Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Qui chante et note,nus ne la puet desdire,

  2. Lais et biax sons et harpes d’armonie .

  3. Li Sajetaire furent as desertines,

  4. Et la pucele ne se volt targier mie,
    5. [ fol. 134 ]

  5. Sor une mule afeutrée petite,

  6. Par mi la lande a sa voie acoillie .

  7. Tant a erré l’anbleüre serie,

  8. Nerbone vit la fort cité garnie .

  9. Par mi la porte s’est en la cité mise,

  10. Si descendi au perron,soz l’olive,

  11. Et aresna sa mulete petite .

  12. Dedenz la sale fu Looys li riches,

  13. Et Aymeris et sa grant conpaignies ;

  14. Li emperere l’a premerains choisies :

  15. «Es !Dex,»fet il,«dame sainte Marie,

  16. «Tant bele dame qui vient ici sotives !

  17. «Ja mar crerez nule rien que vos die

  18. «Se ne nos dist ja novele effreïe .»

  19. Cele parole,que ne s’atarja mies :

  20. «Cil Damedex qui fu nez de Marie

  21. «Et en la croiz lessa son cors ocire

  22. «Et d’aubespine coroner son chief digne,

  23. «Saut Aymeri et sa grant conpaignies :

  24. «Bien le conois a la barbe florie .»

  25. Li rois respont qui des autres fu sires ;

  26. Si li a dits :«Dex te gart,bele amie .

  27. «Qui vos conduits ?Ne le nos celez mie .

  28. — Par ma foi,sire,n’i ai plus conpaignie

  29. «Que Damedeu,lo fil sainte Marie .

  30. «Aymeri sire,sés que je te vueil dires ?

  31. «Par moi te mandent les puceles nobiles

  32. «Que l’autre soir sor Paiens conquesistes,
    33. [ fol. 135 ]

  33. «Que fet avez estranje vilanie,

  34. «Que les avez vendues et traïes

  35. «As Sajetaires ques ont en prison mises,

  36. «En une chartre,dedenz Esclabarie .»

  37. Aymeris l’ot,n’a talent que il rie .

  38. Li quens Auquaires a la parole oïe

  39. Que Sajetaire ont la cité sesie,

  40. Et Clarissant et sa grant conpaignie

  41. Est en la chartre dolerose et sotives ;

  42. Detort ses poinz voiant la conpaignie,

  43. Et vient au roi,envers lui s’umilie,

  44. Et docement por Deu merci li cries :

  45. «Droiz emperere,qui France as en baillie,

  46. «Quens Aymeris a la barbe florie

  47. «M’avoit doné cele cité antive

  48. «Que Sajetaire ont par force sesie,

  49. «Et en la chartre est Clarissant m’amies ;

  50. «Par vostre amor ai je ma loi guerpie

  51. «Et croi en Deu,lo fil sainte Marie .

  52. «Se par vos n’est,ne li puis fere aïe .»

  53. Li rois responts :«Ne vos esmaiez mie .

  54. «Se Dex m’aït,li filz sainte Marie,

  55. «Molt volentiers vos i ferai aïe

  56. «A la cité reprendre .»
    [ fol. 136 ]

  1. Li ber Auquaires dant Aymeri apeles :

  2. «Sire parrains,com je puis dolanz estre .

  3. «Mon premier don voirement quit je perdre,

  4. «Li Sajetaire i menent et conversents ;

  5. «Se par vos non,ne lor puis anui fere »

  6. Dist Aymeris :«Nos lor ferons si pesme

  7. «Qu’il en perdront les vies et les testes .

  8. «Par en son l’aube sera mise ma sele,

  9. «Par fine force les irai la requerre

  10. «A .xxxmil de chevaliers a elmes .

  11. «Mar i sesirent sanz mon congié la terres !

  12. «Nes garira ne puis ne vax ne tertre,

  13. «Forez oscure,ne tors qui ne soit frete,

  14. «Si soit forte ne hautes !»

  1. Li quens Auquaires ne l’a mis en oblis ;

  2. Il en apele Guillaume lo marchiss :

  3. «Sire,»fet il,«por amor Deu mercis ;

  4. «Doné m’avoit mes parrains Aymeris

  5. «Cele cité delez ce pui antifs :

  6. «Li Sajetaire s’i sont a force mis,

  7. «Et Clarissant m’amie o lo cler vis

  8. «Est en la chartre,dont ai lo cuer grami .

  9. «Por vostre amor ai jo ma loi guerpis :
    10. [ fol. 137 ]

  10. «Et molt m’en héent Paien et Sarrazin .

  11. — Voir,»dist Guillaumes,«nos te serons aidiss :

  12. «Ja Sajetaire ne seront si hardi

  13. «Que il atendent mon seignor Aymeris :

  14. «Demain a l’aube les irons assaillir

  15. «A .xxxmil de chevaliers esliz .

  16. «Ne les garront li mur ne li palizs ;

  17. «Tuit seront mort,detrenchié et ocis .

  18. «Puis ferons bien la cité revestir

  19. «Des chevaliers de cest nostre païs .»

  20. Et dist Auquairess :«Sire,vostre merci .»

  21. Quant la pucele a des François oï

  22. Que il iront la cité envaïr,

  23. Tel joie en a que toz li cuers li rit .

  24. El’apela lo preu conte Aymeris :

  25. «Sire,»dist ele,«entendez un petits :

  26. «Je m’en irai,que trop ai esté ci .

  27. — Non ferez,bele,»ce li dist Looys,

  28. «Ançois irez avuec nos lo matin

  29. «Quant nos irons la cité assaillirs ;

  30. «Adont savrons se vos avez menti .