Capitains Nemo

Et li ques de Borgoine,qui prouz est et vailanz,

[ fol. 0407 ]

Et ont en lor compaigne lou riche roi Floram .
Por lou mien esciant,ja fut pris Floovanz,
Quant tut i sont coruz li chevalier vailanz :
La presse ont derumpue tot entor Floovant ;
N''i ai cel n''ait ocis Arabi ou Persam .
Floovant remonterent sor .I .destrié corant ;
Quant il fut à chevaul,si reauçai lou branc,
Granz cous an vai doner à la gent mescréant .
Li premiers que il fiert si n''ai de mort garant
Que la teste n''an face voler enmi le cham .
Devan lui ancontrai le roi de Bonivam,
Qui li ot son chevaul ocis de metenant ;
Quant Floovanz le voit,sou vai recuen isant,
Grant coup li vai doner sor son escu devant
Que lés la bocle à or li peçoie et li fent,
Le haubert de son dos li deront et desmant
Que deci ou braier le vai tot porfandant,
Mort le trabuche à terre dou destrié auferrant .
«Outre !fiz à putain,mauvais matins puant !
«Mon chevaul m''as ocit por ton outraige graint .»
Puis se refier es Turs,que il ne ment néant ;
Granz cous lor vai doner de l''espée tranchant,
Enz la plus grande presse se vai ademantant .
Et quant paiens le voient,si le vont redotant ;
Tot antor li font place cele gent mescréanz .
Et François i ferirent mentes¹ communemant ;
Se paiens ne s''en fuent,tut moront à torment .
Quant voit morir ses homes li amiraus Persanz,
A çois qui ancor sunt trestot vis en estant
A haute voiz escrie :«Baron,fué vos am .»
Quant paiens l''antandirent,n''i ot arestemant ;
As Frans tornent les dos,si s''an tornent fuant .
Et François les anchaucent et tuit li Aulemanz,
Et pres aus sonent grailes et busennes formant .

[ fol. 0408 ]

Ferant les ont menez contravaul .I .pandant ;
Bien les ont anchauciez .IIII .liuées granz .
Ja itant n''aulesez n''arieres ne avant
Que vos ne trovesis Sarazins morz jesanz,
Et tantes sales voides de destrié auferanz,
L''un mor jesir sor l''autre et envers et adens .
De ci que à une eve les anmoinent ferant,
Mout laide et mult idouse,et mervoile fut granz,
Et Sarazins crier Mahom et Tavergan .
Enz an l''eve se fierent li Sarazins puant ;
Ainz que il fusent outre en i ot noié tant
Que par desuz les morz an vont li vis flotant .
A grant poine an estort l''amirauz des Persanz ;
Onques n''an remenai la moitié de sa gant .
Enz ou chan s''an repaire Richiers et Floovanz,
Et Aulemanz asanble o le bon roi Floram ;
Asez an ont menez prisons à lor talant,
Rois et princes et dus,anmatus Aufricans .
Des morz et des navrez an est quevers li chans ;
Qui vosit avoir armes et bon destré corant,
A son talant an pran,car il an i ot tant
Ne les poroit peut² conter nus hons,tan fu saichanz .
Droitemant vers Baufort s''an tornent metenant .
Quant vindrent à Baufort,don fut la joie granz ;
Floovanz se haberge chiés Godefroi le franc ;
Deci à Monloon n''ot borgois si menant :
Mout demoine grant joie quant il vit Floovam .
La file le roi Flore venue i est corant,
S''est aulée baisier le cortois Floovant,
Et Richier,et les autres de la terre des Franz .
Et quant voit Maugalie,si l''esgarde formant ;
De ce li aulai bien,ne la conuit néant
Dusqu''elle soit destainte de la norté qu''ot grant .
Richiers est desçanduz dou bon chevaul corant

[ fol. 0409 ]

Et s''a pris Maugalie com chevalier vailanz ;
En une chanbre à vote l''anmene metenant .
Lai se desaparoile Maugalie au cors gant,
Et vint à .I .escrin,s''en trait .I .oignemant,
Et vis et cors et mains an oint inelemant,
Puis si se fu baignier tot et inalemant :
La blenchour li revint et le norté desçant ;
Mout por fut colorée quant sa bauté reprent .
Quant la vaurai Florete,la file au roi Floram,
Mout en iert corocie,s''aurai le cor dolant .
Au matinot,à l''aube,ainz lou solaut levant,
Prindrent Frans Maugalie ou le cors avenant,
Si la font batïer au mostier san Vinçam Viçam,
Et quant fut batisie,si fut la joie granz .
Florete l''oï dire,à pou ne per lou sen ;
Corant i est venue à l''ostel Floovant .
Lai où elle le vit,ses braiz au coul li pant :
«Car me baisiez,ban sire,frans chevaliers vailanz ;
«Ja n''ai il ome an terre que mes cours amoit tan .
-Dame,dit Floovanz,ce c est tot por néant .
«Vostre pere ai o lui mains chevaliers vailanz,
«Et si est ores auques,certes,mes biens voilanz ;
«Asez tot m''an erroit an trestot son vivant .
«Pouvres hons d''autre terre,soudées conqueranz,
«Ne doit faire tel chose dont lo éent la ganz .»
Quant l''antandi Florote,à pou ne pert lou sanc ;
Elle li respondi :«Sire,à vostre talant .
«Ce C est por Maugalie,la file l''amiram ;
«Bien la devez amer,car ole ai le cors gant :
«Il n''ai tant bale dame deci en Ocidam .
«Volontiers vos préise,si vos fut à talant ;