormi ceste forest ai .II .jors chevauchié ;
«De fourre ne d''avoine ne meingai mes destrés .»
Emelons le regarde,lou vit bel chevalier,
Belemant li a dit :«Versaul,aulez à pié .
«Por l''amour Damedeu sarois vos abergiez ;
«Deci que à demain ne perdras .I .denier .»
Son marechau demoine apale le plus chier,
Et li ai commandé :«Vai,si pran ce destrier ;
«Dou fain et de l''avoine ait asez à mengier,