Mort Aymeri de Narbonne

Geste

Mort Aymeri de Narbonne: Numérisation de l'édition de Joseph Couraye du Parc sous la direction de Jean-Baptiste Camps édition numérique Ella Duréault édition numérique Axelle Janiak édition numérique Armâne Magnier , , éd. par Joseph Couraye du Parc , La mort Aymeri de Narbonne: Chanson de geste Firmin Didot Paris 1884 Société des anciens textes français Paris


  1. «Ha,Looys,jentil enpereors !

  2. «Ne me verrez ja,sire,a nul jor .

  3. «Ha,mi enfant,or me demorez voss ;
    4. [ fol. 70 ]

  4. «Biax sire Guiberz,que ne le savez vos,

  5. «Que je sui pris et menez a dolors !

  6. «Car par deça,vendra vostre secors,

  7. «Devers Espaigne sordra vostre oriflor .

  8. «Dex m’envoit vostre aïes !»

  1. Quant l’amirals ot Nerbone traïe

  2. Li suen baron corurent par la vile,

  3. Tot ont lo borc et les rues sesies,

  4. Les forteresces et lo palès plus riche,

  5. Fors que la tor dont n’a encore mies :

  6. XIII .estajes a el palès nobile

  7. Avant qu’on viegne a la mestre establie,

  8. Es hautes chanbres dant Aymeri lo riche .

  9. Plus i a or qu’en Cordres n’en Sezile,

  10. N’en Corcenie n’en terre Femenie .

  11. Desoz les votes,en la grant manantie,

  12. Dame Hermenjart se conplaint et sospire

  13. Que de vitaille est forment escharies ;

  14. Si ot o li .xvde ses meschiness :

  15. Et si n’i a .isol mangier dont vives :

  16. De son avoir chanjast une partie,

  17. V .muis d’arjent por un mui de farine,
    18. [ fol. 71 ]

  18. Et .xxxsolz por un sestier de sidre,

  19. Por un tret d’eve,.cmars d’or a devises ;

  20. Mès Sarrazin ne lor vendroient mie,

  21. Ainz la leroient decoper et ocire .

  22. Li cuers li ment,li menbre li palissents ;

  23. Se Dex nel fet li filz sainte Marie,

  24. Ja la contesse ne lor estordra vive .

  25. Li amirals fu plains de grant voidie,

  26. De traïson et de grant boiseries ;

  27. Devant la tor a pris herberjeries ;

  28. Un tref i tendent paien que fée firents :

  29. N’i avoit corde ne feste ne cheville

  30. Ne soit a or a pierre o a bericle .

  31. A Mahomet un grant estaje firent

  32. Sor .v .colonbes tailliées par mestrie,

  33. Bloes et jaunes et vermeilles et indess ;

  34. La l’ont levé li Sarrazin de Niques ;

  35. Son chapel est d’un vert paile de Grice .

  36. Li amirals estoit plains de boisdie,

  37. Porpensa soi d’une grant lecheries :

  38. Onques nus hom ne pensa tel folie .

  39. Il en apele Auquaire d’Aumaries :

  40. «Biau sire niés,vos ne me faudrez mie .

  41. «Vos en irez en terre Femenie

  42. «Et si direz a Clarissant m’amie,

  43. «Qu’el viegne a moi,et si nel lesse mies ;
    44. [ fol. 72 ]

  44. «.XIIII .mil amoint de ses meschines .

  45. «Je lor dorrai Nerbone tote quite

  46. «Que a force ai sor Aymeri conquise .

  47. «El mois de mai que la rose est florie,

  48. «Desoz Nerbone grant est la praerie

  49. «Et li onbrajes de la mananderies ;

  50. «La se poront deporter et deduire .

  51. «O vos menrez Sarrazins .xxxmile

  52. «Ques conduiront par les vax de Tubies :

  53. «Que l’en nes gait au port soz Aumarie

  54. «Qu’eles ne soient enconbrées ne prisess !»

  55. Et dit Auquairess :«Molt volentiers,biau sire,

  56.  «Irai je el mesaje .»

  1. Li Sarrazin ne vodrent prendre termes :

  2. De beles armes se conroient et vestents ;

  3. XXX .mil furent a aubers et a elmess ;

  4. Vindrent sor mer tot droit as basses terress ;

  5. Trovent les nés aaisiées et beless ;

  6. Dedenz entrerent la pute jent averses ;

  7. Notent et tinbrent et harpent et vielent,

  8. Par mi la mer se najent et governent,

  9. Et arrivent au port soz Muciterne .

  10. En Femenie conterent les noveles

  11. A Clarissant et as autres puceles .
    12. [ fol. 73 ]

  12. XIIII .mil s’en conroient de beles

  13. Des plus cortoises qui furent en la terre .

  14. Portent oisiax et moinent fieres bestes,

  15. Sinjes privez et calandres et melless ;

  16. Jusqu’a la mer ne finent ne ne cessents ;

  17. En .xxxnés drecent voiles et perches,

  18. Par mi la mer se najent et governent

  19. Droitement a Narbone .

  1. La jent paiene que li cors Deu cravant,

  2. Ont a Nerbone pris lor herberjement .

  3. L’amirals monte sa tor de maintenant .

  4. XX .aumaçor et .xxxroi puissant

  5. Droit a la tor vindrent esperonants ;

  6. Dame Hermenjart apelent en riants :

  7. «Franche contesse,car issiez ça avants ;

  8. «Si parlerez a Corsolt l’amirant .

  9. «Se volez fere son gré et son talent,

  10. «Il vos dorra un riche roi puissants ;

  11. «.XIIII .contes avrez des plus vaillanz

  12. «Qu’onques ne fu danz Aymeris li blans,

  13. «Qui au mangier vos serviront devant .»

  14. Ele s’escries :«Taisiez,mauvese jent,

  15. «Qui si m’avez traïe malement .
    16. [ fol. 74 ]

  16. «Forz est la tor,n’i enterrez oans ;

  17. «Toz li mortiers en fu pestri a sancs ;