Floovant

Geste

Floovant: Numérisation de l'édition de Guessard de 1858 Anonyme , éd. par François Guessard , Henri Michelant , sous la direction de Jean-Baptiste Camps édition numérique Lucence Ing , Floovant: Chanson de geste , éd. par Henri Michelant , François Guessard , P. Jannet Paris 1858 F. Vieweg Paris 1859

  1. De venoison sauvaige et d''ours et de sanglez ;
    2. [ fol. 0392 ]
  2. Asez orent à boire et pimant et claré .
  1. FRANÇOIS sont bien serviz lai dedanz an la chartre ;
  2. Asez ont pain et vin que Richiers lor porchace,
  3. Et,quant il ont mengié,si rient et si gabent :
  4. «Onques ne fut tel fanme,ce dit li uns à l''autre .
  5. -Barons,dit Floovanz,onques tel n''acoitates ;
  6. «Il ne ait si vaillant de ci que au port d''Apre .
  1. FRANÇOIS sont bien servi an la chartre perine,
  2. Et,quant il ont mengié,si gabent et si rient .
  3. Maudaranz et Maudoires ne s''asséurent mie :
  4. «Amiraus de Persie,ta foi nos es mantie,
  5. «Qui les François deviés detrenchier et ocire ;
  6. «Vos an feroiz la garde que Daluz fit d''Orbrie,
  7. «Qu''il ot an sa prison .XIIII .anz voire ou .XV .,
  8. «.I .orgoilous François de France la garnie ;
  9. «Puis li eschapa il de sa chartre perine,
  10. «Puis ocit il Daluz et .I .suen fiz,Dalise .
  11. «Ausi feront il toi,se garde n''an est prise .»
  12. A iceste parole estes vos Maugalie ;
  13. L''amiraus la baisa,delez lu l''a essise,
  14. Puis li ai demandé :«D''on venez,belle file ?
  15. «Amaudros,ton cosin,piec''ai que ne véimes .
  16. -Sire,il est melaides en sa abergerie ;
  17. «Dolanz est des François que avant ier préites,
  18. «Quant vos nes avez faiz detrenchier et ocire .
  19. -File,dit l''amiraus,ne s''an esmaoit mie :
  20. «Le matin par son l''aube an iert faite jotise .
  21. «Maderam vos donrai,ce chevalier nobile .
  22. -Sire,dit la pucelle,je ne vos an quier mie ;
  23. «Il est faus crestïens,si ai sa loi guerpie .»
  24. Quant l''antant l''amiraus,à pou n''anrage d''ire :
  25. «Por foi,maule guiscarte,mar le contredéites .»
    26. [ fol. 0393 ]
  26. Par force l''anmenai an la Mahonmerie ;
  27. Maderanz l''esposai à la loi paienie :
  28. Lai desuis ou palais an son les noces riches .
  29. Quant ce vit Maugalie,à pou n''anraige d''ire ;
  30. Ele mande Richier an sa abergerie .
  31. Richiers i est venuz vers la jantiz moichine ;
  32. La pucelle le voit,si li commance à dire :
  33. «S''or ne pansez,Richiers,frans chevalier nobiles,
  34. «Des jantis chevaliers qui an la chartre gisent,
  35. «Le matin par son l''aube an iert faite jotise .
  36. «L''amiraus m''ai donée Maudaran,ce traïte ;
  37. «Orandroit m''esposai an la Mahonmerie .
  38. «O moi vodrai gesir anquenuit,baus douz sire ;
  39. «Por Deu,pansez an tot,frans chevalier nobiles .
  40. -Dame,ce dit Richiers,ne vos esmaiez mie ;
  41. «J''an panserai mout bien,selon la Deu aïe .»
  42. Il cerche les auberz,les elmes de Pavie ;
  43. As François les bailai qui an la chartre gisent,
  44. Puis fait crier le banc por trestote la vile
  45. «Que ce ai commandé li amiraus,mes sires :
  46. «Li chevaus qui ert bons,qui corai à delivre,
  47. «L''amiraus de Persie li an donrai .C .livres .»
  48. Les plus prisiez chevaus de trestote la vile
  49. Ont fait amener .XXX .de desoz une olive ;
  50. A .I .perron de mabre por les renes les tinent :
  51. Jai monteront François qui an la chartre gisent .
  52. Il vetent les auberz,si ont les armes prises ;
  53. A lor cous lor escuz,fors de la chartre isent .
  54. Mout se sont bien saigniez de Deu,lou fiz Marie ;
  55. De ci que à la chanbre ne cessent cessen ne ne finent,
  56. Puis isent de la chanbre,anz ou palais an vinrent .
  57. Au mengier se saoient celle jant paanie ;
  58. Il auront jai .I .mes de moult froide cusine .
  59. Joceranz vai avant,tint l''espée forbie,
    60. [ fol. 0394 ]
  60. Si an fiert Josué,le roi de Piscenie,
  61. Que tot l''ai porfandu antrecique à l''oïe .
  62. Et Guinemanz ses fiz fier le roi de Rosie,
  63. Qu''il i trainche par mi de ci an la poitrine ;
  64. .II troncons en ai fait an le saule perrine .
  65. Et Anmarriz de Chartres fiert .I .roi de Hongrie,
  66. Et ses freres Moranz,Guimer de Tabarie ;
  67. Morz les ont abatuz,qui qu''an poit ne qui rie .
  68. Angeliers fiert Pinel que la teste en a prise,
  69. Et Richarz li Normanz .I .roi de Boquerie,
  70. Que mort l''ai abatu,véant plus de .III .mile .
  71. Floovans vient avant,à la chiere ardie,
  72. Lai où vit Maudaram,si li commance à dire :
  73. «Fiz à putain,cuverz,je vos chalons ma vie .»
  74. Tel cop li ai doné de l''espée forbie
  75. Qui li trenche le cors et tote la poitrine ;
  76. De ci que anz es flanz li ai l''espée mise .
  77. Et Richiers vint après,ne s''esséure mie ;
  78. Si ai feri Maudoire que la teste an ai prise .
  79. François crient Monjoie trestot à une huie .
  80. Li amiraus s''an fut à povre compenie,
  81. Et sa gant d''autre part tot lou palai guerpisent .
  82. Et François les anchaucent es espées forbies,
  83. A l''isir dou palais grant donmaige lor firent ;
  84. Plus de .C .Sarazins les testes i perdirent :
  85. N''i avoit cons cos ne fut ou rois ou dux ou princes,
  86. A honte gisent morz sus ou palais antive .
  87. Tote soule remest la bale Maugalie ;
  88. Où que ques1 Richiers la vit,dit li por cortoisie :
  89. «Dame,ce dit Richiers,vos n''i remendroiz mie .»
  90. Il la prist por lou poin,ansanble ou li l''anguie,
  91. Et vienent aus chevaus de desouz les olives,
  92. Que Sarazins tenoient ileques à delivre,
  • 1.
    Où que. Le copiste a écrit à tort ici
    comme plus haut : Où ques.