Floovant

Geste

Floovant: Numérisation de l'édition de Guessard de 1858 Anonyme , éd. par François Guessard , Henri Michelant , sous la direction de Jean-Baptiste Camps édition numérique Lucence Ing , Floovant: Chanson de geste , éd. par Henri Michelant , François Guessard , P. Jannet Paris 1858 F. Vieweg Paris 1859

  1. Ainçois qu''i fusent outre,en i ot noié tant
  2. Que nus n''en saut lou nombre de cest segle vivant .
  3. Les .II .fiz Cloovis,cu Damedex crevant,
  4. Li uns si i fut morz,l''autres s''en vai fuant
  5. To droitemant à Bame,au rainé Galiam ;
    6. [ fol. 0417 ]
  6. Lai l''elurent à roi ro Sarazins et Persanz .
  7. Cil ot en nom Geté,que Damedex crevant,
  8. Car puis muit il en France tel dol et maul si grant .
  9. Floovanz s''an retorne et Richiers li vailanz ;
  10. Onques Dex ne fit ome en cest sigle vivant
  11. Qui vos séut à dire com li gaiens fut granz
  12. De murs,de paulefroiz et de chevaus coranz,
  13. De dras,de pavoilons,de trex et de besanz,
  14. D''or fin et de prisons,qui sont riche et menanz :
  15. Tu cil qui iluc vindrent gaainerent itant
  16. Que,tant com il vequirent,furent riche et menant .
  1. MOUT fut granz li eschac que Frans ont conquesté .
  2. Floovanz s''en repaire à Loon la cité ;
  3. Sa mere vai ancontre,estroit l''ai escolé,
  4. Doucement lou baisai,puis après lou barné .
  5. Moult demoinent grant joie,ja plus grant ne vauroiz .
  6. Floovanz fait s''amie Maugalie mander,
  7. Et li rois Cloovis et trestoz li barnez
  8. Au moustier Saint Remi les ont faiz coroner .
  9. Li rois Flores d''Ausai si s''an vout retorner
  10. Entre lui et Richier et son autre barné .
  11. Chacuns en son païs ai pris à retorner,
  12. Et Floovanz fut rois de France lou regné .
  13. Asez avoit apris gran maus an anduré .
  14. Jemais avant de plus n''an orrez vos parler
  15. Si ne vos veut mançonge ou novales conter .
  16. Dex vos garise toz qui m''avez escouté,
  17. Et moi avec n''oblit,qui la vos ait chanté .