Garin le Lorrain

Geste

Garin le Lorrain: Numérisation de l'édition de Pamfilova de 1931 du fragment de la bibliothèque vaticane (Vat. lat. 273) , éd. par Xenia Pamfilova, édition numérique Anastasiia Zadykhina sous la direction de Jean-Baptiste Camps , , éd. par Xenia Pamfilova , Fragments de manuscrits de chansons de geste 10.3406/roma.1931.4053 Romania Paris 1931 t. 57 504-547 VATICANO (CITTA DEL) Biblioteca apostolica Vaticana Vat. lat. 00273

  1. Devant1 Vaunuble a Rigaus siege mis
  2. —Ont il bien jent ?ce dit l''empereriz .
  3. —Oïl,ma dame,foi que doi Saint Denis !
  4. Bien sont trois mil de chevaliers gentis .
  5. Huimés devons a Begon revenir :
  6. Riche servise en fist l''empereriz '
  7. Begon emportent au Loheran Garin,
  8. Ardane lessent,en Ardenois sont mis,
  9. En Loheraine d''autre part sont ganchi .
  10. De ci a Gorde ne pristrent onques fin
  11. Ces damoiseles chanter et esbaudir :
  12. Halte est la feste,chascuns la vialt oïr .
    13. [ fol. 00045 ]
  13. —Sainte Marie !ce dist li dus Garins,
  14. Reine dame qui lo cors Deu tenis,
  15. Sauve mon cors et trestoz mes amis !
  16. Li cuers me tramble et me prent a dolir,
  17. Qu''il m''est avis qu''il me doie partir .
  18. Dex !se c''est bien qui me doie avenir,
  19. Donez lo moi,sire,par tens veïr,
  20. Et d''autre chose,se toi plest,m''escremis .»
  21. —Dites lo moi,d''o venez vous,amis ?
  22. —De Saint Amant,de ce nostre païs,
  23. Meumes no mie xv .dis .
  24. —Quex hom est ce,q''an cele biere gist ?
  25. Est il malades o navrez o ocis ?»
  26. Et dit li abes :«Vous lo sauroiz par mi,
  27. C''est vostres frere dus Begue de Belin,
  28. En la forest Fromors lo posteïs
  29. Lo vous a l''en detranchié et ocis .»
  30. Li dus l''entent,a po n''enrage vis
  31. grant duel et grant cri
  32. Nes Deu tonant tu poist an oïr .
  33. Garins se pasme que ne s''en pot tenir .
  34. Au relever or oiez que il dist :
  35. «Por coi,biau frere,vous a Fromons ocis ?
  36. Ja disoit il qu''il estoit nostre amis '
  37. Nos estien guerroié et haï,
  38. La pes fu fete devant lo roi Pepin .
  39. Or vos ont mort !Ja n''en pussent joïr !
  40. Mes par celui qui de l''eve fist vin
  • 1. La transcription donnée ici contient quelques erreurs de lecture (et de rares mots manquants). On se reportera à la transcription allographétique du fragment.