Garin le Lorrain

Geste

Garin le Lorrain: Extraits du BnF fr. 4988: numérisation de l'édition de P. Meyer , éd. par Paul Meyer, Encodage en TEI Marie-Laurence Bonhomme édition numérique sous la direction de Jean-Baptiste Camps , Mélanges de poésie française Paul Meyer Romania Paris F. Vieweg, libraire-éditeur 1877 t.6 n°24 pp.481-503

  1. Nostre empereres fist ses briés saieler .
  2. Il fait mander quan k 'il peut aüner :
  3. .lx .mil en a bien amassés .
  4. Les os s 'esmeuvent :or penst Dieus del guier !
  5. De S.Saint Denis fait l 'ensaigne porter
  6. Li dus Garins1 ki tant fait a loer :
  7. N 'ot tel baron dusc 'a la Rouge Mer .
  8. Et Beg.Begue fait l 'ost rengier et sierer ;
    9. [ fol. 483 ]
  9. Il n 'a baron en l 'ost nel doie amer .
  10. A Soissons vinrent,si com j 'oï conter ;
  11. Aval le pré se keurent adouber .
  12. La veïssiés le vitaile amener,
  13. De maintes pars chevaliers aüner .
  14. De Soissons partent quant il dut ajourner ;
  15. Dusc 'a Bruiieres ne vorent arester ;
  16. Illeuk a fait li roys sa gent armer ;
  17. Beg.Begue et Gar.Garins en font avant aler,
  18. Guille .aveuk et Fromont le sené,
  19. Atout .xx .m chevaliers adoubés ;
  20. Desci en l 'ost ne se sont aresté .
  21. La veïssiés maint chevalier verser ;
  22. Beg.Begon en donnent le los li baceler
  23. De bien ferir et de lance porter .
  24. Leur escief font partir et deviser,
  25. Beg.Begue donna le sien,ki mout fut ber .
    26. [1]
  26. Vers Flandres tournent pour le terre gaster,
  27. Et Flamenc vinrent au roy merchi crier :
  28. «Hé !gentieus roys,aiiés de nous pité,
  29. «Que ne nous faites nostre terre gaster !»
  30. Mais ainc ne porent au roy merchi trouver .
  31. Devant le roy en sont venu ester .
  32. Beg.Begue li dus,qui mout fist a loer,
  33. Et dist au roy :«Tout çou laiiés ester !
  34. «Qui merchi crie il le doit bien trouver :
  35. «Dieus le ꝯmandecommande ki tout a a sauver .»
  36. Dont dient tout :«Ychils estera ber,
    37. [10]
  37. «Et s 'il est saiges il peut assés donner2 .»
  38. La trieve donnent et si font pais fremer .
  39. Adont parolle Garins li gentieus ber :
  40. «Sire,»fait il,«a vous me veul clamer :
  41. «Roys Anseys me veut deshireter ;
  42. «Ma terre tient ke deuïsse garder .
  43. «Nel deüssiés souffrir ne endurer :
  44. «A vous en doit li drois fiés retourner,
  45. «En toutes cours garandir le devés .
  46. —Faites le bien,sire,»che dist Hardrés .
    47. (b)
  47. «Pour coi feriés vo gent arier tourner ?
    48. [20]
  48. «Alons a Mès dont j 'oie Garin parler .
    49. [ fol. 484 ]
  49. «Quant i serons faites le roy mander
  50. «Qu 'il laist vo terre,n 'i ait soing d 'arester ;
  51. «Et s 'il nel fait,mais m 'en volras tourner,
  52. «Si aras fait tout jus la tour verser .»
  53. Et dist li rois :«Si com vous ꝯmandéscommandés .»
  54. A itant font les grans os arouter,
  55. A Fromondin font l 'ensaigne porter ;
  56. Mout en sont lié chil legier baceler .
  57. Ensanble en vont,cui qu 'en doie peser,
    58. [30]
  58. A Mès en vinrent droit a .j .ajourner ;
  59. Dont fissent trés et pavillons lever ;
  60. Lor mesaigiers font en la vile entrer
  61. Parler au roy,k 'il le cuident trouver .
  62. En la vile entrent li mesaige Pepin
  63. Parler au roy se le pevent veïr .
  64. Parla premiers Hardrés au poil flouri :
  65. «Nostre empereres,»fait il,«m 'envoie chi ;
  66. «Des fiés le roi estes a tort saisi :
  67. «Par moi vous mande,ke vous veés ychi,
    68. [40]
  68. «Que li rendés sa terre et son paiis .
  69. —J 'en parlerai3 ,sire,»dist Anseys .
  70. —Vous ferés bien,sire,»Hardrés a dit,
  71. «Car bien sachiés qu 'en poroit estre pis .»
  72. Anseys fait la gent a lui venir :
  73. «Consilliés moi,signeur baron,»fait il,
  74. «Bien sai ke tieng a tort le fief Pepin,
  75. «Et si nel puis contre lui garentir .
  76. «K 'en loés vous,franc chevalier gentil ?
  77. —Rendés li,sire,pour Dieu ki ne menti ;
    78. [50]
  78. «Si ert a pais li terre et li paiis .»
  79. A ces paroles ont fait Garin venir,
  80. Si li rendi quan k 'il y dut tenir .
  81. Quant çou ot fait n 'en demoura enki,
  82. Ançois s 'en va arier en son paiis .
  83. Chi vous lairons .j .poi del roy Pepin,
  84. Si vous dirons del riche roy Tieri :
  85. Moriane ot et Val—parfonde ausi .
  86. Li .iiij .roy sont en sa terre mis,
  87. Toute li gastent sa terre et son paiis ;
    88. [ fol. 485 ]
  88. Il prent consel comment pora garir .
    89. [60]
  89. Ses mesaigiers envoia a Pepin,
  90. Joffroy,Gautier et ꝯteconte Bauduïn ;
  91. De Val—parfonde se sont en France mis ;
  92. Ainc ne finerent si vinrent a Clugny ;
  93. Illeuk demandent nouveles de Pepin ;
    94. (c)
  94. On leur ensaigne a Lengres,la fort cit,
  95. La tient sa court,ainc hons si grant ne vit :
    96. [70]
  96. Beg.Begue y est et ses freres Garins,
  97. Hardrés,Fromons,Guillaumes li marchis .
  98. Es les mesaiges ki vinrent a Pepin .
  99. Premiers parla Joffrois li fieus Gaudin,
  100. Que bien l 'oïrent Mansiel et Angevin,
  • 1. Corr. Le duc Garin. A la rigueur on peut admettre que fait (au vers précédent) soit une sorte d'auxiliaire, comme l'anglais does, mais cf. plus bas [v. 28] : A Fromondin font l'ensaigne porter.
  • 2. faudrait durer; cf. la leçon de Troyes.
  • 3. Corr. J'en penserai.