Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. Quens Aymeris en sa chanbre l’en guie,

  2. Et tuit si fil ou durement se fie .

  3. Si li aportent gastiax et tendres sines,

  4. Braons de cers et char de maintes guises,

  5. Vin et piument,chastaignes et olives,

  6. Resins et pesches,menues volatilless :

  7. Dès or seront molt richement servies .

  8. Mès po menbra as François des meschines

  9. Qui sont remeses dedenz les bois logies

  10. A .cFrançois,que plus n’en i ot mie .

  11. Li Sajetaire issent d’Esclabarie,

  12. Après François ont lor voie acoillies :

  13. Bien sont armé que ne dotent la guivre,

  14. Ne ne finerent deci en Ortobrie

  15. Ou li rois jut o sa grant baronies ;

  16. Otre passerent que nel perçurent mie .

  17. Tant ont coru,Jhesus Criz les maudies !

  18. Que lo bruit oent et lo chant des meschines .

  19. Tant s’aprochierent que nos François choisirents ;

  20. François les voient,forment s’en esbahirent,

  21. Lor armes prenent et es destriers saillirent .

  22. Li Sajetaire tréent fort et afichent,

  23. Les escuz percent et ces aubers descirent,

  24. Les connoissances et les broines treilliess ;

  25. Mès no François sont po de conpaignies :

  26. Ne sont que .cet cil sont .iiiimile .

  27. A lor espées en ont la teste prise,
    28. [ fol. 127 ]

  28. Et les puceles en plorent et sospirents ;

  29. Tordent lor poinz et lor chevex detirent .

  30. Li Sajetaire les ont a force prises,

  31. En lor coler les portent et traïnent

  32. Par mi les landes dures et enhermiess ;

  33. Adez i a esglentier et espine .

  34. Nule pitié ne lor prent des meschines,

  35. Qu’a nule feme ne prenent druerie .

  36. Onc ne finerent deci Esclabarie,

  37. Et les puceles i ont en prison mises

  38. En une chartre dolerose,soullies ;

  39. Qui leenz est po puet prisier sa vie .

  40. Or recommence bone chançon nobile,

  41. Si com barnaje se amonte et decline

  42. Et d’autre part essauce et puis avile .

  43. Ainsi reprist danz Aymeris sa vile

  44. Que Sarrazin li avoient traïe,

  45. Ce raconte l’estoire .

  1. Li Sajetaire furent en lor cités ;

  2. Devant els font les dames amener

  3. Enchaainées et en charchans ferrez,

  4. Et en tex bruies que nes porent osters ;

  5. Enz en la chartre les ont fetes jeters :

  6. Qui iluec est molt a mauvès ostel .

  7. Boz et colovres i avoit il asez .

  8. Quant li floz monte,si enple lo fossé,

  9. Par .iichanax lor en i entre asez,

  10. Dont les convient totes droites ester,
    11. [ fol. 128 ]

  11. Jusqu’as mameles les i convient floter .

  12. Quant floz retret,si voide lor ostels ;

  13. Li pavement lor remaint tot curez,

  14. Ne mès des vers qu’i suelent converser .

  15. C .crestiens ont la dedenz trovezs :

  16. Marcheant sont de France lo regné

  17. Qui alé furent a une foire anuel

  18. Qui en Espaigne avoit .v .mois durés ;

  19. Si grant avoir en orent aporté,

  20. XXV .somiers d’or et d’arjent trossezs ;

  21. Et quant il durent en France retorner,

  22. Li Sajetaire en oïrent parlers ;

  23. Si les gaitierent a un destroit de mers :

  24. Tuit furent pris,n’en pot un eschaper .

  25. L’avoir en firent en une tor porter,

  26. Les François firent en lor chartre jeters ;

  27. Et les puceles les en ont apelez

  28. Et lor demandent de quel terre sont nez,

  29. Et cil lor dient tote la verité

  30. Des max qu’il ont soferz et endurez,

  31. De la puor qui lor vient de la mer .

  32. Li Sajetaire furent tuit asenblés ;

  33. En droit midi firent l’eve corner,

  34. Desor les tables font lo mangier porters ;
    35. [ fol. 129 ]

  35. Mès il n’i ot ne pain ne vin ne sel,

  36. Poivre molu ne comin destenpré,

  37. Mès la char crue qui bien lor vint a grés :

  38. Cele manjuent,que il ne vivent d’el .

  39. As damoiseles font a mangier porter,

  40. Char tote crue de cerf et de senglers :

  41. François i corent qui furent afamé,

  42. Crue la trovent,si n’en porent goster .

  43. A une part la corurent jeter,

  44. Adont saillirent serpent a grant plenté,

  45. Box et colovres dont il i ot asezs ;

  46. En petit d’ore les en ont delivrez,

  47. Mès une mie n’en peüst en trover .

  48. Qui donc veïst ces tortues aler

  49. Et ces serpenz rechiner et sifler,

  50. Soz ciel n’est hom n’en fust espoantés ;

  51. Et les puceles commencent a plorer,

  52. Les poinz a tordre,lor chevex a tirer .

  53. Jhesus de gloire qui se lessa pener

  54. En sainte croiz por son pople sauver

  55. Lor doinst secors por lor cors delivrers !